18 Hinuse hi badena worgusesa uddi mati e danda'utte makko uddi axaara wolko modhetena yesuwayte.
ne ingo e gara kaashushooshi da'aa yaha dhaddi burona handi neese zeere keenge axaara wolko naquttuwa. Ye e geede yahafa maaddhini Wontose inguwa.
Gawwo aako maaqeesiti magguttuwaye, ha saha dhaalesi usuko.
Naqowara modhetiyaray yesoronike hanteesiti magguttuwaye, Wonto naysheydiko u hiyutte.
Sogoy modheko, maaqe baa sogoy loo'e dheeddako fetto sekke sogo mahese danda'uttuwasso. Hinukaa sogo bishay yesuwaye. Hi bidzi bidzina wolla kundi modhetena yesuwayte!>> hidi e hido.
Ha e gisha ta danda'e aallo Rooma yese hinuseni modhe odo ohese iitanako ta wordese.
Ye esini Wonto kaatetey Ayaana Geeshuna bente gizetese, modhetese, maggesuko baaka miyo gishaara usshi gishaara dende zeere maaquwasso.
Yoonase wolko modhetena nu yesoronikiyara wola nu dichoronikiyara nu karduttoose.
Aadesso baa indoni maaqqe aadesso baa adey shahuttese worgo'ayko shahuttuwaye. Ye e bisha zeerey yoodakoma aadexiya yese adeni maaqqe indo uso tuce basi baasso. Ye esini Wontoy nuu e xheydosi modhetena nu yesorosako.
Yoonase nuundo nayshito, modhena yesuwayte, facete keenguwasa maaqese karduttuwayte, ta otosani siwwayte, bidzi maxona yesuwayte, wolla modhetena yesuwayte. Hikketeko eehaara modhetiyara inge Wontoy hinunaara wolko e yese.
Ayaana Geeshi axukaa kaxhe aafey eeha, magga, modhete, danda'o, jhergete, modhe hanta hante, be godofa arte dheebe,
Hinumba hanke wolko bidzo mahe modhetena Ayaana Geeshukofa bente bidzeto kafese oseywayte.
Hantiya u yese hanta gisha ususe keddaydese kuxaara eehaara beysuwayte. Hinunini sekke hanke bersa keenguwasa modhetena wolko yesuwayte.
Yoonase, neni mulloontey oone iita col'a garafa neese dhaddi ba'uwa. Geeshi muxhurona Laaxe kuxeesitaara wolko gizeteni, aadexoni, eehani, modheteni ne gara gaddi esaara dicuwa.
Uddi axaara wolko modhetena yesese worguse base uddi mahuwayte. Haylondo badi yesine ooneni Laaxe beyese danda'uwa gisha haylontena yesese worguwayte.
Iitaafani dhaddi zaruwaye, modheteni hantuwaye, feditaara wolko modhetena yesese worguwaye, karduttuwaye.