Roomaxituse 5:17 - Kille Caaqo

¹⁷ Bidzi axi Wonto woga gardosafa densi ye axi badena hayboy axe iisshi e kaatto. Wontoy axuse be keenge maxo modhetena e hanto hantamay ye esume garoko e gare. Wontoy axuse mikkewo hanti axe gizo e mato. Ye esa ekkeesiti uddi bidzi Yesuusi Kristosa badena uddi abako iisshiko u yese.

Roomaxituse 5:17 ပူးပေါင်းရင်းမြစ်များ

Matoose 25:34

Yenniyakani kaati be oshishaa be essositani

Yohanise 10:10

Kaysoy esume e yoonesi kaysese, shufesaara baysesaarako. Tanimay yoodosi yeso u degexoronikiyara uddi ogena bidzoni facete keenguwa yeso u keemoronikiyarako.

Roomaxituse 5:12

Bidzi axukafa dendasuna cubboy ha saha gara yoodinne ye cubbona hayboy yoodo. Ye ogenako axi uddi cubbo hantine hayboy uddi axe ello.

Roomaxituse 5:15

E bisshakoni Wontoy axuse keenge maxo modhetey Addaame cubboke yesesa maaquwasso. Ye bidzi axi Wonto woga gardosuna laga axi u haydho geede, fetto bidzi axe maaqe Yesuusi Kristosanaara Wontoy axuse keenge modhete maxonaara benta ingoy lagaadese orjena laddi inguttiko e yese.

Roomaxituse 5:20

Wogay yoodosi cubboy lagorosako. Laguwaye baaka cubboy laddonikewoko fettona gardi Wontoy axuse keenge maxo modhetey e laddo.

Roomaxituse 6:14

Ye esini hatte hinuni yesesi Wonto maxo modhetese e oomoko baaka Muse wogase e oomo hi maaquwa gisha cubboy be oomo hinumba ahese danda'uwasso.

Roomaxituse 6:23

Cubbowafa degexuso woomay hayboko. Wontoy mikke inge ingomay nu Laaxi Yesuusi Kristosana bente koolo makkina yesoko.

Roomaxituse 8:39

meddhuttassaafa kedda e maaddhakoni, ulla e maaddhakoni, meddhuttase ooneni e maaddhakoni nu Laaxi Yesuusi Kristosa badena nuuse ingutta Wonto eeha garafa numba shahese danda'esi abani e baannike tani fetto eezuwasso.

1Qorontoosaxituse 15:49

Ye sahaafa meddhutta axe ni bishonike yeydiwo ye afaafa yooda axeni bishako ni bishe.

1Qorontoosaxituse 4:8

Hatte <> hidima hiinesi? Nuni kaatto baanne kaattima hi yesesi. Yebo, hi kaatesi aade e maaddhesako eehako ta eehicha. Nunini hinunaara wolkoko nu kaataane.

Filphisoosaxituse 3:9

Yeysi ta mahesini Kristosaara wolla bidzo maaqesuko. Hatte ta keenge gizetey woga kafena bente taakofa maaqe gizete e maaddho baane Kristosa aadexena bente gizeteko. Ye e bisha gizetey Wontokofako. E bentesini aadexonako.

1Xhimootoosese 1:14

Wontoy be eehaafa dendasuna axuse e keenge maxo modhetey taase keddaydi e laddo. Yesuusi Kristosaara wolko ta keenge bidzetona maaddhasuna esa ta aadexoronikiyara ta eehoronikiyara e mato.

2Xhimootoosese 2:12

uddi basuna dandadhi ni miimo'ayko, esaara wolkoko ni kaate; hidi ni hitta'ayko esini assi nimba hidiko e hine;

Yayqoobey 2:5

Eehuttese nuundo nayshito! Siwwayte! Wontoy ha saha gara yese jhi'ita aadexoy ususe wodunte maaqenikiyara biya eeheesita be gobbusese kaateto u dhaaloronikiyarako uso e xhardese.

1Phexhrosey 2:9

Maaquwaye baaka hinuni cenchaafa micushe be fo'iya hinumba xheyda Wonto malla hanta hi odusoronike ha saha gara yese axitaafa xharuttese omma, kaati kahinita, hayla axita, Wontoy beese matoositako.

Yohanise Haraje 1:6

esade maaqe Wonto kaatetowa gelli kahinita maaddhi nu hantoronike mataasuse kuxa fuulaara osaaray koolo koolo makkina maaquwaye, ameen.

Yohanise Haraje 20:4

Ye e geede kaati uttuxita ta beedo. Ye kaati uttuxiti gara uttesesiti yaa'oronike ususe adetoy e ingutto. Assini Yesuusa gisha u otosunaara Wonto kato u otosunaara u baalay burdine haydha axiti leemo ta beedo. Ye usitini bo'oseni maaqqe naqutti gaduttese bo'o bisha buro dissutto baasso. Be deemowani maaqqe be kuche gara ye bo'o yerago gadutto baasso. Usini en'a maaddhi dendi Kristosaara wolko bidzi kuma bera aallo u kaatto.

Yohanise Haraje 20:6

Acha haybo denxose shahaxe maaqeesiti suuzutteseesitaara haylitaarako. Wontosaara Kristosasaara kahineko u maaqe. Kristosaarani wolko kuma bera aalloko u kaate. Lakkunxo hayboni u gara adeto keenguwasso.

Yohanise Haraje 22:5

Ye e geede sekke qamay baasso. Laaxe maaqe Wontoy ususe faqe gisha faqey beyse fo'iyara qoossi inge fo'iyara worgusuwasso. Koolo makki aalloko u kaate.

Yohanise Haraje 3:21

Tani iisshi nuwadiyara wolko utti kaattonikeko iishashi taara wolko utti e kaatoronike ta mahe.