Roomaxituse 8:3 - Kille Caaqo

³ Axi be meddhuttowafa gafaxe maaddhi bentosafa dendasuna wogay mahese dandadho baasa Wontoy beese matiko e yese. Wontoy cubbo keenguwa be yele cubbaxe maaqe axe bishushi cubbose kaasha e maaqoronike anxenako cubbo gara e yaadho. Yeysi be matosuna be yele achona cubbo e oosso.

Roomaxituse 8:3 ပူးပေါင်းရင်းမြစ်များ

Marqoose 15:27

Lam'i fuulita oodi Yesuusase bidzo e oshishaa bidzo e hadursaa u suxxho.

Yohanise 1:14

Katoy axe e maaddho, nu giddani e yesso. Wontoy axuse keenge maxo modhetiyara aadiyaray essaaka kundine bidzi yeley biyade da'aa keenge kuxakewo e kuxa fuulani nu beedo.

Yohanise 9:24

Ye e gisha ye bal'a maaqicha axe assi hanke beeko xheydi < hidi caadhi aade zeeruwa. Ha axi cubbache maaqenike nuni erako nu ere>> hidi u hido.

Anxuttaasiti 13:39

Muse wogay cubbowafa geesshi gizusuwasso. Esa aadexesimay uddi cubbowafa geejjhiko gizo u maaqe.

Roomaxituse 3:20

Wogay e hantesi axi be cubbo eroronike e maaqe gisha ooneni Muse woga kafena Wonto buro gizese danda'uwasso.

Roomaxituse 6:6

Cubbache maaqe nu axetoy bayoronikiyara ha e geede sekke cubbose e maala nu maaquwanikiyara cima nu oonuntey Kristosaara wolko e suxhuttonike erako ni ere.

Roomaxituse 7:18

Taakaaka yeydi hiyoni meddhona cubbaxe maaqe ta oonuntiyaka abani modhe abakoy baannike erako ta ere. Modhe abako hantese col'ako ta col'e. Col'uwamba baaka modhe hantese danda'uwasso.

Roomaxituse 8:32

Wontoy bidzi be yele <> hidi higillo badi uddi nuumeysine garsi be indo geede ye be yele nuuse be indonike esaara wolko uddi base nuuse e ingenike eezuwanxhiko.

Roomaxituse 9:3

Tayndo nayshitume hiyoni yeluttena ta baditume hissine tani taase aacuttesesaara Kristosa garafa shahutti dafuttesesaara maaddhakoni fetto eehako ta eehicha.

2Qorontoosaxituse 5:21

Nuni Kristosaara wolla bidzo maaddhi Wontona gizo nu maaqoronike Wontoy cubbo keenguwa Kristosa nu cubbo e iddoronikeko e mato.

Galatiya 3:13

<> yeydi e diizuttese gisha Kristosay nuumeydi aacuttesesa maaddhi woga kafe dheebena nu gara ellecha aachukafa numba e wozzo.

Galatiya 3:21

Yoonase Muse badena ingutta wogay Wontoy gobbusecho gobboy hantuwannike mahuwa e mahe? Oo'o, fetto mahuwasso. Aadewo wogay e inguttosi yeso ingesa e maaddhesesako gizetey woga badenako e bentaane.

Filphisoosaxituse 2:7

Yeydi hiyekofa be keengicho kuxa fuula beennawo dhaddiko maala bemba e mato. Be yesona axe bisshi e bento.

Ibraxituse 10:12

Kristosamay koolo makkinase ellesesa maaqe bidzi kaasha be uqusso geede Wonto oshishaa uttiko e yese.

Ibraxituse 10:14

Ye esini haylongeesita bidzi kaashanawo koolo makkinase bidzoni facete keenguwasako e mato.

Ibraxituse 2:14

Wonto nayshiti axe maaqenike Yesuusani haybo gara adeto keengicha Humbaye be haybona baysese usuke axe e maaddho.

Ibraxituse 2:17

Ye e gisha uddi ogena indo nayshe bishey esuse worgusesa maaddhiko e bento. Ye ogena uddi axi cubbo ooxese Wontose hantisine muxhuraxaara higilesaara maaqe kahinituse afana ade e maaddho

Ibraxituse 4:15

Ye esini nini keenge kahinituse afana adey gafaxe ni maaqeniyaka niise aadewo higilese danda'esako. Esi uddi basuna hade niinkeydiko naa'utti e beyutto. Naa'utti beyuttakoni bidzoni cubbo hanto baasso.

1Phexhrosey 2:24

Cubbo ni hantuwannike hade haydhese axuke cubbokofa shahutti gizetena ni yesorosako Kristosay beese be gara ni cubbo iddi suxi mixi gara e suxhutto. Ye e madanako hi loollo.