Qollasiyasaxituse 3:5 - Kille Caaqo

⁵ Ye e gisha hinuka yese ha saha col'a wodhuwayte. Ye usitini laggeto, geejhete keenguwa hanta, be kahe asanxi maachi gara maachini asanxi gara gade, uddi iita col'a, abako mishe dheebeko. <> yeydi hiyoy Wonto maaquwa abakita hade Wontokeysi kuxeko.

Qollasiyasaxituse 3:5 ပူးပေါင်းရင်းမြစ်များ

Matoose 15:19

Muxhurowafa kesesi iita maxo, axe wodhe, laggete, maaquwa ogena wolla muhe, kayse, zaade ateye, axe cashe uddi ha esako.

Roomaxituse 1:26

Axiti yeysi matosuna Wontoy borsuse maxo u maxusune uso yaha beedi e dhaddo. Indowaxhiti fetto losso maaqicha asanxaara muho oge dhaddi lossutti eruwadecha muho ogiya u arso.

Roomaxituse 1:29

Axiti laga be bishana bishana yese doometenaara iitetenaara kundesesako. Usini uddi abakose habbu habbu hineesita, u hantesi iita maaqesa, dhiiddheesita, axe wodheesita, feda inxha'eesita, qaaruseesitaara miidheesitaara, gunceeshita,

Roomaxituse 6:13

Hi gara e bidzi bidzina iita abakoy essaanna go'uttorosa mati cubbose uqusofita. Cubbose uqusekofa haybowafa yesuwaka gardese axituke mati hinumba Wontose uqusuwayte. Hi axeto gizetese e miijhe mati Wontose inguwayte.

Roomaxituse 6:6

Cubbache maaqe nu axetoy bayoronikiyara ha e geede sekke cubbose e maala nu maaquwanikiyara cima nu oonuntey Kristosaara wolko e suxhuttonike erako ni ere.

Roomaxituse 7:23

Magguwamba baaka fede wogako be sunxuna sunxuna yese ta gara giddaaka e hantusune ta beene. Esini ta axeto giddaaka hantiyaka yese cubbo wogana tamba tufaxe mati ta maxowaka Wontoy gaddese wogaara wolko darguttiyako e yese.

Roomaxituse 7:5

Ye esini nu acho maxoke nu yechoniyaka wogay en'usicho iita maxoy haybose aandi elluse aafe nu kaxhoronike nu axetowaka hantiyako e yecha.

Roomaxituse 8:13

Hinuse cubbaxe maaqe hi oonuntekewo yesa'ayko hay'oko hi hay'e. Ayaana Geeshi osanama hantiya hi yese iita hanta wodha'ayko en'ako hi yese.

1Qorontoosaxituse 5:1

Hi giddaa borsuse laggetoy yesesako odusuttiya yesa. Yeenke yese laggetoy aadesso baasiti da'aani fetto hantuttuwassako. Ye esini biyade macho hade be machike matesesako yesa.

1Qorontoosaxituse 6:11

Hinukafani bidzi bidziti yeenke yesesako hi maaqicha. Hattema Laaxi Yesuusi Kristosa sunxunaara nu Wonto Ayaananaara cubbowafa shohuttiko hi yese, Wontose shahuttese hayla axita maaddhiko hi yese, gizete degessiko hi yese.

1Qorontoosaxituse 6:13

<> yeydiko e hiyutte. Yebo, Wontoy kaxani gawwoni baysako e bayse. Ni garay Laaxi Yesuusasuko baaka laggetose maaquwasso. Laaxi Yesuusani ni garase worguse abakoko e mahe.

1Qorontoosaxituse 6:18

Ha e gisha laggetowafa zaruwayte, axi hante fede cubboy uddi e hantuttesi axi garame areko, axi gara tunusuwasso. Laggetena cubbo hante aximay be garako e tunuse.

2Qorontoosaxituse 12:21

Assi sekke hinuko ta hamoroniya ta Wontoy haliya hi buro taa borsuseemeko ta hoodde. Ha esume buro cubbo hanta laga axiti ye be hanto iitetiyafani maaqqe laggetowafaara seefuse hanta hantiyafaara be cubbo dhaddi maaddho baa axiti gishaa ta higileni hissineko massi ta hoodde.

Galatiya 5:24

Yesuusi Kristosase maaqe axiti jhuushuna eexhichashaara col'ichashaara maaqe be acho be garafa suxxhi woddhiko u yese.

Efesoonaxituse 4:19

An basuseni borso be keenguwa gisha be bishana bishana yese tuna hanta mati mati hantese iitana eexhi bembani iita hantase garsi u indo.

Qollasiyasaxituse 2:11

Esuna maaddhiko kuchena maaquwasa gada hi utto. Kristosana gada hi uttoosuna cubbaxe maaqe hi oonuntey ooxuttiko e yese.

1Teselonqaxituse 4:3

Wonto maxoy hi hayloomoronikeko. Laggeto garafa dhaddi zardi

1Teselonqaxituse 4:5

Hade Wonto eruwa ha saha axiti bishuwa ogena maacho beedi col'enike col'ay hinukaaka yessoppe.

1Xhimootoosese 6:10

Miijhe eehey uddi iitetese e xhabhoko. Bidzi bidzi axiti miijhe degexeeme hissineko be aadexo garafa dhaddi u zardese, beeseni maddha iita gelliko suuxe u yeettese.

Ibraxituse 12:16

Ooneni Eesa'oke be acho col'a alsemewo worgesa oo'oyne Wonto kuxuwasa be maaquwannike bemba kakkuwaye. Eesa'oy be muune kaxeeme hissine be anguzete e zal'o.

Ibraxituse 13:4

Laggeteesiti garaara ye e bisha hanteesiti garaara Wontoy yaa'e gisha gelleseesitaara etteseesitaaray be caadhecho caaqo kuxana kattesesa maaquttuwaye. Adey be machime fede macho machi be ademe fede ade massoppe.

Ibraxituse 13:5

Wontoy <> yeydi e hidese gisha miijhe eeha garafa dhaddi zaruwayte. <> yeydi hiwayte.

Yayqoobey 4:1

Hi giddaaka tooraara birriyaray ayafani e yoone? Ye esini hi muxhurowa darguttiya yese acho maxona iita hi col'e col'aafa dendasuna maaquwaye?

1Phexhrosey 2:11

Ta eehe ta badito! Ha saha gara borsitaaara artaxitaara maaddhi haya hi yesune hi lubbo baysese dargutte acho col'a garafa dhaddi hi zaroronike hinumba odde hidiko ta shi'e.

Yohanise Haraje 21:8

Yeydi e maaddhakoni jhasheeshiti, aadexuwasiti, tunaxiti, axe wodheesiti, laggeteesiti, qayeesiti, Wonto maaquwasa wonto mati kuxeesiti, yeydiwo zaadaxiti be uddina u tagoy dine hidi hiyuttesaara tamaaray essaaka yese orjena megge tama bagadiyaakako e maaqe. Ye esini lakkunxo hayboko>> yeydi taase e hido.

Yohanise Haraje 22:15

Tunaxiti, qayaxiti, laggeteesiti, axe wodheesiti, Wonto maaquwasa wonto mati kuxeesiti, zaade eeheesitaara be hantanaara be zeerenaara zaaddeesitaaray uddi katamame wudeko u atte.