Roomaxituse 14:19 - Kille Caaqo

¹⁹ Yoonase wolko modhetena nu yesoronikiyara wola nu dichoronikiyara nu karduttoose.

Roomaxituse 14:19 ပူးပေါင်းရင်းမြစ်များ

Matoose 5:9

Naqowara modhetiyaray yesoronike hanteesiti magguttuwaye, Wonto naysheydiko u hiyutte.

Marqoose 9:50

Sogoy modheko, maaqe baa sogoy loo'e dheeddako fetto sekke sogo mahese danda'uttuwasso. Hinukaa sogo bishay yesuwaye. Hi bidzi bidzina wolla kundi modhetena yesuwayte!>> hidi e hido.

Roomaxituse 12:18

Hinuse hi badena worgusesa uddi mati e danda'utte makko uddi axaara wolko modhetena yesuwayte.

Roomaxituse 15:2

Nu bidzi bidzina fede axita u miimoronike uso go'ese magguse abako nu hantoose.

1Qorontoosaxituse 10:23

<> yeydiko ne hine. Hidakoni uddi abakomay go'esa maaquwasso. <> yeydiko ne hine, uddinama dichesha maaquwasso.

1Qorontoosaxituse 10:33

Tani uddi axi looloronike uddi axe go'ese baaka taase go'uttese worguwasso. Yeydi hantena uddi axe maggusese ta karduttenike hinunini yeysi hantuwayte!

1Qorontoosaxituse 14:26

Nuundo nayshito! Yoonase am hante e worguse? Wonto kuxese hi bhikkilutteniya hinukafa bidzi zingale e zingale, feday erunxe e eruse, feday Wontoy esuse beyse abakoko e adduse, fedani kille nuunana e zeere, fedani assi ye kille nuunana zeeruttechashe e birche. Yebo, ha esiti uddi aadexeesita dichesha maaqeko e worguse.

1Qorontoosaxituse 14:3

Kaayo zeeresimay fede axuko dicheshe osusese minxese e zeere.

1Qorontoosaxituse 14:4

Kille nuuna zeere axi bembawoko e diche, kaayo zeeresimay Wonto zawa axita u uddinako e diche.

1Qorontoosaxituse 14:5

Hi uddina kille nuuna hi zeerdako eehako ta eehicha, ye esume garsi kaayo hi zeerdakoko ta eehicha. Wonto zawa axiti dicoronike kille nuunana zeere axi e zeerdosi birchutteko e worguse. Birchutte e dheeba'ayko kille nuunana zeereesume kaayo zeere axuko garesa.

1Qorontoosaxituse 7:15

Aadesso baa indoni maaqqe aadesso baa adey shahuttese worgo'ayko shahuttuwaye. Ye e bisha zeerey yoodakoma aadexiya yese adeni maaqqe indo uso tuce basi baasso. Ye esini Wontoy nuu e xheydosi modhetena nu yesorosako.

1Qorontoosaxituse 8:1

Hatte, Wonto maaquwasuse kaashutta acho miye gisha ta ohesa siwwayte. <> yeydi nu hinesi eruttesesako. Hidakoni eray waarusuko e waaruse, eehamay dichako e diche.

2Qorontoosaxituse 12:19

Hatte aallo nu zeeresi nu gara yoone zeere tuceshe nu zeeresako hinumba e bishe? Yeydi maaquwasso. Nu eehe nu badito! Kristosa hantaxe nu maaqesuna Wonto buro hinuse nu hantesi hinumba dicheshe wordiko.

2Qorontoosaxituse 13:11

Yoonase nuundo nayshito, modhena yesuwayte, facete keenguwasa maaqese karduttuwayte, ta otosani siwwayte, bidzi maxona yesuwayte, wolla modhetena yesuwayte. Hikketeko eehaara modhetiyara inge Wontoy hinunaara wolko e yese.

Efesoonaxituse 4:12

E indosi Kristosase e gara maaddhi yese Wonto haylaxita maaqe numba nu dichoronike Wonto zawa hanta nu hantoronike naddhiko.

Efesoonaxituse 4:29

E worgusenike fedeesita dicheshaara siineesita go'e katowara baaka iita katoy fetto hi nuunaafa kessoppe.

1Xhimootoosese 1:4

Assi olo gisha eruttuwa mamako garaara taafutti ittuwaa yelutte taafo garaara wogga u garxuwannike ohuwa. Ye esa bishe zeerey bersawo e oonesa baaka Wonto gobbe mahisine hantutte Wonto hanta go'uwasso.

2Xhimootoosese 2:22

Yoonase, neni mulloontey oone iita col'a garafa neese dhaddi ba'uwa. Geeshi muxhurona Laaxe kuxeesitaara wolko gizeteni, aadexoni, eehani, modheteni ne gara gaddi esaara dicuwa.

Ibraxituse 12:14

Uddi axaara wolko modhetena yesese worguse base uddi mahuwayte. Haylondo badi yesine ooneni Laaxe beyese danda'uwa gisha haylontena yesese worguwayte.

1Phexhrosey 3:11

Iitaafani dhaddi zaruwaye, modheteni hantuwaye, feditaara wolko modhetena yesese worguwaye, karduttuwaye.