Titose 3:7 - Kille Caaqo

⁷ Yeysi esume e matosi Wontoy axuse keenge maxo modhetena gizete degessi gobbisine nu kakke koolo makkina yeso nu eforonikeko.

Titose 3:7 ပူးပေါင်းရင်းမြစ်များ

Matoose 25:34

Yenniyakani kaati be oshishaa be essositani

Marqoose 10:17

Yesuusay yahafa kessi hame e ayto. Yenniyawo bidzi axi esuko woxxhi yoodi e buro bocunti <> hidi e oycco.

Roomaxituse 11:6

Wontoy e xhardosi axuse be keenge maxo modhetena e maaddho geede e xhardosi axi hanto hanta beedi maaquwasso yeydi hiyoko. Axi hanta beedi e maaddhakoma Wontoy axuse keenge modhete maxoy aade maaddho badiko e dhabaane.

Roomaxituse 3:24

Wontoy axuse keenge maxo modhetiyafa dendasuna mikkewo Yesuusi Kristosay wozzosunako u gize.

Roomaxituse 3:28

Ye esini < hidi hidosa hantena e maaddho baane aadexonako e maaqe>> hidiko nu hine.

Roomaxituse 4:16

Wontoy gobbusese gobboy e bentesi aadexonako. Ye e gisha Abrahaame fira fiixhay uddi ye gobbusuttese gobbo Wonto maxo modhetiyafa dendasuna u ekkenike eezuttuwasso. Abrahaame fira fiixha hidi hiyoni wogana yeseesitawo e maaddho baanne hade Abrahaameke Wonto aadexeesitusaarako. Ye esini Abrahaamey aadexo ogena nimba uddi yella adeko.

Roomaxituse 4:4

Hanta hante axuse e hanto wooma shamey e gatto gafa wooma shameko baaka esuse mikke ingo maaquwasso.

Roomaxituse 8:17

Yoona, Wonto nayshe ni maaddho geede e ingesa ekkesako ni maaqe. Yeydi hiyoni Wontoy ingesako ni ekke, Kristosaara wolkoko ni ekke. Hatte Kristosaara wolko maddha nu ettoyna hannina esaara wolkoko ni kuxutte.

1Qorontoosaxituse 6:11

Hinukafani bidzi bidziti yeenke yesesako hi maaqicha. Hattema Laaxi Yesuusi Kristosa sunxunaara nu Wonto Ayaananaara cubbowafa shohuttiko hi yese, Wontose shahuttese hayla axita maaddhiko hi yese, gizete degessiko hi yese.

Galatiya 2:16

Axi gizesi Yesuusi Kristosa aadessi baaka Muse Woga kafena e maaquwannike erako nu ere. Nunini woga kafena e maaddho baanne Kristosa aadexena gizoronike Yesuusi Kristosa aadessiko nu yese. Ooneni Muse Woga kafena Wonto buro gizuwasso.

Galatiya 3:29

Yoonase Kristosase hi maaddhoniya hinuni Abrahaame fira fiixhako. Abrahaame gobbusutto gobbo badena Wontoy ingesa ekkeesitako.

Galatiya 4:7

Ha e gisha ha makkina sekke Wonto yeleko neni baaka maala maaquwannako. Wonto yele ne maaddho gisha Wontoy be nayshushe naddhesesa uddiko ne ekke.

2Teselonqaxituse 2:16

Beese nu Laaxi Yesuusi Kristosaara nimba eeti niise be keenge maxo modhetena koolo makki aallo nimba e minxoronike mati modhe gobboni niise inda nuuse ade maaqe Wontowaray

Titose 1:2

Aade modhussi eriyara aadexowaray koolo makkina yeso u degexoronikeko e gobbuse. Ye koolo makkina yeso bemba aadexeesituse ingese zaaddese danda'uwa Wontoy abani meddhutto baanne gobbusiko e yecha.

Titose 2:11

Wontoy axe e uddina haybowafa maarese mahe axuse be keenge maxo modhete addussiko e yese.

Titose 2:13

Ye e bishanako Wontoy numba gobbusine ye magga wonte nu kakke. Ye nu gobbesini numba maarda keddaydese malla maaqe nu Wonto Yesuusi Kristosay kuxa fuulana addeynesako.

Ibraxituse 1:14

Hinne afaase woosaxiti am? Usini Wontoy haybowafa be maareesita u maroronike anxe afaase e maraxita maaquttuwaye?

Ibraxituse 11:7

Nohey haga bento baa abako Wontoy esa <> hidi minsi e hido woggaaka esa jhasshi be zawa axita haybowafa maarese markabe aadexona e naddho. E aadexona sahay yaa'uttonike e erutto. Aadexona bente gizete e degesso.

Ibraxituse 11:9

Wontoy esuse ingese esa gobbusese sahaaka naabha gidda handi e uttosi aadexonako. Wontoy gobbusso gobbose esaara shahaxe maaqe Yissaaqiyara Yayqoobiyara maa'o zawaa e yesso.

Ibraxituse 6:17

Wontoy ye ogenako be gobbusese gobbo ekkeesituse <> hidi be hidosa be arxuwannike addussi beysese wordi ye gobboy aade maaqenike caadhi e oto.

Yayqoobey 2:5

Eehuttese nuundo nayshito! Siwwayte! Wontoy ha saha gara yese jhi'ita aadexoy ususe wodunte maaqenikiyara biya eeheesita be gobbusese kaateto u dhaaloronikiyarako uso e xhardese.

1Phexhrosey 3:7

Hinuno adito! Wonto hi shi'esi dhumutteesume hi indowaxhituse maxuwayte. Hinume gafa meddho u maaqe gishaara Wontoy axuse be keenge maxo modhetiyafa densi inge yeso hinunaara u degexoro gishaara uso kuxuwayte.