Galatiya 3:5 - Kille Caaqo

⁵ Wontoy hinuse be Ayaana e indosaara hi giddaa micushe hanta e hantosaaray woga hi kattosunani oo'oyne modhe odo siidi hi aadexesunaara?

Galatiya 3:5 ပူးပေါင်းရင်းမြစ်များ

Anxuttaasiti 14:3

Usini Laaxi gisha naassi zeerisine laga wonte yaha u dooddo. Wontoy axuse keenge maxo modhete ohe kato odusiya u yecha. Ye odusiya u yechoshi aade maaqesa Laaxi be osa ususe indi micusheshaara du'usesaara u hantoronike mati e addussicha.

Roomaxituse 10:17

Yoonase aadexoy e bentesi modhe odo siyefako. Modhe odoy Kristosa gisha erusutte erunxuko.

Roomaxituse 15:19

Yeysi e matosini Wonto Ayaana osana, yeragitunaara micushe hantanaarako e maaqicha. Ye ogenani Yerusaleemefa Iliwariqoone googe aallo Kristosa modhe odo oti uddi alsiko ta yese.

1Qorontoosaxituse 12:10

Yeydiwo fedaseni micushe hanta e hantoronike osa e inge, fedaseni assi kaayo zeere e zeeroronike e mahe, fedaseni assi ingutta ingiti Ayaana Geeshukofa e maaqesani oo'oyne xhoozukofa e maaqesani shati e eroronike e mahe. Yeydiwo fedaseni kille nuunana e zeeroronike e mahe, fedaseni assi kille nuunana zeeruttesa bircheshe e danda'oronike e mahe.

2Qorontoosaxituse 10:4

Esuna nu dargutte toora miijhey toorase naquttese shuchi deeme woddusese danda'esa Wonto osa keengesa baaka ha saha gara yese axi esuna dargeesuke yesesa maaquwasso.

2Qorontoosaxituse 12:12

Aadena anxuttase ta maaqesa tamba beyse abakoy hinunaara yesine danda'ona ta hanto hantitako. Ye usitini Wonto osa beyseesitaara micushe abakitaarako.

2Qorontoosaxituse 13:3

Ta higiluwasini ta badena zeeresi Kristosa e maaqenike erese ato hi worge gishako. Esi hinuka hantisine osaxuko baaka gafaxe maaquwasso.

2Qorontoosaxituse 3:8

hinne Ayaana Geeshi indo kille caaqoy waydini gardese kuxa fuula e keenguwaane?

2Qorontoosaxituse 9:10

Aylesuse mor'e miyose kaxa inge Wontoy hi ayle mor'e kunsi garsiko e inge, hi gizeteni laga aafe kaxhoronikeko e mahe.

Galatiya 3:2

Hinukofa bidzi basuwoko erese ta worge. Ayaana Geeshe hi ettosi woga kafenani hinuse ohutta modhe odo siidi aadexenaara?