Ibraxituse 10:19 - Kille Caaqo

¹⁹ Yoonase nuundo nayshito! Yesuusay numeysine haydhi e gusso suuxuna Haylame e Hayla godowa naassi nu geloronike nuuse maaddhiko e yese.

Ibraxituse 10:19 ပူးပေါင်းရင်းမြစ်များ

Roomaxituse 5:2

Wonto nu aadesoosuna Yesuusi Kristosa badenako Wontoy axuse keenge e maxo modhetese e shahaxe nu maaddho. Hatteni ye essaako nu yese. Wonto kuxa fuula shahaxe maaqese nu gobbusutto gobbenako maggana nu cee'utte.

Roomaxituse 8:15

Ye esuna <> hidi ni xheyge e yele esuna hi maaqe Ayaana hi ettosa baaka sekke jhashena yesese maaketowa aange ayaana etto baytako.

Efesoonaxituse 2:18

Yoonase nini lam'i ommay bidzi Ayaanana durkutti ade maaqe Wontoko ni uqesi Kristosanako.

Efesoonaxituse 3:12

Kristosaara bidzo maaddhi esa ni aadesese gisha Wonto buro naassi bidzi muxhurona uqesuko ni danda'e.

2Xhimootoosese 1:7

Wontoy niise indo Ayaanay osani eehani ni keemoronikiyara nimba ni kaforonikiyara e mahesa baaka ni jhashoronike mahuwasso.

Ibraxituse 10:18

Hatte, <> hidi e hido geede cubbo ooxese uqe kaasha ha e geede sekke worgussuwasso.

Ibraxituse 10:35

Hatte hi yesenike eezo keenguwasa Laaxe gobbisine yesuwayte! Eezo keenguwasa Laaxe gobbey keddaydese woomako e keenge.

Ibraxituse 12:28

Ye e gisha ninini en'ese danda'uwa kaateto esaara ni ekke gisha Wonto nu galatteese. E magguse ogena kedda keddaysisiniyara jhashenaara Wonto kuxuse hanta nu hantoose.

Ibraxituse 3:1

Wontoy fedituke xheydese hayla maaqe nuundo nayshito! <> hidi nu hineesuse anxuttasaara kahinituse afana adiyara maaqe Yesuusa maxuwayte.

Ibraxituse 3:6

Kristosamay Wonto zawa axi gara muxhuraxe e maaddhosi hade yeleke maaddhiko. E zawa axitini numbako. Ye esa nu maaqesini nu naasse zeeriyara nu cee'utte gobbowara minsi nu aytakoko.

Ibraxituse 4:16

Ha e gisha axuse modhe maxo keenge kaatiya yese Wonto buro naassi nu uqqeese. Yeysi nu mato geedeko Wontoy numba e maare. Axuse be keenge maxo modhetiyafa densi nuuse maro e worguseniyaka numba marako e mare.

Ibraxituse 7:25

Ye e gisha koolo makkina en'a maaddhi uddi woggaaka nuumeysine Wonto be shi'e gisha be badena Wontoko yooneesita uddi facete keenguwasa loolusesuko e danda'e.

Ibraxituse 9:12

E gellosini degele suuxaara maydaxhe suuxaara etti maaquwasso. Axi koolo makkina wozuttoronike mata beese be suuxuko etti Haylame e Hayla godowaka sekke be lakkuwannike bidziyawo e gello.

Ibraxituse 9:3

Lakkunxo godoy hade gilbake fasshicha maa'o geede yese godoy <> yeydi hisso godoko e maaqicha.

1Yohanisey 4:17

Ye ogena bidzi muxhurona ni eehoronike matiko e yese. Ha saha gara ni yese yesoy hade Kristosa yessoke maaqe gisha yaa'a wonte e buro uqese naassako nu naasse.