Ibraxituse 10:14 - Kille Caaqo

¹⁴ Ye esini haylongeesita bidzi kaashanawo koolo makkinase bidzoni facete keenguwasako e mato.

Ibraxituse 10:14 ပူးပေါင်းရင်းမြစ်များ

Anxuttaasiti 20:32

Hatte Wontoy worguse basuna hinumba maroronike hi gisha Wonto oddeydiko ta shi'e. Esi axuse keenge maxo modhete ohe kato odde maxuwayte. Ha katoy hinumba dicheshaara Wontoy hayla mato axitaara wolko e inge tago nu eforonike mahesaarako.

Anxuttaasiti 26:13

Kuxuttese kaato, ogiyanna ta hangusune surinte saatawwa qoossi fo'e gare fo'e ta beedo. Feditaara wolla hangiya ta yesune nu googiya afaafa e faddho.

Roomaxituse 15:16

Ye e maxo modheteni hade Wonto Hayla Zawa kahineke maaddhi Wonto modhe odo Ayhuda maaquwasituse ohese Yesuusi Kristosa hantaxuko ta maaddhese. Ha e gisha Ayhuda maaquwasiti Ayaana Geeshuna haylondesesaara Wonto magguse kaasha u maaqorosaarako ta hante.

1Qorontoosaxituse 1:2

Qorontoose yese Wonto zawa axituse nu anxe woosso. Hinuni Yesuusi Kristosana haylondi uddi godowa yesine e sunxe xheygeesituseni nuuseni Laaxe maaqe nu Laaxi Yesuusi Kristosana wolko haylaxita maaqesuko hi xheyguttese.

Efesoonaxituse 5:26

Kristosay bemba garsi e indosi Wonto zawa axita be kato badena waaxuna shoti haylonxese wordiko.

Ibraxituse 10:1

Muse wogay buro gara yoone modhe abakita jhememisi beysesa baaka beese ye esa modhussi beysesa maaquwasso. Ha e gisha axiti Wonto kuxese mati mati bera aallo uquse kaashana wogay ye uquse axita facete keenguwasa mahese danda'uwasso.

Ibraxituse 10:10

Kristosay sekke be lakkuwannike bidziyawo be acho kaasha mati uqusese ye Wonto maxo e hantosuna nuni haylondiko yese.

Ibraxituse 10:12

Kristosamay koolo makkinase ellesesa maaqe bidzi kaasha be uqusso geede Wonto oshishaa uttiko e yese.

Ibraxituse 13:12

Ye e gisha Yesuusay axita beese be suuxuna haylonxesuko katamame wude maddhundi e haydho.

Ibraxituse 2:11

Axe haylonxe Yesuusaara haylonge axaaray bidzi ade nayshe u maaqe gisha uso <> yeydi hiyey Yesuusa borsusuwasso.

Ibraxituse 7:19

Aadewo Muse wogay ooneni facete keenguwasa mato baasso. Hattema e badena Wontoko nu uqe gardese gobbo e gara nu gadesi nu gisha bentiko e yese.

Ibraxituse 7:25

Ye e gisha koolo makkina en'a maaddhi uddi woggaaka nuumeysine Wonto be shi'e gisha be badena Wontoko yooneesita uddi facete keenguwasa loolusesuko e danda'e.

Ibraxituse 9:10

Haanxhi uddi esuna aquso kille wogay yoone aallo hantutta wudena bente wogitako. Ye usini miyo gishaara usshi gishaara yeydiwo shoti geeshe gisha maaqe wogitawoko.

Ibraxituse 9:14

Kristosa suuxi waanidini gardese ogena numba e geeshuwaane? Koolo makkina yese Ayaana Geeshi badena bemba dhoha keenguwa kaasha matiko Wontose e uqusso. En'a maaqe Wontose nu hantoronike nu muxhurowa yese haybowa aange hantaafani e suuxi numba geeshako e geeshe.

Yayqoobeyndo 1:1

Yesuusi Kristosa maalaara Yayqoobeyndo na'aara maaqe Yuudakofa. Ade maaqe Wontoy eeti xheydine Yesuusi Kristosana kafutteseesituse uddi anxutta woosso.