Ibraxituse 9:14 - Kille Caaqo

¹⁴ Kristosa suuxi waanidini gardese ogena numba e geeshuwaane? Koolo makkina yese Ayaana Geeshi badena bemba dhoha keenguwa kaasha matiko Wontose e uqusso. En'a maaqe Wontose nu hantoronike nu muxhurowa yese haybowa aange hantaafani e suuxi numba geeshako e geeshe.

Ibraxituse 9:14 ပူးပေါင်းရင်းမြစ်များ

Matoose 12:28

Wonto Ayaanana xhooze ta gooda'aykoma yey Wonto kaatetey hinukaa yoodosso hidi hiyoko.

Matoose 16:16

Yenniyani Simoone sungicha Phexhrosey <> yeydi e hido.

Matoose 20:28

Yeydiwo tani axi yeley ta yoodosi axe maresaara ta yeso garsi indi laga axe taanna wozesaarako baaka axi taa marorosa yoodo baasso>> yeydi e hido.

Matoose 7:11

Yoonase hinuni iita maaqisine hi nayshushe modhe ingo inge erako hi ere. Hinne afaa yese hinadey biya shi'eesituse waanidini modhe abako hinume afana garsi e inguwaane?

Luqaase 1:74

Ye caadhi e indecho gobboy nu iilaxi kuchiyafa shawo kessi Wonto buro jhashe baaka ha saha gara nu yesoro aallo uddi haylaara gizo maaddhi yesenaara esa nu maroronikeko.

Luqaase 12:24

Mee, qurafita beewayte. Ayluttuwasso, acuttuwasso, kaxa esa be bhikkile godo fetto gootarani keemuttuwasso, yeenxho u dheeddakoni Wontoko uso muussesa. Hinuni ye kafitume fetto garuwaytuwa?

Luqaase 12:28

Hinne Wontoy hanzo bento guta tamaaka dafuttoynesa gubba yese maata yeysi seelo e gara gussi be maysso geede, hinumba fetto garsi ame e maysuwaane? Hinuni Wonto hi gobbesi waakidi oddhe e maadho?

Luqaase 4:18

Esini e xhaassafa birshi <

Yohanise 3:34

Wontoy be Ayaana esuse lagussi e inge gisha e ansosi Wonto katoko e ohe.

Anxuttaasiti 10:38

Wontoy ye Nazrataxi Yesuusa be Ayaana Geeshuna e tissho, osani e indo. Wontoy esaara yecho gisha axuse modhe hanta hantisine Humbayey be oomo jheechichoshita uddina loolusisine sekke hanke e hanticha.

Anxuttaasiti 14:15

<

Anxuttaasiti 15:9

Aadexona u muxhuro e geessho, ni giddaakaara u giddaakaara bidzoni shaho mato baasso.

Roomaxituse 1:20

Uddi basi meddhuttowafa ayti axuse bentese danda'uwa Wonto oonuntey, ye esini koolo makkina e keenge e osaara e wontuntiyaray e meddho abakitunako e erutte. Ye e gisha axiti be goynge abako keemuttuwasso.

Roomaxituse 11:12

Isra'eelaxiti Wonto woga gardosi ha sahase laga suusuko e oodo. U ungey Ayhuda maaquwasituse suuse oodiko e yese. Yebo, Ayhudaxitini kumena loolete suusi waakeydese lagani e maaqorosi!

Roomaxituse 11:24

Hinuni Ayhuda maaquwasiti hi meddhuttowafa ayti shanka gulta hangita maaqichine meddhona hinuse maaquwadecha godo ozaa tofutta gulta gara tofuttiko hi yese. Hine hinuni yeydi tofutto geede fetto ozaa tofuttese gulta hangita maaqe Ayhudaxitimay buro be godowa maaddhi ame tofuttese u danda'uwaane?

Roomaxituse 6:13

Hi gara e bidzi bidzina iita abakoy essaanna go'uttorosa mati cubbose uqusofita. Cubbose uqusekofa haybowafa yesuwaka gardese axituke mati hinumba Wontose uqusuwayte. Hi axeto gizetese e miijhe mati Wontose inguwayte.

Roomaxituse 6:22

Hattema cubbo maaketowafa shawo kessi Wonto maala maaddhiko hi yese. Ye esi e go'esi hinumba hayla mahesuko. E aallicirani koolo makkina yesoko.

1Qorontoosaxituse 15:45

Ye esini <> yeydiko e diizuttese. Geede Addaamey yeso inge Ayaanako e maaddho.

2Qorontoosaxituse 5:21

Nuni Kristosaara wolla bidzo maaddhi Wontona gizo nu maaqoronike Wontoy cubbo keenguwa Kristosa nu cubbo e iddoronikeko e mato.

2Qorontoosaxituse 6:16

Wonto Hayla Zawaara wonto maaquwasa Wonto mati kuxuttesaaray aba muhoni e keenge? Nunimay en'a maaqe Wonto Hayla Zawako. Yeydini Wontoy beennako e zeerdo. Esini zeerisine <<

Galatiya 2:19

Wontose ta yesorosa wogaafa dendasuna wogase haydhi e garafa shahuttiko ta yese.

Efesoonaxituse 2:5

fetto ni miidhana haydhesesa maaddhi ni yesune Kristosaara wolko yeso niise indiko e yese. Hinunini maaruttosi Wontoy axuse keenge maxo modhetiyafa densiko.

Efesoonaxituse 5:2

Kristosay nimba eetonikiyara Wonto magguse modhe sawwe ingowara kaashaara mati be yeso nuume hissine garsi e indonikiyara hinunini eehana yesuwayte.

1Teselonqaxituse 1:9

Numba waakidese mokkona hi mottosaara en'a maaqesaara aadena Wonto maaqe Wontowara kuxese Wonto maaquwa fede wontiti garafa dhaddi waydi hi maaddhonike usi beese zeerako u zeere.

1Xhimootoosese 1:17

Koolo makkina kaate maaqesuse, hay'e eruwasuse, aafese bentuwasuse, esawoy Wonto maaqesuse kuxaara galataaray koolo makkina maaquwaye. Ameen.

1Xhimootoosese 3:15

Haliya hame ta deca'aykoni axiti Wonto zawaa waydi yesesa erese ne danda'oronike hay neese diizziko ta yese. <> hidi hiyoy en'a maaqe Wontose e zawa axitako. Usini aadese biddowara kaachowarako.

Titose 2:14

Esini iitaafa uddi numba wozese modhe hanta hantese oseydesesaara esusewo maaddhese axitaara nu maaqoronikeko numba geesheme hissine nu gisha bemba garsi e indo.

Ibraxituse 1:3

Esi Wonto kuxa fuula laci lacissi faqesako. Wontoy Wonto maaqenike esini Wonto bisha aytese Wontoko. Osa keenge be katonako uddi base kiiddhi e aytese. E yeleni axiti cubbowafa geejheshe u danda'oronike be mato geede afaaka osaxe maaqe Wonto oshichi bade uttiko e yese.

Ibraxituse 10:10

Kristosay sekke be lakkuwannike bidziyawo be acho kaasha mati uqusese ye Wonto maxo e hantosuna nuni haylondiko yese.

Ibraxituse 10:12

Kristosamay koolo makkinase ellesesa maaqe bidzi kaasha be uqusso geede Wonto oshishaa uttiko e yese.

Ibraxituse 10:2

Wogay Wonto kuxe axita aadewo facete keenguwasa mahese e dandadhako axi sekke geejhe e worgusuwannike bidziyawo geeshe maaddhi be muxhurowanna <> yeydi hinesa keenguwadiko e yecha. Kaashani uquse dhabako u dhabaane.

Ibraxituse 10:22

nu geejhoronike <> yeydi nu muxhurowa hinesa ooxese suuxi kaashashe shakkuttenike nu muxhurowa shati ni gara modhe waaxuna shoti aadena kundese muxhuronaara bidzoni facete keenguwa aadexonaara Wontoko nu uqqeese.

Ibraxituse 11:21

Yayqoobey e hay'e woggay yoodi uddhine Yoosefe nayshe u bidzi bidzina e suuzosaara kallona bemba kiiddhi Wontose e dissosaaray aadexonako.

Ibraxituse 13:12

Ye e gisha Yesuusay axita beese be suuxuna haylonxesuko katamame wude maddhundi e haydho.

Ibraxituse 3:12

Nuundo nayshito! Hinukaafa ooneni en'a maaqe Wonto garafa e zaroronike mahe iitaara aadexuwasara maaqe muxhuroy yesuwannike bemba kakkuwaye.

Ibraxituse 6:1

Yoonase Kristosa gisha erusutta acha erunxe yaha gaddi nu buro gara handi uuxhesesa nu maaqqeese! Haybowa aange cubbo hanta gishaara Wonto aadexe gishaara, yeydiwo xhinqate gisha, be kuche Wonto sunxuna axi gara gade gisha, haybo denxo gishaara koolo makkinase yaa'utte yaa'a gishaara sekke mati erusisine kaachuttese kaacho sekke mati kaache nu dheebbeese!

Ibraxituse 7:16

Esini kahine e maaddhosi bayese danda'uwa yeso inge osana baaka hade wogana e gaduttesenike Lewe ommaafa maaquwasso.

Ibraxituse 7:27

Esini sekke be lakkuwannike bidziyawo bemba kaasha mati uqussi be alsese gisha hade fede kahinituse afana adituke burona be cubbo gisha sekkeni axiti cubbo gisha uddi wonte kaasha Wontose uquse esa worgusuwasso.

Ibraxituse 9:12

E gellosini degele suuxaara maydaxhe suuxaara etti maaquwasso. Axi koolo makkina wozuttoronike mata beese be suuxuko etti Haylame e Hayla godowaka sekke be lakkuwannike bidziyawo e gello.

Ibraxituse 9:26

Yeydi e maaddhakoma ha sahay meddhuttowafa ayti laga woggaa maddhaa geleko esa e worgusaane. Hattema cubbo ooxese bemba kaasha mati sekke be lakkunwanike beriti itese hissune yoodi bemba addussiko e yese.

Ibraxituse 9:7

Lakkunxo godowaka gelesimay kahinituse afana adewoko. E gelesini beraafa bidzi wontewoko. Esini be cubbosaara uddi axiti erdo badi yesine hanto cubbosaara be uquse suuxe etto badi yaha geluwadiko e yecha.

Ibraxituse 9:9

Ye esini ha woggaaka yesesa beysesako e maaqicha. Ye e bishana Wontose uqe ingowara kaashaaray ye esuse uquse axuse <> yeydi maxe e muxhuro geesheshe danda'uwasso.

1Phexhrosey 1:19

hade haasse keenguwa geeshi dori suuxuke yese kuxuttese Kristosa suuxuna e maaqenike erako hi ere.

1Phexhrosey 2:22

Kristosay aba cubboni hanto baasso. Be nuunana zaade zeerdi eruwasso.

1Phexhrosey 2:24

Cubbo ni hantuwannike hade haydhese axuke cubbokofa shahutti gizetena ni yesorosako Kristosay beese be gara ni cubbo iddi suxi mixi gara e suxhutto. Ye e madanako hi loollo.

1Phexhrosey 3:18

Kristosay Wontoko numba uqusese beese gizo maaqisine gizete keenguwa nuume nu cubbo gisha sekke be lakkuwasa bidziyawoko e haydho. Axe be maaqesuna e haydho, ayaana be maaqesuna dendi en'a e maaddho.

1Phexhrosey 4:2

Ha e geede sekke ha saha gara be yese wogga aallo hade axi maxoke iita col'a hantese e maaddho baanne Wonto maxoke hantesuko e yese.

1Yohanisey 1:7

Wontoy fo'iya yesenike ninini fo'iya sekke hanke hantako ni bidzi bidzina wol badeko ni maaqe. Yeydiwoni Wonto yele Yesuusa suuxi cubbowafa uddiko nii e geeshe.

1Yohanisey 3:5

Yesuusay cubbo keenguwasa maaqisine cubbo ooxeme e yoodonike erako hi ere.