Yohanise 14:16 - Kille Caaqo

¹⁶ Tani nuwade shi'oko ta shi'e, esini hinunaara wolko koolo makkina yese hinumba minxarase fedako hinuse e inge.

Yohanise 14:16 ပူးပေါင်းရင်းမြစ်များ

Yohanise 14:14

Aba e maaqo'aykoni ta sunxuna hi shi'esa tani mahoko ta mahe>> yeydi e hido.

Yohanise 14:18

Hinumba hade baalokeysi mikke dhagguwasso, hinuko yootako ta yoone.

Yohanise 14:26

Nuwadey ta sunxuna hinuse anxe hinumba minxe Ayaana Geeshuko hinumba uddi erusesa. Hinuse ta zeerdosa e uddina hinumba maxusako e maxuse.

Yohanise 15:26

Nuwadekofako hinumba aade erusara Ayaana Geeshe hinuse ta anxe. Ye nuwadekofa kessi yoonesi hinumba minxesi be yoone woggaaka ta gishako e zeere.

Yohanise 16:22

Ye esuke hattey hinuse maddhaara higilsaarako. Maaquwaye baaka sekkeko hinunaara ta muhe, yenniyani maggako hi magge, hi magga baysese danda'esi baasso.

Yohanise 17:15

Iita maaqe Humbaye garafa uso ne kaforonike baaka ha saha garafa uso are ne kessoronike shi'uwasso.

Yohanise 17:20

Nemba ta shi'esi ha u gishawo e maaddho baanne u otosa siidi tamba aadexeesituse uddiko.

Yohanise 4:14

Tani inge waaxe usheshimay koolo makkina sazzuwasso. Ye esini esukofa koolo makkina yesoy fol'e tultoko e maaqe>> yeydi e hido.

Yohanise 7:39

Ye esani e zeerdosi esa aadexesi ekke Ayaana Geeshi gishako e maaqicha. Yenniya Yesuusay be wontunte kuxa fuulaaka arto badi yecho gisha Ayaana Geeshi hodho badiko e yecha.

Anxuttaasiti 1:4

Bidzi wogga usaarani wolko be yechoniya <

Anxuttaasiti 13:52

Laaxi oge hangeesiti orjena maddi Ayaana Geeshuna u kundo.

Anxuttaasiti 9:31

Yuuda wude, Galila wude Samariya wude yese Wonto zawa axiti modhena u yeso, u osaxho. Wonto jhashishiniyara Ayaana Geeshuna oseysiniyara hangisine u taafoy laddo.

Roomaxituse 14:17

Ye esini Wonto kaatetey Ayaana Geeshuna bente gizetese, modhetese, maggesuko baaka miyo gishaara usshi gishaara dende zeere maaquwasso.

Roomaxituse 15:13

Hi gobbey Ayaana Geeshi osana dicishine hamoronike axe gobbuse Wontoy esa hi aadexe gisha maggaara modhetiyara uddi hinuse inguwaye.

Roomaxituse 5:5

Nuuse ingutta Ayaana Geeshi badena Wonto eehay nu muxhurowa e kundese gisha gobbiya nu yese gobboy numba borsusuwasso.

Roomaxituse 8:34

Hine u gara yaa'esi oonena? Kristosay u gara yaa'aa e yaa'e? Oo'o, yaa'ekofa nu gisha haydhi haybowafa dendi Wonto oshishaa uttiko nu gisha Wonto e shi'e.

Galatiya 5:22

Ayaana Geeshi axukaa kaxhe aafey eeha, magga, modhete, danda'o, jhergete, modhe hanta hante, be godofa arte dheebe,

Filphisoosaxituse 2:1

Kristosaara bidzo maaddhi hi yesesuna wola minxena oseydiko hi yese. Kristosa eehana hi garafa higilsa oossi miindi Ayaanana wolko bidzo maaddhiko hi yese. Woluse massiko hi yese, woluseni higilliko hi yese.

2Teselonqaxituse 2:16

Beese nu Laaxi Yesuusi Kristosaara nimba eeti niise be keenge maxo modhetena koolo makki aallo nimba e minxoronike mati modhe gobboni niise inda nuuse ade maaqe Wontowaray

Ibraxituse 7:25

Ye e gisha koolo makkina en'a maaddhi uddi woggaaka nuumeysine Wonto be shi'e gisha be badena Wontoko yooneesita uddi facete keenguwasa loolusesuko e danda'e.

1Yohanisey 2:1

Ta nayshito! Ha esa hinuse ta diizesi cubbo hantofita hidiko. Haliya ooneni cubbo hantesa maaddhako nuwade badiya nu gisha eedhesesako nu keenge. Ye esini gizo maaqe Yesuusi Kristosako.

1Yohanisey 2:27

Hinuni Kristosa garafa hi ettese Ayaana Geeshi hinukaa yese gisha hinuse fede erusesa worgusuwasso, Ayaana Geeshuko uddi base hinumba erusesa. E erusesini aadewo baaka zaade erusuwasso. Yeysi e erusonikewo Kristosaara bidzo hi maaddhesenike shahutte baaka yesuwayte.

2Yohanisey 1:2

Ye aadeni hatte niika yesesaara buro garani niira koolo makki aallo yesesaarako.