Ibraxituse 6:17 - Kille Caaqo

¹⁷ Wontoy ye ogenako be gobbusese gobbo ekkeesituse <> hidi be hidosa be arxuwannike addussi beysese wordi ye gobboy aade maaqenike caadhi e oto.

Ibraxituse 6:17 ပူးပေါင်းရင်းမြစ်များ

Yohanise 10:10

Kaysoy esume e yoonesi kaysese, shufesaara baysesaarako. Tanimay yoodosi yeso u degexoronikiyara uddi ogena bidzoni facete keenguwa yeso u keemoronikiyarako.

Roomaxituse 11:29

Ye esini Wontoy be xhardo geediyara axuse ingo be indo geediyara sekke be maxo arxuwasso.

Roomaxituse 8:17

Yoona, Wonto nayshe ni maaddho geede e ingesa ekkesako ni maaqe. Yeydi hiyoni Wontoy ingesako ni ekke, Kristosaara wolkoko ni ekke. Hatte Kristosaara wolko maddha nu ettoyna hannina esaara wolkoko ni kuxutte.

Galatiya 3:29

Yoonase Kristosase hi maaddhoniya hinuni Abrahaame fira fiixhako. Abrahaame gobbusutto gobbo badena Wontoy ingesa ekkeesitako.

Efesoonaxituse 1:11

Uddi abako beese be maxona hante Wonto maxoke burussiwo <> hidi be hidonike hatteni Kristosa badena e axita maaqesuko ni xharutto.

Ibraxituse 11:7

Nohey haga bento baa abako Wontoy esa <> hidi minsi e hido woggaaka esa jhasshi be zawa axita haybowafa maarese markabe aadexona e naddho. E aadexona sahay yaa'uttonike e erutto. Aadexona bente gizete e degesso.

Ibraxituse 11:9

Wontoy esuse ingese esa gobbusese sahaaka naabha gidda handi e uttosi aadexonako. Wontoy gobbusso gobbose esaara shahaxe maaqe Yissaaqiyara Yayqoobiyara maa'o zawaa e yesso.

Ibraxituse 6:12

Ye esini aadexonaara danda'onaara miindi bemba Wontoy gobbusecho gobbo etta axita hi bishoronike baaka belxhaxe hi maaqoronike worguwanxhiko.

Ibraxituse 6:16

Axiti esuna e caaqesi beeme garesunako. Esume e caaqutto zeerey ye caaqona e miinge gisha u giddaaka dendecha bersay uddi ye esunako e atte.

Ibraxituse 6:18

Wontoy artuwasa maaqe esuna be zaadduwa lam'i abako nuuse e indo. Ye usiti gobbowara caaqowarako. Ye ogena nu lubbo maarese esuko badhese nuni numba e gobbusese gobbo nu aykoronike keddaydese miimete nu degexorosa matiko e yese.

Yayqoobey 1:17

Uddi modhe inguwara uddi facete keenguwa modhe suusaaray wona afaa yesine fo'e ingeesita uddi meddha Wontokofako e ingutte. Esini hade gejhoke sekke hanke hiwwass,o artuwasso.

Yayqoobey 2:5

Eehuttese nuundo nayshito! Siwwayte! Wontoy ha saha gara yese jhi'ita aadexoy ususe wodunte maaqenikiyara biya eeheesita be gobbusese kaateto u dhaaloronikiyarako uso e xhardese.

1Phexhrosey 1:3

Nu Laaxi Yesuusi Kristosaade maaqe Wontoy galatuttuwaye. Keddaydese be maarowafa dendasuna sekke yelutti kille axe nu maaqoronikeko numba e mato. Sekke yeluttenani Yesuusi Kristosay haybowafa dendo gisha bayese danda'uwa gobboko nu keenge.

1Phexhrosey 3:7

Hinuno adito! Wonto hi shi'esi dhumutteesume hi indowaxhituse maxuwayte. Hinume gafa meddho u maaqe gishaara Wontoy axuse be keenge maxo modhetiyafa densi inge yeso hinunaara u degexoro gishaara uso kuxuwayte.