Galatiya 5:6 - Kille Caaqo

⁶ Yesuusi Kristosaara wolla bidzo nu maaqusune nu keenge eehaafa densi nu hante hantana nu beyse aadexo baaka gada utteni gada utte dheebeni wooma keenguwasso.

Galatiya 5:6 ပူးပေါင်းရင်းမြစ်များ

1Qorontoosaxituse 13:13

Yoonase aadexoy, gobboy, eehay, ha u haydzi miindiko u yese. Ussaafa garesi eehako.

1Qorontoosaxituse 7:19

Gada utteni maaqqe gada utte dheebey wooma keenguwasso. Wooma keengesimay Wonto woga kafeko.

2Qorontoosaxituse 5:14

Bidziyaka Kristosay uddiyadese e haydhosaara uddiyadeni e haybo shahaxe maaddhosaaray <> hidi nu hidese gisha Kristosay nuuse keenge eehako numba densi durkesa.

Galatiya 3:26

Hi uddina Yesuusi Kristosa hi aadexe gisha hinuni Wonto nayshitako.

Galatiya 3:28

Hi uddina Yesuusi Kristosaara bidzo hi maaqe gisha Ayhudaxituseni Ayhuda maaquwasituseni u gidda maalaseni laaxuseni u gidda asanxuseni maachisheni u giddani abani shahoy baasso.

Galatiya 6:15

Gada utteni maaqqe gada utte dheebey aban maruwasso. Maresi kille meddhutta axe maaqeko.

Efesoonaxituse 6:23

Ade maaqe Wontokofaara Laaxi Yesuusi Kristosakofaara modhetiyara eehaaray aadexowaray wolko indo nayshe maaqe hinuse maaquwaye.

Qollasiyasaxituse 3:11

Ye esuna Ayhuda maaquwasitani maaqqe Ayhudaxita, gada uttaasitani maaqqe gada utto baasita, woga keenguwasita, hade bo'oke yeseesita, maalitani maaqqe maala maaquwasita yeydi hine shahoy baasso. Uddime gardi worguttesi Kristosako, esini uddiyadiyakako e yese.

1Teselonqaxituse 1:3

Ye esini hi aadexowafa densi hi hante hantaseni, hi eehaafa benta hi gafaseni nu Laaxi Yesuusi Kristosase hi keenge gobboy waydese miimo e maaqesani nuuse adiyara Wontowara maaqesi buroko uddhi burse baaka hinumba nu maxe.

Ibraxituse 11:8

Wontoy Abrahaame <> yeydi hidosa e ingete efese yaha e hamoronike Wontoy oto woggaaka aadexona e woosutto. An bade be hangesa ere dheeddakoni <> hidi hissine e hando.

1Phexhrosey 1:8

Yesuusi Kristosa beedo badiko hi eehe. Hatteni esa beye dheeddakoni aadessiko axi zeerdi kessuwa keddaydese maggana hi magge.