Yohanise 17:21 - Kille Caaqo

²¹ Nuwadde, neni taaka tanini neeka yesenike usi be uddina bidzi muxhuronaara bidzi maxonaara u yesoronikeko nemba ta shi'e. Neni tamba ansonike ha saha gara yese axiti hidi hiyorosa usini assi nuuka u yesoronikeko ta shi'e.

Yohanise 17:21 ပူးပေါင်းရင်းမြစ်များ

Marqoose 3:24

Bidzi kaatetowa yese axiti sekke hanke wola shaha'ayko ye kaatetoy miinguwasso.

Yohanise 10:16

Ha doritaara wolla aquwassako fede dorita ta keenge. Uso hanke ooweko tamba e worguse, usini ta kato u siine, ha doritaara bidzo u maaqe, uso yeengesini bidzo e maaqe hidiko.

Yohanise 10:30

Taara nuwadiyaray bidziko>> yeydi e hido.

Yohanise 10:38

Nuwadey tamba hidi hidosa hantesa ta maaddho geede tamba aadexuwasa maaqo'ayketeni ta hante hanta hidi ekkuwayte. Ha esunako nuwadey taara bidzo maaddhi tani nuwadiyara bidzo maaddhesesa tiddhissi hi ere>> hidi e hido.

Yohanise 11:42

Uddi wogga taase ne siinesa erako ta ere. Tamba ne ansonike hidi u hiyorosa ha ta googe ee'e axitume hissineko yeydi nemba ta shidho>> yeydi e hido.

Yohanise 13:32

Wontoy e badena kuxutto'ayko beese esa kuxako e kuxe. E kuxesini decuwassho.

Yohanise 13:35

Wola hi eeha'aykoko ta oge hangeesita hi maaqenikeko axi uddi ere>> yeydi e hido.

Yohanise 17:11

Yoonase tani ha saha gara decuwassho. Usimay ha saha garako u yese. Tani neekoko hamese hine. Hayla maaqe nuwadde! Nini bidzo maaqenike usini bidzo maaqorosa taase ne indese ne sunxi osana uso kakkuwa.

Yohanise 17:18

Neni tamba ha saha gara yese axituko ansonikeko tanini uso ha saha gara yese axituko ta anso.

Yohanise 17:20

Nemba ta shi'esi ha u gishawo e maaddho baanne u otosa siidi tamba aadexeesituse uddiko.

Yohanise 17:25

Gizo maaqe nuwadde! Ha saha axiti nemba eruwasso. Tanimay nemba erako ere. Ha usini tamba ne ansonike erako u ere.

Yohanise 17:3

Koolo makkina yesoy ne goshiwoy aade Wonto hidi hiyutte Wonto maaqe neera ne anso taa Yesuusi Kristosaara ereko.

Yohanise 17:8

Ye esini taako ne indo kato ususe ta otinne ettiko u yese. Tanini neekofa yoodonike modhussi erdi tamba ne ansonike hidiko u yese.

Yohanise 3:17

Wontoy be yele ha saha gara e ansosi ha saha gara yese axiti e yelena looloronike baaka ha saha gara yaa'ese maaquwasso.

Anxuttaasiti 2:46

Uddi wonteni bidzi muxhurona Wonto Hayla Zawa qeyshi giddaa u bhikkilutticha, wol zawa hanti Laaxi qamete u muucha, maggisine geeshi muxhurona yesine be kaxa u muucha.

Anxuttaasiti 4:32

Aadesi yechashitini bidzi muxhurona bidzi maxona u yecha, u keengicho abakoy uddi kooxewo e maaqichosha baaka yesesaafa bidzi axi <> yeydi hinesi badiko yecha.

Roomaxituse 12:5

Ye esuke nini laga maaqisine Kristosana bidzi garako. Be sunxuna sunxuna yese nini wol gara sifuttiko ni yese.

1Qorontoosaxituse 1:10

Nuundo nayshito! Hi zeeresi bidzi bisha maaquwaye baaka hi giddaaka shahoy yessoppe. Hi uddina wolla kundi bidzi muxhuronaara bidzi maxonaara miindi yesuwayte hissineko nu Laaxi Yesuusi Kristosa sunxuna hinumba ta shi'e.

1Qorontoosaxituse 12:12

Garay bidzo maaqisine be sunxuna sunxunako e yese. Ye be sunxuna sunxuna sundi laga e maaddhakoni garay bidzowoko. Kristosani ye esuke yesesako.

1Qorontoosaxituse 6:17

Laaxi Yesuusaara bemba bidzo mahe axi esaara be muxhurona bidziko e maaqe.

Galatiya 3:28

Hi uddina Yesuusi Kristosaara bidzo hi maaqe gisha Ayhudaxituseni Ayhuda maaquwasituseni u gidda maalaseni laaxuseni u gidda asanxuseni maachisheni u giddani abani shahoy baasso.

Filphisoosaxituse 1:27

Hatte Kristosa modhe odose e bishenike yesuwayte. Yeydi hi yessako yoodi hinumba ta beedakoni zara yesine hi odo ta siidakoni modhe odowafa siidi hi aadexe aadexose hade bidzi axukeydi kardutti bidzi muxhurona miindi hi ee'enike erako ta ere.

1Yohanisey 1:3

Nu siidosaara nu beedosaara hinuse nu odusesini nuura wol bade hi maaqorosako. Wol bade ni maaqesini adiyara e yele Yesuusi Kristosaara wolkoko.

1Yohanisey 5:7

Ha e gisha haydzi atoko yesa.