Roomaxituse 6:21 - Kille Caaqo

²¹ Hine yenniya ye hi hanto hantaafa am hi go'utto? Hatte hinumba borsuse basume feda essaafa hi go'utto basi baasso. Ye hantase e aalliciray hayboko.

Roomaxituse 6:21 ပူးပေါင်းရင်းမြစ်များ

Roomaxituse 1:32

<> yeydi hine Wonto woga erisineko ye esa e uddina u hante. Hantewoni e maaddho baane ha e bisha hante axita <> hidiko u osuse.

Roomaxituse 5:12

Bidzi axukafa dendasuna cubboy ha saha gara yoodinne ye cubbona hayboy yoodo. Ye ogenako axi uddi cubbo hantine hayboy uddi axe ello.

Roomaxituse 6:16

Bidzi axuse <> hidi hissine hinumba maala mati hi uqusso geede ye esuse hi woosutte axuse e maala hi maaqenike hinumba erako hi ere. Yeydiwo cubbose hi woosutto'aykete haybo oone cubbose e maalako hi maaqe. Wontose woosutto'aykoma gizo maaddhiko Wonto maala hi maaqe.

Roomaxituse 6:23

Cubbowafa degexuso woomay hayboko. Wontoy mikke inge ingomay nu Laaxi Yesuusi Kristosana bente koolo makkina yesoko.

Roomaxituse 7:5

Ye esini nu acho maxoke nu yechoniyaka wogay en'usicho iita maxoy haybose aandi elluse aafe nu kaxhoronike nu axetowaka hantiyako e yecha.

Roomaxituse 8:13

Hinuse cubbaxe maaqe hi oonuntekewo yesa'ayko hay'oko hi hay'e. Ayaana Geeshi osanama hantiya hi yese iita hanta wodha'ayko en'ako hi yese.

Roomaxituse 8:6

Achoshe maxe sorgey hayboko e oone, Ayaanase maxe sorgemay yesowara modhetiyarako e oone.

2Qorontoosaxituse 4:2

Axi aasshi addaa kessuwa borsuse abako hantuwanxhiko hidiko nu hidese. Axeni qaarusuwanxhiko. Wonto katowafa shati etti doomusuwanxhiko. Yeysi mahekofa aade fetto tiddhiyannako nu ohe. Wonto buro yesine axi uddi be muxhurowanna <> hidi hiyorosa numba matiko axaara nu yese.

2Qorontoosaxituse 7:11

Wonto maxoke yese higilsay an bisha aafe hinumba e kassonike beewayte. Ye esini hi oseynesa hi beysoronike, ye cubbowa hi gello baannike hi addusoronike, iita zeere gara hi huuloronikeko e mato. Waydese jhashe, waydese saza, waydese modhe zeere gisha ee'e, waydese cubbaxe murew hinumba e kasso. Ha zeerese uddi badena geeshe hi maaqesa hinumba beysiko hi yese.

Filphisoosaxituse 3:19

U wontoy u gawwoko, borsuse abako be kuxa matiko u beene, u muxhuroy maxesi ha saha zeerewoko, u aalliciray bayeko.

Ibraxituse 10:29

Hine Wonto yele haassi e gara cuttaseni maaqqe esa hayla mahe caaqoy esuna ee'e suuxe acheysha abakokeysi beedasi yeydiwo Wontoy axuse be keenge maxo modhetiyafa densi axuse e indo Ayaana Geeshe casshashi waakeydi ye esume gardese yaa'ay e gara yoonesa ye esa eruwaytuwa?

Ibraxituse 6:8

Maaquwaye baaka ankiyara moggoriyara mu'use sahay go'uwasako e maaqe, aacuttese uddhiko e yese, e aallicirani tamana meggutteko.

Yayqoobey 1:15

Axi col'ana be iichutto geedeko cubbo e hante. Ye cubboy be dicco geede haybose aandi e elluseydiko.

Yayqoobey 5:20

cubbachi halli hangicho ogiyafa hanke matasi haybowafa be maardonikiyara laga cubbowafani maaro be degexusonikiyara eruwaye.

1Phexhrosey 4:17

Ye esini yaa'ay yaa'utte woggay elliko e yese. Burona Wontoy yaa'esi be zawa axiti garako. Hinne yaa'ay burona nuukaanna yaa'utte aykesa e maaqo'ayko Wonto modhe odose woosuttuwasiti alsoy waani e hine?

1Yohanisey 2:28

Yoonase nayshito! Kristosay yooneniyaka naassi borse baasa esa nu beyoronike esaara bidzo hi maaddhesenike shahutte baasa yesuwayte.

Yohanise Haraje 16:6

Haylaxitusaara kaayaxitusaara u suuxe u gusso gisha woddhasiti suuxe uso usshiko ne yese. Ha esini ususe bisheshako>> yeydi e hisune ta siido.

Yohanise Haraje 20:14

Ye e geede haybowara Si'ooliyaray tama bagadiya u dafutto. Ye tama bagadey lakkunxo hayboko.