Qollasiyasaxituse 2:11 - Kille Caaqo

¹¹ Esuna maaddhiko kuchena maaquwasa gada hi utto. Kristosana gada hi uttoosuna cubbaxe maaqe hi oonuntey ooxuttiko e yese.

Qollasiyasaxituse 2:11 ပူးပေါင်းရင်းမြစ်များ

Luqaase 2:21

Ye xhahey be yelutto hazzunxo wonte gada e utto. Haga e xhiiqusutto baane Wonto woosaxi otechonike ye wonte e sunxe <> hidi u sunso.

Anxuttaasiti 17:24

Esi sahaara e gara yesesaara uddi meddha Wontoko. Afaseni sahaseni Laaxuko. Axi kuchena keexxho hayla zawaa yesuwasso.

Anxuttaasiti 7:48

Kaayaxi ohisine > hidiko e hine> yeydi hidonike uddime afana maaqe Wontoy axi kuchena keexxho keessaa yesuwasso.

Roomaxituse 2:29

Aadena Ayhudaxi gawwaanna Ayhudaxe maaddhi bentesako. Aadena gada uttey Muse wogana e diizuttesenike be acho bursi gada utte e maaddho baanne Wonto Ayaanana maaddhese be muxhuro Wontose gizuseko. Ye e bisha axe kedda kedda hisesi axe e maaddho baanne Wontoko.

Roomaxituse 6:6

Cubbache maaqe nu axetoy bayoronikiyara ha e geede sekke cubbose e maala nu maaquwanikiyara cima nu oonuntey Kristosaara wolko e suxhuttonike erako ni ere.

Roomaxituse 7:24

Aba waydese maddha giddaa gellese axuna tani? Hayboko tamba etti aamiyaka yese ha ta axetowafa oonewa tamba maaresa?

2Qorontoosaxituse 5:1

Hade asha zawake woggasewo maaddhese nu achoy haydhakoni axi kuchey keexxho baassa Wontokofa maaqe koolo makkina essaa yesuso zawa afaa nu keengenike erako nu ere.

2Qorontoosaxituse 5:17

Ha e gisha ooneni Kristosaara bidzo maaddhako kille meddhuttiko e yese. Cima abakoy baadinne killey meddhuttiko e yese.

Galatiya 2:20

Tani Kristosaara wolko suxhuttiko ta yese. Yoonase hatte yesesi taa maaquwasso taaka yese Kristosako. Hatteni axe maaddhi ta yese yesoy tamba eeti taameysine biya garsi inda Wonto yele aadexisine ta yeseesunako.

Galatiya 5:24

Yesuusi Kristosase maaqe axiti jhuushuna eexhichashaara col'ichashaara maaqe be acho be garafa suxxhi woddhiko u yese.

Efesoonaxituse 4:22

Ye e gisha qaarussi cubbowaaka aange col'ana iittese buro waakeydese axe hi maaqichoshaara waakeydese yeso hi yechoshaara erdi hi garafa ooxuwayte.

Filphisoosaxituse 3:3

Aadena gada uttesesi numbako. Ayaana Geeshuna Wonto kuxesaara wude yese wogana e maaddho baane Yesuusi Kristosana cee'uttesaara maaqe nunini aadena gada utti yesesako.

Qollasiyasaxituse 3:5

Ye e gisha hinuka yese ha saha col'a wodhuwayte. Ye usitini laggeto, geejhete keenguwa hanta, be kahe asanxi maachi gara maachini asanxi gara gade, uddi iita col'a, abako mishe dheebeko. <> yeydi hiyoy Wonto maaquwa abakita hade Wontokeysi kuxeko.

Ibraxituse 9:11

Kristosay hatte yese orjena modhe maaqe kille abakituse kahinituse afana ade maaddhi nuuse yoodiko e yese. Esini axi be kuchena keexxho baa meddhowara wolko bidzo maaquwa keddaydese mallaara facete keenguwasaara maaqe hayla zawaaka gelliko e yese.

Ibraxituse 9:24

Kristosay aadena hayla maaddhesesuse bisha maaddhese axi be kuchena keexhese Haylame e Hayla godowa gello baasso. Esimay gellosi beese wona afaakako. Yaha nu gishako Wonto buro e bente.