Wontoy bidzi be yele be ingoro makko ha saha gara yese axita keddaysi e eeto. Ye e gisha e yele aadexesi uddina koolo makkina yeso u degexesa baaka bayuttuwasso.
Afaafa hoddha en'a booray tambako. Ha booraafa muunesi ooneni koolo makkinako e yese. Ha saha gara yese axi yeso u keemoronike ta inge booray ta achoko>> yeydi e hido.
Uddi abakome afana maaqesa taase ta etto geede hinuse zeerdiko ta yecha. Ye esini Hayla Fissharowa e diizuttesenike Kristosay nu cubbo gishako e haydho,
Esi Wonto kuxa fuula laci lacissi faqesako. Wontoy Wonto maaqenike esini Wonto bisha aytese Wontoko. Osa keenge be katonako uddi base kiiddhi e aytese. E yeleni axiti cubbowafa geejheshe u danda'oronike be mato geede afaaka osaxe maaqe Wonto oshichi bade uttiko e yese.
Cubbo ni hantuwannike hade haydhese axuke cubbokofa shahutti gizetena ni yesorosako Kristosay beese be gara ni cubbo iddi suxi mixi gara e suxhutto. Ye e madanako hi loollo.
Kristosay Wontoko numba uqusese beese gizo maaqisine gizete keenguwa nuume nu cubbo gisha sekke be lakkuwasa bidziyawoko e haydho. Axe be maaqesuna e haydho, ayaana be maaqesuna dendi en'a e maaddho.
Eehay ha esako. Eehay nini Wonto eetonike maaddho badi e yesune Wontoy numba beesewo be eetosaara be yele kaasha mati nu cubbo e ooxorosa e ansosaaray ye esako eehay.
Ye e geedeni hay dori Xhiyoone bakka gara ee'usune ta beedo. Esaara wolko e sunxaara esade sunxaaray u deemowa diizutti yese xhiixe oyddi tamma oyddi kuma axiti u yecha.
Ye usitini indowaxhaara muti be eruwa gisha indowaxhaara muhena tuneydo baasitako. Dori hange oge uddi esaara wolkoko u hange. Wontosaara dorusaara burona bentase u maaqorosa axiti giddaafa wozutti yeseesitako.
Dori gara toora densiko esaara u dargutte. Darguttuwaye baaka dori laaxitume Laaxaara kaataxhituse u kaataara be maaqe gisha uso iichako e iiche. Esaara wolko yeseesiti e xheydositaara e xhardositaaray e garafa be geede maaddho baasiti esaara wolkoko u iiche>> yeydi e hido.
Ye e geede ye kaati uttuxosaara ye oyddi meddhitusaara u giddaa cimituseni u feeqaa shufuttase bishe dori ee'usune ta beedo. Ye dori laappi ushumiyara laappi aafiyarako e keengicha. Ye usini ha saha gara uddi anxutta laappi Wonto Ayaanitako.
Ye fissharo e ettoniyaka oyddi meddhitaara lam'i tamma oyddi cimitaaray dori buro be deemona u undo. Be bidzi bidzina zimbe bishaara haylaxiti shi'e maaqe ixhaanena kundi yese worqe sanqiyara be kuchiya ayti u yecha.
Dori goozutti yecha laappi giddaafa bidzunxo goosse e birchushune ta beedo. Oyddi en'a meddhowafa bidzi hade googunxuke yese katona <> hidi e hisune ta siido.
Ye esini kaati uttuxi giddaa yese dori uso yeengesako e maaqe, u buro aadhini etti yeso inge waaxi tultowa e aange, Wontoni u aafushaafa aafunxe uddi e uce>> yeydi e hido.
