Hinne tani kaayaxitako, eraxitako, eruseesitako hinukaa ta anxe. Usaafa bidzi bidzita hi wodhe, feditani hi suxhe, feditani hi Bhikkilo Zawaakani hi dure, feditani ha katamaafa se katamaafa hi goode.
Yoonase be wude wude yese axituko uddi hanguwayte! Adena yelena Ayaana Geeshi sunxuna xhamaqisine hinumba ta woossosa uddi u kaforonike erusisine ta oge hangeesita mahuwayte. Yebo ha saha aallicira aallo uddi wogga tani hinunaara wolkoko ta yese>> yeydi e hido.
Higillakoni uddi woggako nu magge, nuuse jhi'o maaddhakoni lagitako Kristosa badena woduma nu mahe. Abani keenguwasa nu maaqusune nuuse face basi baasso.
Tani fetto haylaxiti giddaafa eero ta maaddhakoni Wontoy axuse be keenge maxo modhetiyafa densi e aallicira axi erese danda'uwa Kristosa wodunte Ayhuda maaquwasituse ta ohoronike e mato.
Kristosa gisha zeere katoy be uddina hi muxhurowa yesuwaye. Gaxuna uddi wola erusuwayte, wolani muruwayte. Be bishana bishana yese zingalena Wonto hi muxhurowanna galatisine zingaluwayte.
Aadekoydi efuttese danda'uttesaara aadexo gisha erusso erunxaara wola ekkesaara maaqe kato etti miindesesa maaqeko esa e worguse. Ye e bisha axe be maaddho geedeko geeshi katona fedita minxesaara ha kato iile axita muresaara e danda'e.
