Roomaxituse 6:13 - Kille Caaqo

¹³ Hi gara e bidzi bidzina iita abakoy essaanna go'uttorosa mati cubbose uqusofita. Cubbose uqusekofa haybowafa yesuwaka gardese axituke mati hinumba Wontose uqusuwayte. Hi axeto gizetese e miijhe mati Wontose inguwayte.

Roomaxituse 6:13 ပူးပေါင်းရင်းမြစ်များ

Luqaase 15:24

Esume taynesini ha ta yeley haydhi yechine sekkeni hay en'ako e yese, baadi yechine hay bentiko e yese> yeydi hidi magge u gello.

Luqaase 15:32

Ha ne barsi haydhi yechine en'a e maaddho gisha baadi yechine e bento gisha maggani muutani ushoni hiyeko numba e worguse> hidi adey hido>> yeydi Yesuusay e mamatto.

Yohanise 5:24

Hinuse ta ohesi fetto aadeko. Ta kato siidi tamba ansase aadexesi koolo makkina yesoko e keenge. Ye esi haybowafa yesowa e gardosa baaka e gara yaa'uttuwasso.

Roomaxituse 1:29

Axiti laga be bishana bishana yese doometenaara iitetenaara kundesesako. Usini uddi abakose habbu habbu hineesita, u hantesi iita maaqesa, dhiiddheesita, axe wodheesita, feda inxha'eesita, qaaruseesitaara miidheesitaara, gunceeshita,

Roomaxituse 12:1

Yoonase Nuundo nayshito! Hi gara Wonto maggusesa en'a maaqe hayla kaasha mati hi uqusoronikeko Wontoy axuse keenge eehanako odde hidi hinumba ta shi'e. Yeysi uquseko aadena Wonto kuxey.

Roomaxituse 6:11

Ye esuke hinuni assi cubbose haydhi Yesuusi Kristosaara bidzo maaddhi yesiya hi yese yesona Wontose hi yesenike hinumba taakuwayte.

Roomaxituse 6:16

Bidzi axuse <> hidi hissine hinumba maala mati hi uqusso geede ye esuse hi woosutte axuse e maala hi maaqenike hinumba erako hi ere. Yeydiwo cubbose hi woosutto'aykete haybo oone cubbose e maalako hi maaqe. Wontose woosutto'aykoma gizo maaddhiko Wonto maala hi maaqe.

Roomaxituse 6:19

Ta maxo hinuse shawuka ogena ta zeeresi ha esuse era hi keenguwasafa densiko. Buro hi gara e bidzi bidzina tunasaara be gara kossi kossi hange iitetesaara maala mati hi uqusichonike uddi yeydiwo hatteni hi hayloomoronike gizetena yesese Wontose hi gara e bidzi bidzina e maala mati uqusuwayte.

Roomaxituse 7:23

Magguwamba baaka fede wogako be sunxuna sunxuna yese ta gara giddaaka e hantusune ta beene. Esini ta axeto giddaaka hantiyaka yese cubbo wogana tamba tufaxe mati ta maxowaka Wontoy gaddese wogaara wolko darguttiyako e yese.

Roomaxituse 7:5

Ye esini nu acho maxoke nu yechoniyaka wogay en'usicho iita maxoy haybose aandi elluse aafe nu kaxhoronike nu axetowaka hantiyako e yecha.

1Qorontoosaxituse 6:15

Hi garay be sunxuna sunxuna yese Kristosa garaafa bidzo e maaqesa eruwaytuwa? Hine Kristosa garaafa etti zaakoyndo garaafa bidzi gara mahuwa ta mahe? Fetto yeydi maaquwasso.

1Qorontoosaxituse 6:20

Wooma shandiko hinumba e woondo. Ha e gisha hi garana Wonto kuxuwayte.

1Qorontoosaxituse 6:9

Wonto buro gizo maaquwa axiti Wonto kaatetiya u geluwannike eruwaytuwa? Hallofita, bishuwa ogena maacho col'i ye be col'a kunxeesiti, Wonto maaquwasa wonto mati kuxeesiti, laggeteesiti, asanxaara wolko laggete asanxiti,

2Qorontoosaxituse 10:4

Esuna nu dargutte toora miijhey toorase naquttese shuchi deeme woddusese danda'esa Wonto osa keengesa baaka ha saha gara yese axi esuna dargeesuke yesesa maaquwasso.

2Qorontoosaxituse 5:14

Bidziyaka Kristosay uddiyadese e haydhosaara uddiyadeni e haybo shahaxe maaddhosaaray <> hidi nu hidese gisha Kristosay nuuse keenge eehako numba densi durkesa.

2Qorontoosaxituse 5:15

En'a yeseesiti usume hissine haydhi haybowafa dendasuse u yesoronike baaka beeme hissine ha makkina sekke u yesuwannike Kristosay uddiyademe hissine e haydho.

2Qorontoosaxituse 8:5

U hantosi nu massechoshume garesako. Burussi bemba Laaxuse u indo, sekkeni Wonto maxoke bemba nuuse u indo.

Efesoonaxituse 2:5

fetto ni miidhana haydhesesa maaddhi ni yesune Kristosaara wolko yeso niise indiko e yese. Hinunini maaruttosi Wontoy axuse keenge maxo modhetiyafa densiko.

Efesoonaxituse 5:14

Ye esini addaa bentesa uddi fo'eko beysesa. Ye e gisha <> yeydiko e hiyuttese.

Filphisoosaxituse 1:20

An ogenani borsi ta bentuwannike orjenako ta worge, yeydiwo gobboni keemako ta keenge. Borsekofa uddi wogga naassi ta zeerenike en'a ta yessakoni ta haydhakoni hatteni Kristosay ta achona kuxuttoronike gobboko ta keenge.

Qollasiyasaxituse 2:13

Cubbo hi hantoosunaara cubbaxe maaqe hi oonuntey gada utte dheeddosunaara haydhiko hi yecha. Hattema Wontoy Kristosaara wolko en'a hinumba matiko e yese, ni cubboni uddi <> hidiko e yese.

Qollasiyasaxituse 3:5

Ye e gisha hinuka yese ha saha col'a wodhuwayte. Ye usitini laggeto, geejhete keenguwa hanta, be kahe asanxi maachi gara maachini asanxi gara gade, uddi iita col'a, abako mishe dheebeko. <> yeydi hiyoy Wonto maaquwa abakita hade Wontokeysi kuxeko.

2Xhimootoosese 2:15

<> hidi Wontoy nemba hidesesa maaddhi ne bentoronike oseywa. Be hante hantana borsuwa aade maaqe Wonto kato e yesenike erusiya yese hantaxuke hantuwa.

Yayqoobey 4:1

Hi giddaaka tooraara birriyaray ayafani e yoone? Ye esini hi muxhurowa darguttiya yese acho maxona iita hi col'e col'aafa dendasuna maaquwaye?

1Phexhrosey 2:24

Cubbo ni hantuwannike hade haydhese axuke cubbokofa shahutti gizetena ni yesorosako Kristosay beese be gara ni cubbo iddi suxi mixi gara e suxhutto. Ye e madanako hi loollo.

1Phexhrosey 4:2

Ha e geede sekke ha saha gara be yese wogga aallo hade axi maxoke iita col'a hantese e maaddho baanne Wonto maxoke hantesuko e yese.

1Yohanisey 1:9

Ni cubbo Wonto buro ni bazzako Wontoy aadaxaara gizowara be maaqe gisha ni cubbowafako nimba e maare, ni doometiyafani uddiko nii gizussi e geeshe.