Roomaxituse 6:14 - Kille Caaqo

¹⁴ Ye esini hatte hinuni yesesi Wonto maxo modhetese e oomoko baaka Muse wogase e oomo hi maaquwa gisha cubboy be oomo hinumba ahese danda'uwasso.

Roomaxituse 6:14 ပူးပေါင်းရင်းမြစ်များ

Matoose 1:21

Na'uko i yele, esini be axita cubbowafa e maare gisha e sunxeni hidi neyne>> yeydi e hido.

Yohanise 1:14

Katoy axe e maaddho, nu giddani e yesso. Wontoy axuse keenge maxo modhetiyara aadiyaray essaaka kundine bidzi yeley biyade da'aa keenge kuxakewo e kuxa fuulani nu beedo.

Yohanise 1:17

Wonto wogay Muse badenako e ingutto. Wontoy axuse keenge maxo modhetiyara aadiyaramay Yesuusi Kristosa badenako e bento.

Yohanise 8:36

Wonto yeley hinumba maaketowafa kessa'ayko aadewo kessesesako hi maaqe.

Roomaxituse 11:6

Wontoy e xhardosi axuse be keenge maxo modhetena e maaddho geede e xhardosi axi hanto hanta beedi maaquwasso yeydi hiyoko. Axi hanta beedi e maaddhakoma Wontoy axuse keenge modhete maxoy aade maaddho badiko e dhabaane.

Roomaxituse 4:16

Wontoy gobbusese gobboy e bentesi aadexonako. Ye e gisha Abrahaame fira fiixhay uddi ye gobbusuttese gobbo Wonto maxo modhetiyafa dendasuna u ekkenike eezuttuwasso. Abrahaame fira fiixha hidi hiyoni wogana yeseesitawo e maaddho baanne hade Abrahaameke Wonto aadexeesitusaarako. Ye esini Abrahaamey aadexo ogena nimba uddi yella adeko.

Roomaxituse 5:17

Bidzi axi Wonto woga gardosafa densi ye axi badena hayboy axe iisshi e kaatto. Wontoy axuse be keenge maxo modhetena e hanto hantamay ye esume garoko e gare. Wontoy axuse mikkewo hanti axe gizo e mato. Ye esa ekkeesiti uddi bidzi Yesuusi Kristosa badena uddi abako iisshiko u yese.

Roomaxituse 5:18

Yebo, bidzi Addaamey Wonto woga gardosuna yaa'ay uddi axi gara yaa'uttonike yeydiwo bidzi Yesuusi Kristosa gizete hantana uddi axi yaa'aafa attiko yeso u degexe.

Roomaxituse 6:12

Ha e gisha iita maxo alseeme hissine hay'e hi acho gara cubboy kaatoronike matofita.

Roomaxituse 6:15

Yoonase waa nu hiye? Wogase e oomo yesey attine Wontoy axuse keenge maxo modhete oomo nu yese gisha cubbo hanta nu hanto? Oo'o, fetto hantuwanxhiko.

Roomaxituse 8:12

Yoona, Nuundo nayshito! Ni oycuttese basuko yesa. Nimba e oyceshi achoshe maaquwasso, acho maxokeni yese worgusuwasso.

Roomaxituse 8:2

Ye esini Yesuusi Kristosana yeso inge Ayaana Geeshi wogay cubbowara haybowara ooda woga garafa tamba shawo kessiko e yese.

Galatiya 3:23

Axi Kristosa aadesoosume e buro woga badena tufaxe maaddhi aadexoy addeyne aallo tufuttiko nu yecha.

Galatiya 4:21

Hinuno woga oomo aqe worgeesito, haaya mee, taase ohuwayte. Wogay ohesa siido baytuwa?

Galatiya 5:18

Ayaanana durkutto'aykoma Muse woga oomo yesuwaytako.

Titose 2:14

Esini iitaafa uddi numba wozese modhe hanta hantese oseydesesaara esusewo maaddhese axitaara nu maaqoronikeko numba geesheme hissine nu gisha bemba garsi e indo.

Ibraxituse 8:10

Yoonase ye geede Isra'eelaxitaara wolkoko ta caaqe yeydiko tayne Laaxe maaqe tani Wontoy. Tani ta wogako u sorgiya ta gade, u muxhurowa ta diize, u Wontoni ta maaqe, usini ta axita u maaqe. Ha esako usaara ta caaqe kille caaqoy.