Qollasiyasaxituse 3:17 - Kille Caaqo

¹⁷ Yesuusa badena ade maaqe Wonto galatisine hi zeere zeere Laaxi sunxuna zeeruwayte, hi hante hanta uddi Laaxi Yesuusa sunxuna hantuwayte.

Qollasiyasaxituse 3:17 ပူးပေါင်းရင်းမြစ်များ

Matoose 28:19

Yoonase be wude wude yese axituko uddi hanguwayte! Adena yelena Ayaana Geeshi sunxuna xhamaqisine hinumba ta woossosa uddi u kaforonike erusisine ta oge hangeesita mahuwayte. Yebo ha saha aallicira aallo uddi wogga tani hinunaara wolkoko ta yese>> yeydi e hido.

Anxuttaasiti 19:17

Ye esani Efesoone yecha Ayhudaxitaara Grikaxitaaray uddi siidi orjena u jhassho. Laaxi Yesuusa sunxeni kedda kedda uyso.

Anxuttaasiti 4:30

Hayla ne yele Yesuusa sunxuna hargaxiti looloronikiyara micushe hantaara du'use zeeriyaray maaqoronike ne osa anxuwa!>> yeydi u shidho.

Roomaxituse 1:8

Hi aadexo ha saha gara yese axi uddi siidosuna Yesuusi Kristosa badena burussi hi gisha uddi ta Wontoko ta galate.

1Qorontoosaxituse 10:31

Yoonase muusineni maaqqe ushishine abani hantisine uddi hi hante hantana Wontoy kuxuttoronike hantuwayte.

Efesoonaxituse 1:17

Kuxay esuse bishe adiyara nu Laaxi Yesuusi Kristosa Wontowara maaqesa modhussi hi eroronike Ayaanay gaxe e ingorosaara Wonto zeere modhussi hinuse e addusorosaarako Wonto ta shi'e.

Efesoonaxituse 5:20

Uddi woggaaka uddi basi gisha nu Laaxi Yesuusi Kristosa sunxuna ade maaqe Wonto galatuwayte.

Filphisoosaxituse 1:11

Ye e bisha yesonako Yesuusi Kristosay hinuka kaxe gizete aafe lagussi hi kaxhe. Wontose kuxaara galataaray bentoronike hi mahe.

Filphisoosaxituse 2:11

Axi uddi be urxhumenani <> hidi addaanna ohisine ade maaqe Wonto u kuxe.

Qollasiyasaxituse 1:12

Assi fo'e maaqe kaateto giddaaka haylaxitaara wolko ade maaqe Wontoy ingesa hi shahoronike hinumba mata esako hi galate.

Qollasiyasaxituse 2:7

Esuna xhabho datti eedhi hi oseydesenike dicuwayte. Hi erdesenike hi aadexona miindi ee'uwayte. Lagussi esa galatisine yesuwayte.

Qollasiyasaxituse 3:15

Bidzi gara maaqese hi xheyguttesesi Kristosa modhete gisha e maaqesuna hi muxhurowaka ye modhetewoy yesesa maaquwaye. Uddi wogga Wonto galatuwayte.

Qollasiyasaxituse 3:23

Hi hante hanta uddi axume hissine e maaddho baane Laaxi Yesuusase hi hantenike hi muxhurowafa kessi hantuwayte.

1Teselonqaxituse 1:1

Phawlosekofa, Sillaasekofaara, Xhimootoosekofaara. Ade maaqe Wontowara Laaxi Yesuusi Kristosaara bidzo maaddhi yese Teselonqe katamaaka yese Wonto zawa axituse ha woosso nu anxe. Wontoy axuse keenge modhe maxowara modhetiyaray hinuse maaquwaye.

1Teselonqaxituse 5:18

Uddi basi giddaa yesine Wonto galatuwayte. Yesuusi Kristosaara wolko hi yese yesona Wontoy hi garafa e worgesi ye esako.

2Teselonqaxituse 2:17

hi muxhuro minxuwaye. Modhe maaqesa hi hantoronikiyara hi zeeroronikiyara osusuwaye.

Ibraxituse 1:5

Ye esini Wontoy afaase woosaxitukaafa bidzoni <> assi fede godo Wontoy <> yeydi e hidesesi fetto baasso.

Ibraxituse 13:15

Yoonase Yesuusa badena galata kaasha uddi wogga Wontose nu ingoose. Galata kaasha yeydi hiyoy nu nuunana nu zeere Wonto kedda kedda esuna nu hise esa kuxuse nu katoko.

1Phexhrosey 2:5

Hinunini hade en'a shuchituke Wonto Ayaanana durkutti keexhuttese aadena Wonto zawa maaqesuko hi keexhutte. Ha e bishanako Yesuusi Kristosa badena Wonto magguse e Ayaanana durkutti ingutte aadena kaasha esuse uqusese haylondese kahinita hi maaqe.

1Phexhrosey 2:9

Maaquwaye baaka hinuni cenchaafa micushe be fo'iya hinumba xheyda Wonto malla hanta hi odusoronike ha saha gara yese axitaafa xharuttese omma, kaati kahinita, hayla axita, Wontoy beese matoositako.

1Phexhrosey 4:11

Wonto kato ohesi ooneni Wontoy beese esukaana ohesa maaqenike gaxhisine ohuwaye. Wonto zawaa maresi ooneni beese e inge osana maruwaye. Wontoy Yesuusi Kristosa badena yenniya uddi basunako e galatutte. Kuxani adetoni koolo makkina esuse maaquwaye. Ameen.

1Yohanisey 2:23

<> hidi hinesi uddi adeni inxha'ako e inxha'e. E yeleni <> hidi hinesi adeni ettiko e yese.

1Yohanisey 3:18

Ta nayshito! Nuunanaara odonaara maaddho badi e yesune aadenaara hantana beysenaara wola nu eehheese.