Qollasiyasaxituse 2:7 - Kille Caaqo

⁷ Esuna xhabho datti eedhi hi oseydesenike dicuwayte. Hi erdesenike hi aadexona miindi ee'uwayte. Lagussi esa galatisine yesuwayte.

Qollasiyasaxituse 2:7 ပူးပေါင်းရင်းမြစ်များ

Luqaase 6:48

Ye esi kaacho modhussi kaashi qaaqa gara keexha axuko e bishe. Wulqay yoodi ye zawa ur'o. Modhe kaacho gara be keexhuttese gisha en'ese dandadho baasso.

Roomaxituse 16:25

Yoonase Wontose kuxay maaquwaye. Esini Yesuusi Kristosa gisha ta odusso modhe odonaara olowafa ayti laga bera aallo addeydo badi yechine hatte addeyda aadenaara hi aadexona miindi hi ee'oronike hinumba mahesuko e danda'e.

1Qorontoosaxituse 1:8

Nu Laaxi Yesuusi Kristosay yekke yoone wonte haasse keenguwasa maaddhi hi bentoronike aallicira makko miindi hi yesorosako hinumba Wontoy e mahe.

1Qorontoosaxituse 15:58

Yoonase ta eehe nuundo nayshito! Miindi ee'uwayte, bidzi abakonani sekke hanke hidofita, Laaxi hantase hi gakkesi yaho e maaquwasa erdi uddi woggaa Laaxi hanta hantese oseywayte.

2Qorontoosaxituse 1:21

Yoonase numbani hinumbani Kristosana miindi nu ee'orosa matasi Wontoko, nimbani tisshashini esako.

Efesoonaxituse 3:17

Kristosay aadexona hi muxhurowaka be zawa mati yesoronikiyara hi xhabhowara hi kaachowaray eehana miindesesa maaqoronikiyara

Efesoonaxituse 4:21

Aadewo e gisha siidiko hi yese, Yesuusana yese aade esaara bidzo maaddhi fetto erdiko hi yese.

Efesoonaxituse 5:20

Uddi woggaaka uddi basi gisha nu Laaxi Yesuusi Kristosa sunxuna ade maaqe Wonto galatuwayte.

Qollasiyasaxituse 1:23

Esini uqusesi kaachuttiyara sekke hanke hiye baaka eedhesesaara maaddhi hi siidese modhe odoy gobbusesesi garafa arto badi hi aadexona oseydi hi yesa'aykoko. Ye modhe odoni ha saha gara yese meddhose uddi ohuttesesako. Tanini Phawlosey ye modhe odose e hantaxuko ta maaddhese.

Qollasiyasaxituse 3:17

Yesuusa badena ade maaqe Wonto galatisine hi zeere zeere Laaxi sunxuna zeeruwayte, hi hante hanta uddi Laaxi Yesuusa sunxuna hantuwayte.

1Teselonqaxituse 5:18

Uddi basi giddaa yesine Wonto galatuwayte. Yesuusi Kristosaara wolko hi yese yesona Wontoy hi garafa e worgesi ye esako.

2Teselonqaxituse 2:17

hi muxhuro minxuwaye. Modhe maaqesa hi hantoronikiyara hi zeeroronikiyara osusuwaye.

Ibraxituse 13:15

Yoonase Yesuusa badena galata kaasha uddi wogga Wontose nu ingoose. Galata kaasha yeydi hiyoy nu nuunana nu zeere Wonto kedda kedda esuna nu hise esa kuxuse nu katoko.

Ibraxituse 13:9

Lossutto baa be bishana bishana yese eray hinumba didhofe. Miyose gaduttese woga katti e geede hamekofa Wontoy axuse keenge maxo modhetena muxhuro oseyeko bishesha. Miyo woga katta axiti yahafa abani degexutto baasso.

1Phexhrosey 5:10

Axuse fetto maxo modhete keenge Wontoy Kristosa badenako koolo makkina e kuxa fuula shahaxe hi maaqoronike hinumba e xheydo. Oddhe woggase maddhaa hi gello geede hinumba sekke mati e osuse, e gagguse, minsini e esse.

Yayqoobeyndo 1:12

Ye usiti Kristosa eehaafa densi wolko hi muune tato giddaaka bidzoni borso keenguwasa hinunaara wolko utti muunne beesewo maxe tunaxitako. Ye massalaaka dhumoko u maaqe. Usini hade agexi ur'i etti dhaddi hange ira keenguwa dhumake yeseesitako. Mixi aafe kaxhe agunnaaka be gara aafe keenguwa e xhabhowafa shoddi dattine lam'i wogga haydhese mixuke yeseesitako.

Yayqoobeyndo 1:20

Ta eehe ta badito! Hinunimay uddime gardi haylondese hi aadexona wola dicheshe oseywayte. Ayaana Geeshi osana shi'uwayte.

Yayqoobeyndo 1:24

Hi unguwannike hinumba kakkisine magganaara haasse keenguwasaara kuxa fuulana yese be buro hinumba uqusese e danda'e.