Marqoose 16:1 - Kille Caaqo

¹ Sanbata wontey gardine Magdoolaxhi Maaramey, Yayqoobeyndo Maaramey, Salomeni maaddhi Yesuusa aha tisheshe modhe sawwe abako u woondo.

Marqoose 16:1 ပူးပေါင်းရင်းမြစ်များ

Marqoose 14:3

Yesuusay Biitaniya katamaa kom'e harge keengicha Simooneso e yecha. Tato gara e yesune bidzi indoy e woomay orje maaqesa feday essa worqutto baasa geeshi Nardosewo shittoy essa kundese Albasxhirosiyafa hantuttese bilqaaxhe etti i yoodo. Bilqaaxhe qino meyssi ye shitto Yesuusa qinowaka i gusso.

Marqoose 14:8

Ha indoy be dandadhosa hanti shittona tamba tisshiko taa mooggese burona i naddho.

Marqoose 15:40

Bidzi bidzi indowaxhitini zara eedhi u beecha. Ussaafa Magdoolaxhi Maaramey, barsi Yayqoobiyara Yoosaara yella Maaramey, Salomey yaha u yecha.

Marqoose 15:42

Sahay qamese e hisune Armatiyase katamaxi Yoosefey e yoodo. Esini Ayhuda gate aheesitaafa maaqisine kuxuttese axe e maaqicha. Beese Wonto kaatete gobbisine e kakkicha. Ye wontey sanbatase u naqutticho wonte ye sanbatame buro wonte e maaqicho gisha Yoosefey gaggo melli Philaxhoseko gelli Yesuusa aha e ingorosa e oycco.

Marqoose 15:47

Magdoolaxhi Maaramiyara Yoosayndo Maaramiyaray Yesuusa an godo u mooddosa beya u yecha.

Marqoose 16:2

Hude wonte ketiya qoossi kesiyara boossaaka u hando.

Marqoose 16:8

Indowaxhitini iitana jhasshi koburdi boossaafa kessi u badho. Fettona be jhashecho gisha oonekoni bidzoni zeerutto baasso.

Luqaase 23:54

Yeysi e matosi sanbatay gelese hine ye wontey naquttuso wontako e maaqicho gishako.

Luqaase 23:56

Ye indowaxhitini hanke maaddhi yoodi sawwesaara tisheshaara u naddho. Muse wogay ohenike sanbata wonte kaxe etti u feyssho.

Luqaase 24:1

Indowaxhiti Hude wonte ketiya sho'e be naddhechosha sawwesa etti aha tisheshe u hando.

Yohanise 19:25

Yesuusay suxhutti yesune e da'aa esindoy, esindoyndo bushoy, Qelepha macho maaqe Maaramey, Magdoolaxhi Maaramey hidi ee'iya u yecha.

Yohanise 19:31

Ye e geede Ayhuda afana maagiti ye suxhutta geriti ahay suxi mixi gara e yeseeme u fashane meyssi u hoxoronike Philaxhose u shidho. Esume u shidhosini ye wontey sanbatase u naqutticho wonta e maaqicho gishaara sanbataafa ye sanbatay fetto fede sanbatitume keddaydesesa e maaqicho gishaarako.