Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Roomaxituse 11:25 - Kille Caaqo

25 Nuundo nayshito! <> hidi hi cee'utteesume hatte aallo ijhaa yecha base hi erorosako ta worge. Ye esini Isra'eelaxiti Wontose siye u inxhadhosi aallicira makko e maaddho baanne xheyguttese Ayhuda maaquwasiti uddina hanke Wontoko yoone aalloko.

အခန်းကိုကြည့်ပါ။ ကော်ပီ




Roomaxituse 11:25
41 ပူးပေါင်းရင်းမြစ်များ  

Usaafani satatana aale, feditani Ayhuda maaquwasiti seya haya be wudiya wudiya didhi etti u hange. Di'utti u hando beriti aaloro makko Ayhuda maaquwasiti Yerusaleeme be wordonkeysi u jheeche>> yeydi e hido.


Ha doritaara wolla aquwassako fede dorita ta keenge. Uso hanke ooweko tamba e worguse, usini ta kato u siine, ha doritaara bidzo u maaqe, uso yeengesini bidzo e maaqe hidiko.


Nuundo nayshito! Hinuke Ayhuda maaquwa fedituko handi erussi Wonto u aadexoronike mati laga ta degessonike yeydiwo hinuko handi erussi Wonto aadexarasita degexese wordi laga woggaako hinuko hammese ta hidecha. Yeydi tani hidakoni hay hatte aallo tucutti ta yesenike hi erorosako ta worge.


Isra'eelaxiti Wonto woga gardosi ha sahase laga suusuko e oodo. U ungey Ayhuda maaquwasituse suuse oodiko e yese. Yebo, Ayhudaxitini kumena loolete suusi waakeydese lagani e maaqorosi!


Hinuni Ayhuda maaquwasiti hi meddhuttowafa ayti shanka gulta hangita maaqichine meddhona hinuse maaquwadecha godo ozaa tofutta gulta gara tofuttiko hi yese. Hine hinuni yeydi tofutto geede fetto ozaa tofuttese gulta hangita maaqe Ayhudaxitimay buro be godowa maaddhi ame tofuttese u danda'uwaane?


Wolko bidzi muxhurona kundi yesuwayte. Be yesona yekke ulla hidese axitaara wolko worquttuwayte baaka hinumba kedda kedda hissofita. <> yeydi hidofita.


Yoonase Wontose kuxay maaquwaye. Esini Yesuusi Kristosa gisha ta odusso modhe odonaara olowafa ayti laga bera aallo addeydo badi yechine hatte addeyda aadenaara hi aadexona miindi hi ee'oronike hinumba mahesuko e danda'e.


Yoonase Wontoy maarese be wordosa e maare, woosutte e worguwannike mahese be worgesa e woosuttuwannike e mahe.


Nuundo nayshito! Nuwadiyaxhita uddi ye dhumay uso durkiya e yechonikiyara bagadiyanna u fottonikiyara hi erorosako ta worge.


Nuundo nayshito! Hatte assi Ayaana Geeshi inge ingo gisha hi erorosako ta worge.


Nuni zeere eramay buro erutto badi aachutti yecha Wonto erako. Ye erani abani meddhutto baane buro Wontoy kuxa fuula nu degexenike burussi mati yechoshako.


Yoonase uddi axi numba Kristosa hantaxukiyara e aallicira erese axi danda'uwa Wonto maxo ohese adeto ettesesukiyara mati beewaye.


Wontoy modhe maxo keengesa be maaqe gisha Kristosa badena buro hantese be massechonike eruttese danda'uttuwadecha be maxo ni eroronike e mato.


Yeydiwo uddi abako meddha Wontoy olowafa ayti aasshi be gaddecho be maxo waydi e hantuttenike uddiyadese ta addussoronike e mato.


U muxhuroy ceendi ere dheebiyafaara woosutte dheebiyafaara dendasuna Wontoy inge yeso garafa dhaddi zardiko u yese.


Ta eehe ta badito! Hinunimay Laaxi badiya bidzi wontey hade kuma berake kuma beray hade bidzi wonteke maaqesa ha bidzi zeere bottofita.


Ta oshichi kuchiyaka ne beedo laappi xhoolinteseni maaqqe worqiyafa hantuttese faqey e gara gadutte laappi abakoseni u birchey ha esako. Laappi xhoolintey be godowa godowa yese laappi Wonto zawase yese Wonto woosaxitako. Faqey e gara gadutte laappi abakoy laappi godowa yese Wonto zawaxitako.


Laappunxo woosaxi maracho uydo. Afaakani <> yeydi keddaydi zeereesiti kato ta siido.


Ye e geede hay ooneni taatti alsese danda'uwa iitana laga axita ta beedo. Usini be wude wude yese axitaafa uddi, be ommana ommana yese axitaafa uddi, be biyyana biyyana yese axitaafa uddi, be nuunana nuunana zeere axitaafa uddi kessasitako u maaqicha. Booxi maa'o maadhi be kuchiyakani iille washe ayti uttiya yese kaati burowara dori burowara ee'iya u yecha.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ