Galatiya 1:4 - Kille Caaqo

⁴ Nuuse ade maaqe Wonto maxoke ha iita sahaafa numba kessese Kristosay nu cubbo gishako biya garsi e indo.

Galatiya 1:4 ပူးပေါင်းရင်းမြစ်များ

Matoose 13:22

Anke dhudha gidda ayluttasi Wonto kato woggasewo siine axuko. Ha saha maxowara wodunte eehaaray e muxhurowa kundi kato u gite, aafe kaxhuwasani e maaqe.

Matoose 20:28

Yeydiwo tani axi yeley ta yoodosi axe maresaara ta yeso garsi indi laga axe taanna wozesaarako baaka axi taa marorosa yoodo baasso>> yeydi e hido.

Matoose 26:28

Ha esi Wonto caaqoy esuna ee'e cubboy attoronike lagituse gukke ta suuxuko.

Matoose 26:42

Lakkunxoni Yesuusay sekke handi <> yeydi e shidho.

Matoose 6:9

Yoonase ha esuke shi'uwayte:

Marqoose 10:45

Beese axi yele hidi hiyuttasini e yoodosi axe maresaara be yeso garsi indi laga axe beenna wozesaarako baaka axi esa marorosa yoodo baasso>> yeydi e hido.

Luqaase 22:19

Sekkeni boora densi Wonto galatti meyssi ususe indi <> hidi e hido.

Luqaase 22:42

<> yeydi Wonto e shidho.

Yohanise 10:11

Modhe yeemaxi tambako. Modhe yeemaxi be yesoko be doritume hissine garsi e inge.

Yohanise 12:31

Ha sahay yaa'uttesi hatteko, ha sahase afana maaga maaqe Humbayey wude kessi e dafuttesi hatteko.

Yohanise 5:30

Tani taase ta adetona abani hantese danda'uwasso. Maaqe baaka adekofa ta siidonikeko ta yaa'e. Tamba ansasi maxo alsese ta worgesa baaka ta maxo alsese ta worguwa gisha ta yaa'e yaa'ay gizoko.

Yohanise 6:38

Ye esini esume afaafa ta hoddhosi tamba ansasi maxo hantese baaka ta maxo hantese maaquwasso.

Roomaxituse 1:7

Rooma katamaa yese hinuse Wontoy eeteseesitusaara hayla axita hi maaqoronike e xheydeseesitusaara uddi ha woossoko ta anxe. Nuuse ade maaqe Wontowara Laaxi Yesuusi Kristosaaray axuse keenge modhe maxowara modhetiyaray hinuse maaquwaye.

Roomaxituse 12:2

Modhiyara maggusesaara yeydiwo facete keenguwasa maaqe Wonto maxoy aba e maaqenike erese hi danda'oronike hi sorge killonxena hinumba arxuwayte baaka ha saha bisshi yessofita.

Roomaxituse 4:25

Wontoy e woga ni gardo gisha Yesuusay hay'oronike garsi e indo. Nimba gizo mahese esa haybowafani e denso.

Roomaxituse 8:27

Ayaana Geeshi haylaxituse Wonto maxowara wolko hangesa Wonto e shi'e gisha axi muxhuro arsi beene Wontoy Ayaana Geeshi maxoy aba e maaqenike erako e ere.

Roomaxituse 8:3

Axi be meddhuttowafa gafaxe maaddhi bentosafa dendasuna wogay mahese dandadho baasa Wontoy beese matiko e yese. Wontoy cubbo keenguwa be yele cubbaxe maaqe axe bishushi cubbose kaasha e maaqoronike anxenako cubbo gara e yaadho. Yeysi be matosuna be yele achona cubbo e oosso.

Roomaxituse 8:32

Wontoy bidzi be yele <> hidi higillo badi uddi nuumeysine garsi be indo geede ye be yele nuuse be indonike esaara wolko uddi base nuuse e ingenike eezuwanxhiko.

1Qorontoosaxituse 15:3

Uddi abakome afana maaqesa taase ta etto geede hinuse zeerdiko ta yecha. Ye esini Hayla Fissharowa e diizuttesenike Kristosay nu cubbo gishako e haydho,

2Qorontoosaxituse 4:4

Ye aadexuwa geriti Kristosa kuxa fuula adduse modhe odo fo'e u beyoroome ha sahase wonto maaqe Humbayey gaxe u keenguwannike matiko e yese. Kristosay Wonto bisha beysesako.

Galatiya 2:20

Tani Kristosaara wolko suxhuttiko ta yese. Yoonase hatte yesesi taa maaquwasso taaka yese Kristosako. Hatteni axe maaddhi ta yese yesoy tamba eeti taameysine biya garsi inda Wonto yele aadexisine ta yeseesunako.

Galatiya 6:14

Nu Laaxi Yesuusi Kristosay e gara suxhutto suxi mixe baaka feday esuna ta cee'uttesi yesoppe. Ye suxi mixi gara tani haydhi ha saha maxo garafa shahuttiko ta yese, ha saha maxoni haydhi ta garafa shahuttiko e yese.

Efesoonaxituse 1:11

Uddi abako beese be maxona hante Wonto maxoke burussiwo <> hidi be hidonike hatteni Kristosa badena e axita maaqesuko ni xharutto.

Efesoonaxituse 2:2

Yenniyaka ha saha geede hangisine miidhaara cubbowarako hi hanticha. Yeydiwo wo afaseni ha sahaseni e gidda yese xhoozaxhese ade maaqesi geedeko hi hangicha. Esini hatte Wontose woosutte inxhadhese axiti garana hantiya yese iita ayaanako.

Efesoonaxituse 5:16

Ha woggay iita maaqe gisha aba woggaakani modhe hantuwayte.

Efesoonaxituse 5:2

Kristosay nimba eetonikiyara Wonto magguse modhe sawwe ingowara kaashaara mati be yeso nuume hissine garsi e indonikiyara hinunini eehana yesuwayte.

Efesoonaxituse 6:12

Esaara wolko nu darguttesi axaara wolko e maaddho baane afaaka yese tuna ayaana tooraxitaarako. Ye usitini ha cencha beraaka hantiyaka yese ahiya yeseesitaara, afana maagitaara ha saha gara yese adeto keengeesitaarako.

Filphisoosaxituse 4:20

Nuuse ade maaqe Wontose koolo makki aallo kuxay maaquwaye, ameen.

1Teselonqaxituse 1:3

Ye esini hi aadexowafa densi hi hante hantaseni, hi eehaafa benta hi gafaseni nu Laaxi Yesuusi Kristosase hi keenge gobboy waydese miimo e maaqesani nuuse adiyara Wontowara maaqesi buroko uddhi burse baaka hinumba nu maxe.

1Teselonqaxituse 3:11

Hatteni hinuko nu hamoronike beese niise ade maaqe Wontowara ni Laaxi Yesuusaaray nuuse oge gizusuwaye.

1Teselonqaxituse 3:13

Laaxi Yesuusay haylaxitaara uddi yooneniyaka nuuse ade maaqe Wonto buro haasse keenguwasaara hayla maaddhiyara hi bentoronike hi muxhuro Laaxi osusuwaye.

2Teselonqaxituse 2:16

Beese nu Laaxi Yesuusi Kristosaara nimba eeti niise be keenge maxo modhetena koolo makki aallo nimba e minxoronike mati modhe gobboni niise inda nuuse ade maaqe Wontowaray

1Xhimootoosese 2:6

Bembani uddiyade wozesa mati garsi e indo. Ye esini Wontoy <> hidi hido beraako e maaddho. Ye ogena axe loolusese beynesa beysiko e yese.

Titose 2:14

Esini iitaafa uddi numba wozese modhe hanta hantese oseydesesaara esusewo maaddhese axitaara nu maaqoronikeko numba geesheme hissine nu gisha bemba garsi e indo.

Ibraxituse 2:5

E gisha zeeriya nu yese buro gara yoone saha Wontoy afaase woosaxi adeto oomo mato baasso.

Ibraxituse 9:14

Kristosa suuxi waanidini gardese ogena numba e geeshuwaane? Koolo makkina yese Ayaana Geeshi badena bemba dhoha keenguwa kaasha matiko Wontose e uqusso. En'a maaqe Wontose nu hantoronike nu muxhurowa yese haybowa aange hantaafani e suuxi numba geeshako e geeshe.

Yayqoobey 4:4

Hinuno Wonto dhaddi fede wontoko handeseesito! Ha saha eetasi Wonto iilaxe maaqesa eruwaytuwa? Aadewoko ha saha eehe worgesi uddi Wontose iilaxuko e maaqe.

1Phexhrosey 2:24

Cubbo ni hantuwannike hade haydhese axuke cubbokofa shahutti gizetena ni yesorosako Kristosay beese be gara ni cubbo iddi suxi mixi gara e suxhutto. Ye e madanako hi loollo.

1Phexhrosey 3:18

Kristosay Wontoko numba uqusese beese gizo maaqisine gizete keenguwa nuume nu cubbo gisha sekke be lakkuwasa bidziyawoko e haydho. Axe be maaqesuna e haydho, ayaana be maaqesuna dendi en'a e maaddho.

1Yohanisey 2:2

Ni cubboy ucutti e baanesi esunako. Ni cubbowo maaddho badi e yesune ha saha gara yese uddi axiti hanto cubboy e ucuttesi esunako.

1Yohanisey 3:16

Eehay aba maaqesa esuna erese ni danda'esi Yesuusay niime hissine bemba garsi e indosunako. Nini niindo nayshume hissine nimba garsi ni ingorosako e worguse.

Yohanise Haraje 5:9

Usini kille zingale zingalisine <

Yohanise Haraje 7:9

Ye e geede hay ooneni taatti alsese danda'uwa iitana laga axita ta beedo. Usini be wude wude yese axitaafa uddi, be ommana ommana yese axitaafa uddi, be biyyana biyyana yese axitaafa uddi, be nuunana nuunana zeere axitaafa uddi kessasitako u maaqicha. Booxi maa'o maadhi be kuchiyakani iille washe ayti uttiya yese kaati burowara dori burowara ee'iya u yecha.