Osa ta degexesi gafaxe maaddhi ta benteniya e maaqe gisha Kristosame hissine gafaxe maaqisine, cashuttisine, maddhungisine, waayye beesine, jheete beesine maggako ta magge.
Hatte hi gisha essa ta yese maddhana maggako ta magge. E gara maaddhi yese Wonto zawa axitume hissineko Kristosa maddhaafa facechashe ta acho maddhana kunsi ta alse.
Aadexo be keenguwasa axi Wonto maggusese danda'uwasso. Ye esini Wontoko uqe axi Wontoy yesenikiyara be muxhurowafa kessi esa worgeesituse e wooma Wontoy ingenikiyara aadexeko esa e worguse.
Ayaanay be godowa godowa yese Wonto zawaxituse ohesa washe keengesi naddhi siwwaye. Iishashushe aachutti yese mannaafako ta inge. Kille sunxi e gara diizuttese booxi shuchuko ta inge. Ye esa ekkesawo baaka ye sunxe ooneni eruwasso> yeydiko e hine.
Iishashushe ta hantani aallicira makko alsesuse nuwade garafa adeto ta ettonikeko be wude wude yese axiti gara adeto ta inge. Esini qanga kallonako uso e ahe. Hade sahaafa meddhutta miijhekeysiko e wodhe.
Iishashe ta Wonto Hayla Zawaaka biddoko ta mahe. Yahafa fetto kesuwasso. Ta Wonto sunxaara, kille ta sunxaara yeydiwo ta Wonto katamaa sunxaarako e gara ta diize. Ye katamani afaafa Wonto da'aafa hodhe kille Yerusaleemeko.