Yohanise 15:5 - Kille Caaqo

⁵ Tani weyne zuusuko, hinuni hangitako. Ooneni taaka yesa'ayko tanini esukaaka yesa'ayko ye esi laga aafeko e kaxhe. Ye esini taara baaka abani mahese danda'uwaytako.

Yohanise 15:5 ပူးပေါင်းရင်းမြစ်များ

Matoose 13:21

Maaqe baaka woggasewo baaka xhabho keenguwasso. Wonto kato gisha maddhay oo'oyne goodoy maaddhako ukkenawoko dhumutti e unge.

Yohanise 12:24

Hinuse ta ohesi fetto aadeko. Gossa aafey sahaa aylutti hay'e dheeddako be goshewoko e atte. Aylutti be haydho geedema laga aafeko e kaxhe.

Yohanise 15:16

Tani hinumba xhardosa baaka hinuni tamba xhardo baytako. Handi aafe hi kaxhoronikiyara ye hi kaxhe aafey yesesa maaqoronikiyarako hinumba ta maagesso. Ye e gisha ta sunxuna nuwadey hi shi'e abako aba e maaqo'aykoni hinuse ingako e inge.

Yohanise 5:19

Yesuusani <

Yohanise 9:33

Ha axi Wontokofa maaqe dheeddako aban hantese danda'uwadiko e yecha>> yeydi e hido.

Anxuttaasiti 4:12

Looloy fedana oonenani baasso. Loolese esuna ni danda'esi ha saha wosula aallo axuse ingutta sunxi feday baasso>> yeydi e hido.

Roomaxituse 12:5

Ye esuke nini laga maaqisine Kristosana bidzi garako. Be sunxuna sunxuna yese nini wol gara sifuttiko ni yese.

Roomaxituse 6:22

Hattema cubbo maaketowafa shawo kessi Wonto maala maaddhiko hi yese. Ye esi e go'esi hinumba hayla mahesuko. E aallicirani koolo makkina yesoko.

Roomaxituse 7:4

Nuundo nayshito! Hinuni ye esuke Kristosay axe maaddhi e haydhoniyaka hinunini esaara wolko haydhi Muse woga garafa shahutti fedase yeydi hiyoni haybowafa dendasuse maaddhiko hi yese. Yoonase Wontose hanti aafe nu kaxhoronikeko e maaddhese.

1Qorontoosaxituse 10:16

Laaxi qamete wogga Wonto galatti shati nu ushe usshi Kristosa suuxaara bidzeto keengesa maaquwaye? Wolla nu meyse booray Kristosa achowara bidzeto keengesa maaquwaye?

1Qorontoosaxituse 12:12

Garay bidzo maaqisine be sunxuna sunxunako e yese. Ye be sunxuna sunxuna sundi laga e maaddhakoni garay bidzowoko. Kristosani ye esuke yesesako.

1Qorontoosaxituse 12:27

Yoonase, hinunini Kristosa garako, hi bidzi bidzinani e gara shahitako.

2Qorontoosaxituse 13:8

Ye esini aademe hissine nu hantesa baaka aadey inxha'esa aban hantuwanxhiko.

2Qorontoosaxituse 9:10

Aylesuse mor'e miyose kaxa inge Wontoy hi ayle mor'e kunsi garsiko e inge, hi gizeteni laga aafe kaxhoronikeko e mahe.

Galatiya 5:22

Ayaana Geeshi axukaa kaxhe aafey eeha, magga, modhete, danda'o, jhergete, modhe hanta hante, be godofa arte dheebe,

Efesoonaxituse 5:9

Fo'e aafey modheteni, gizeteni, aadeni uddi ye esa bisshesheshitako.

Filphisoosaxituse 1:11

Ye e bisha yesonako Yesuusi Kristosay hinuka kaxe gizete aafe lagussi hi kaxhe. Wontose kuxaara galataaray bentoronike hi mahe.

Filphisoosaxituse 4:13

Kristosay inge osana uddi basuko ta danda'e.

Filphisoosaxituse 4:17

Yeydini ta hinesi modhe hi hantana gardesesuna Wontoy hinumba suuzorosako baaka taase hi ingorosa jhuujhi maaquwasso.

Qollasiyasaxituse 1:10

Yeydi e maaqo'ayko Laaxuse yese e worgusenike yessiko uddi ogena Laaxe hi magguse, laga bisha modhe hanta hanti aafe beysenaara Wonto erenaara diceshe hi danda'e.

Qollasiyasaxituse 1:6

Modhe odo hi siido wontiyafa aytiyara Wontoy axuse keenge maxo modhetey aba e maaqenike hi erdo wontiyafa aytiyara ha modhe odoy hi giddaaka aafe be kaxhonike uddi ha saha gara aafe kaxhiyakaara diciyakaarako e yese.

Yayqoobey 1:17

Uddi modhe inguwara uddi facete keenguwa modhe suusaaray wona afaa yesine fo'e ingeesita uddi meddha Wontokofako e ingutte. Esini hade gejhoke sekke hanke hiwwass,o artuwasso.

1Phexhrosey 2:4

Yebo, en'a shuche maaddhese Laaxi Yesuusako uquwayte. Ye shucheni axiti haassi datto, Wontomay hay xhardi e kusso.

2Phexhrosey 3:18

Ye esukofa nu Laaxeni numba loolusaseni maaqe Yesuusi Kristosay hinuse be keenge maxo modhetiyafa densi hinukaa e hantesunaara esa erenaara dicuwayte. Hatteni maaqqe koolo makki aallo esuse kuxa fuulay maaquwaye. Ameen.