Marqoose 4:20 - Kille Caaqo

²⁰ Feday assi modhe sahaa aylutta mor'ey ha esa bishe axitako. Usini kato siidi gaxxhi etti aafe kaxheesitako. Ye esa bisheeshiti badey haydzi tamme, badey izzuppi tamme, badey xhiixi aafe yeysiko u kaxhe>> hidi e hido.

Marqoose 4:20 ပူးပေါင်းရင်းမြစ်များ

Matoose 13:23

Modhe saha ayluttasi Wonto kato siidi gaxxhi ekke axuko. Ye e bisha axitaafa bidzi bidziti xhiixe fediti izzuppi tamme fediti haydzi tammi aafe yeysiko u kaxhe>> yeydi e hido.

Matoose 13:8

Fede mor'eni modhe saha aylutti mudhi laga aafe e kaxxho. Badey xhiixe, badey izzuppi tamme, badey haydzi tammi aafe yeysi u kaxxho.

Marqoose 4:8

Fede mor'ey saha modhiya aylutti e mudho. Ye mu'ay dicci modhe aafe e kaxxho, badey haydzi tamme, badey izzuppi tamme, badey xhiixe yeysi e kaxxho.

Luqaase 8:15

Modhe sahaa unda mor'ey beysesi Wonto kato siidi moddhese gizo muxhurowaaka gaddi dandadhi aafe kaxhe axituko>> hidi e hido.

Yohanise 15:16

Tani hinumba xhardosa baaka hinuni tamba xhardo baytako. Handi aafe hi kaxhoronikiyara ye hi kaxhe aafey yesesa maaqoronikiyarako hinumba ta maagesso. Ye e gisha ta sunxuna nuwadey hi shi'e abako aba e maaqo'aykoni hinuse ingako e inge.

Yohanise 15:2

Ta gara yesine aafe kaxhuwa hangita kirdiko wora e dakke. Aafe kaxheesitama lagussi e kaxhoronikeko bursi hatussi e naqe.

Roomaxituse 7:4

Nuundo nayshito! Hinuni ye esuke Kristosay axe maaddhi e haydhoniyaka hinunini esaara wolko haydhi Muse woga garafa shahutti fedase yeydi hiyoni haybowafa dendasuse maaddhiko hi yese. Yoonase Wontose hanti aafe nu kaxhoronikeko e maaddhese.

Filphisoosaxituse 1:11

Ye e bisha yesonako Yesuusi Kristosay hinuka kaxe gizete aafe lagussi hi kaxhe. Wontose kuxaara galataaray bentoronike hi mahe.

Qollasiyasaxituse 1:10

Yeydi e maaqo'ayko Laaxuse yese e worgusenike yessiko uddi ogena Laaxe hi magguse, laga bisha modhe hanta hanti aafe beysenaara Wonto erenaara diceshe hi danda'e.

1Teselonqaxituse 4:1

Nuundo nayshito! Wonto maggusese waydi yese hinumba e worgusenike erusiko nu yese. Aadewo hinuni Wonto maggusisine yesiyako hi yese. Aalliciraaka Laaxi Yesuusana hinumba odde hidi nu hinesaara hinumba nu minxesaaray ha esume gardese ogena Wonto hi maggusorosako.

2Phexhrosey 1:8

Yeenxhina oseydi dicesha hi maaddhako hinuni nu Laaxi Yesuusi Kristosako hi eresa baaka go'uwasitaara aafe kaxhuwasitaara maaquwaytako.