Filphisoosaxituse 2:22 - Kille Caaqo

²² Xhimootoosey taara wolko yeley biyadiyara hantenike modhe odose e hanto gisha muxhuraxe maaddhi e bentesenike erako hi ere.

Filphisoosaxituse 2:22 ပူးပေါင်းရင်းမြစ်များ

Anxuttaasiti 16:2

Xhimootooseni Lisxhraara Iqoniyaara yeseesiti da'aa e nashutticha.

Roomaxituse 5:4

Danda'owafa miimete, miimetiyafa gobboy hidiko bentesa.

1Qorontoosaxituse 16:10

Xhimootoosey hinuko hangeniya esini taanke Laaxi Yesuusa hanta e hante gisha jhashe baaka hinunaara e yesoronike mahuwayte.

1Qorontoosaxituse 4:17

Ha e gisha Laaxuna ta yellese muxhuraxe maaqe ta eehe Xhimootooseko hinuko ta ansese. Uddi be godowa godowa yese Wonto zawaxita eruse eraara wolko hangesa Yesuusi Kristosaara wolko ta yesoy waydi e maaqenikeko hinumba e maxuse.

2Qorontoosaxituse 2:9

Garda woggaa ye woosso hinuse ta diizosi naa'utti beyutti uddi abakona woosuttesa hi maaqesa erese wordiko.

2Qorontoosaxituse 8:22

Assi laga wogga laga bisha hanta e hantoronike u matine oseydi hantese naqutti bentese nu indo na'e usaara wolkoko hay nu anxe. Modhe hi hantenike e eezuwa gisha hatteni oseydi hantese e keenge maxoy burome gardesesako.

2Qorontoosaxituse 8:24

Yoonase aade eeha hi keengenikiyara nuni hinumba nashe nashoy aade e maaqenikiyara seya haya yese Wonto zawaxiti eroronike ususe addusuwayte.

2Qorontoosaxituse 8:8

Ha esa yeydi taynesi hinumba woose maaquwasso. Woosekofa fedeesiti ingese worgenikewo hinuni an aallo ingese hi worgesa wol da'aa gaddi beedi ingese hi worge eehay aade e maaqenike eresuko.

Filphisoosaxituse 1:12

Nuundo nayshito! Ta gara ella zeerena uddi modhe odoy burosumeni gardi e aattonike hi erorosako ta worge.

Filphisoosaxituse 1:16

Ye usiti tani Kristosa modhe odoy aade maaqenike addusese ta maagetesesa be ere gisha eehanako u ohe.

Filphisoosaxituse 1:7

Ta muxhurowaka hi yese gisha yeydi hinuse maxey taase bisheshako. Ye esini ta tufuttoniyakaara modhe odoy aade maaqenike ta addusoniyakaara ye modhe odoy miindi e ee'oronike ta matoniyakaara Wontoy be maxo modhetiyafa taase indo suususe shahaxuko hi maaqicha.

Filphisoosaxituse 2:20

Hi gisha aadena hade taanke maddhundi maxesa Xhimootoose baaka fede axe keenguwasso.

1Xhimootoosese 1:18

Ta na'o Xhimootoose, buro ne gisha ohuttecha kaayo hixa matiko ha woosso neese ta anxe. Ye kaayona naassi oseydi darguttuwa.

1Xhimootoosese 1:2

Hidiko neese Xhimootoosese ha woosso ta diize. Wonto ne aadexe gisha aadewo neni ta yeleko. Ade maaqe Wontowara nu Laaxi Yesuusi Kristosaaray axuse keenge modhe maxoni, maaroni, modheteni neese maaquwaye.

1Xhimootoosese 4:6

Ha esa aadexeesituse ne erussako ni aadexo gisha eruse eraara modhe erunxaara muusine dicciko Yesuusi Kristosase modhe hantaxe ne maaqe.

2Xhimootoosese 1:2

ta eehe ta yele maaqe Xhimootoose ha woossoko diizzi neese ta anxe. Ade maaqe Wontowara nu Laaxi Yesuusi Kristosaaray axuse keenge maxo modheteni, maarowara modhetiyaray neese maaquwaye.

2Xhimootoosese 3:10

Xhimootoose, nenimay erusiya ta yecho era, yesiya ta yecho yesoni, maxiya ta yecho maxoni, ta aadexoni, ta danda'oni, ta eehani, ta miimeteni erako ne ere.

Titose 1:4

Tani aadexenike ne aadexeesuna aadena ta yele maaqe Tito neesuko ha woosso ta anxe. Ade maaqe Wontowara numba loolusase maaqe Yesuusi Kristosaaray axuse keenge modhe maxowara modhetiyaray neese maaquwaye.