Roomaxituse 8:28 - Kille Caaqo

²⁸ Wonto eeheesitusaara e maxoke xheygutta axitusaara uddi abakoy ususe go'esa e maaqoronike Wontoy mahesa erako ni ere.

Roomaxituse 8:28 ပူးပေါင်းရင်းမြစ်များ

Marqoose 12:30

Ne Laaxe ne Wonto fetto ne muxhurona, fetto ne lubbona, fetto ne maxona, fetto ne osanani eehuwa!> yeydi hinesako.

Anxuttaasiti 13:48

Ayhuda maaquwasitini ye esa siidi maddi Laaxi kato gisha Wonto u galatto. Koolo makkina yesose xharuttechashitini uddi u aadesso.

Roomaxituse 11:29

Ye esini Wontoy be xhardo geediyara axuse ingo be indo geediyara sekke be maxo arxuwasso.

Roomaxituse 8:30

Buro <> hidi be hidechoshita e xheydo. Ye be xheydosita e gizusso, be gizussosita e kusso.

Roomaxituse 9:11

Wontoy be xharoy hantana e maaddho baanne xheydaasuna e maaqenike addusese wordi mentiti haga yelutto badi iitani modheni hanto badi u yesune Ribqako <> yeydi e oto.

1Qorontoosaxituse 1:2

Qorontoose yese Wonto zawa axituse nu anxe woosso. Hinuni Yesuusi Kristosana haylondi uddi godowa yesine e sunxe xheygeesituseni nuuseni Laaxe maaqe nu Laaxi Yesuusi Kristosana wolko haylaxita maaqesuko hi xheyguttese.

1Qorontoosaxituse 1:24

Ayhudaxitaafani maaqqe Grikaxitaafani Wontoy xheydoositusema Kristosay Wonto osaara Wonto eraarako.

1Qorontoosaxituse 1:9

E yele maaqe nu Laaxi Yesuusi Kristosaara bidzo maaddhi esaara hi yesorosa hinumba xheyda Wontoy eezuttuwasso.

1Qorontoosaxituse 2:9

Hayla Fissharoy <> yeydiko e hine.

2Qorontoosaxituse 5:1

Hade asha zawake woggasewo maaddhese nu achoy haydhakoni axi kuchey keexxho baassa Wontokofa maaqe koolo makkina essaa yesuso zawa afaa nu keengenike erako nu ere.

Galatiya 1:15

Wontoy ta yelutto baanneko burowo taa e xhardo. Ayhuda maaquwasituse e yele gisha modhe odo ta ohorosa be yele taase addusese be wordo wogga be keenge maxo modhetena taa e xheydo. <> hidi esaara wolko maxo ta arsosi baasso.

Galatiya 1:6

Kristosa badena axuse be keenge maxo modhetiyafa densi hinumba xheydecha Wonto dhaddi fede modhe odo hidi hiinessaa alleydi artiya hi yesesi micushako taa e micushe.

Galatiya 5:8

Haanke yese haluse erunxi hinumba xheyda Wontokofa maaquwasso.

Efesoonaxituse 3:11

Wontoy nu Laaxi Yesuusi Kristosa badena ha esa e alsosi olowafa ayti koolo makki aallo <> hidi be massechonikeko.

Efesoonaxituse 4:1

Yoonase, Laaxuse ta hante gisha tufuttese tani hi xheyguttese xheysuse bissheshesha maaddhi hi yesoronikeko hinumba ta shi'e.

Filphisoosaxituse 3:14

Wontoy Yesuusi Kristosa badena esume afaa taa e xheydese moore degexesuko iicho godowa ellese ta buro gara ta woxhe.

1Teselonqaxituse 5:9

Wontoy nimba ni Laaxi Yesuusi Kristosana loolo ni degexoronike baaka ni gara huulese xhardo baasso.

2Xhimootoosese 1:9

Wontoy nimba loolussi esuse haylaxita nu maaqoronikeko e xheydo. Ye esa e matosi nu hanta modhetena e maaddho baanne buronawo <> hidi beydosunaara axuse be keenge maxo modhetenaarako. Ye eehani abani meddhutto baanne e buro Yesuusi Kristosa badena nuuse ingese massi e yechoshako.

2Xhimootoosese 2:19

Sekke hanke en'ese danda'uwa Wonto kaachomay kaachutti eedhiko e yese. Ye eedhese kaacho gara <> yeydi hinesaara <> yeydi hinesaarako diizutti yesa.

Ibraxituse 9:15

Wontoy xheydeseesituse <> hidi e gobbusese koolo makkinase maaqe tago u eforonike Wontoseni axuseni feeqaa hantisine ha kille caaqoy ee'oronike e mato. Yeysi e matosi buro caaqona be durkutticho woggaaka u hanto cubbowafa shawo kessese hay'enako.

Yayqoobey 1:12

Maddhay be gara yookete dandadhi miinge axi maddha be iissho geede Wontoy biya eeheesituse <> hidi e hidese moore maaqe yeso be degexe gisha suuzuttesesako.

Yayqoobey 2:5

Eehuttese nuundo nayshito! Siwwayte! Wontoy ha saha gara yese jhi'ita aadexoy ususe wodunte maaqenikiyara biya eeheesita be gobbusese kaateto u dhaaloronikiyarako uso e xhardese.

1Phexhrosey 2:9

Maaquwaye baaka hinuni cenchaafa micushe be fo'iya hinumba xheyda Wonto malla hanta hi odusoronike ha saha gara yese axitaafa xharuttese omma, kaati kahinita, hayla axita, Wontoy beese matoositako.

1Phexhrosey 3:9

Axiti iita hinuse u hanta'ayko sekke e godowa iita matofita, u casha'ayko sekke mati casshofita. Hinuni xheyguttosi suuse efese e maaqe gisha yeysi mahekofa suuzuwayte.

1Phexhrosey 5:10

Axuse fetto maxo modhete keenge Wontoy Kristosa badenako koolo makkina e kuxa fuula shahaxe hi maaqoronike hinumba e xheydo. Oddhe woggase maddhaa hi gello geede hinumba sekke mati e osuse, e gagguse, minsini e esse.

1Yohanisey 4:10

Eehay ha esako. Eehay nini Wonto eetonike maaddho badi e yesune Wontoy numba beesewo be eetosaara be yele kaasha mati nu cubbo e ooxorosa e ansosaaray ye esako eehay.

1Yohanisey 4:19

Nini Wonto eehesi buro nimba e eeto gishako.

Yohanise Haraje 3:19

Tani ta eeheesita uddi gaylako ta gayle, murako ta mure. Ye e gisha bidzi muxhurona hantuwa, ne cubbo dhaddi maaquwa!