Filphisoosaxituse 1:27 - Kille Caaqo

²⁷ Hatte Kristosa modhe odose e bishenike yesuwayte. Yeydi hi yessako yoodi hinumba ta beedakoni zara yesine hi odo ta siidakoni modhe odowafa siidi hi aadexe aadexose hade bidzi axukeydi kardutti bidzi muxhurona miindi hi ee'enike erako ta ere.

Filphisoosaxituse 1:27 ပူးပေါင်းရင်းမြစ်များ

Matoose 12:25

Yesuusani u maxo erdi <

Anxuttaasiti 2:46

Uddi wonteni bidzi muxhurona Wonto Hayla Zawa qeyshi giddaa u bhikkilutticha, wol zawa hanti Laaxi qamete u muucha, maggisine geeshi muxhurona yesine be kaxa u muucha.

Anxuttaasiti 24:24

Oddhe wonte geede Filikoosey Darusilla sunge Ayhudaxhiyo maaqe be machiyara e yoodo. Phawloseni xheygussi Yesuusi Kristosana aadexo gisha e ohusune haysi e siido.

Anxuttaasiti 4:32

Aadesi yechashitini bidzi muxhurona bidzi maxona u yecha, u keengicho abakoy uddi kooxewo e maaqichosha baaka yesesaafa bidzi axi <> yeydi hinesi badiko yecha.

Roomaxituse 1:16

Modhe odona borsuwasso! Ye modhe odoni burona Ayhudaxiti giddaafa sekkeni Ayhuda maaquwasiti giddaafa Wonto aadexeesita uddi looluse Wonto osako.

Roomaxituse 1:5

Wontoy be maxo modhetiyafa dendasuna Kristosa badenako anxuttase maaddhi ta hantoronike taa e mato. Yeysi e matosunako Kristosa sunxi gisha uddi ha saha gara yese axiti Wonto aadexoronikiyara esuse u woosuttoronikiyara mahese ta hante.

Roomaxituse 1:9

Wonto ta shi'eniyaka uddi wogga burse baaka hinumba ta maxenike e yelese ohe modhe odo gisha erusisine bidzi muxhurona esuse ta hante Wontoy taase atoko.

Roomaxituse 10:8

Maaqe baaka <> yeydiko dizzutti e yese. Ye katoni ohiyaka nu yese aadexo gisha zeere katoko.

Roomaxituse 15:16

Ye e maxo modheteni hade Wonto Hayla Zawa kahineke maaddhi Wonto modhe odo Ayhuda maaquwasituse ohese Yesuusi Kristosa hantaxuko ta maaddhese. Ha e gisha Ayhuda maaquwasiti Ayaana Geeshuna haylondesesaara Wonto magguse kaasha u maaqorosaarako ta hante.

Roomaxituse 15:29

Hinuko ta hamoroniyaka Kristosay inge suuse e kumena hinuse etti ta hangenike erako ta ere.

1Qorontoosaxituse 1:10

Nuundo nayshito! Hi zeeresi bidzi bisha maaquwaye baaka hi giddaaka shahoy yessoppe. Hi uddina wolla kundi bidzi muxhuronaara bidzi maxonaara miindi yesuwayte hissineko nu Laaxi Yesuusi Kristosa sunxuna hinumba ta shi'e.

1Qorontoosaxituse 15:58

Yoonase ta eehe nuundo nayshito! Miindi ee'uwayte, bidzi abakonani sekke hanke hidofita, Laaxi hantase hi gakkesi yaho e maaquwasa erdi uddi woggaa Laaxi hanta hantese oseywayte.

2Qorontoosaxituse 13:11

Yoonase nuundo nayshito, modhena yesuwayte, facete keenguwasa maaqese karduttuwayte, ta otosani siwwayte, bidzi maxona yesuwayte, wolla modhetena yesuwayte. Hikketeko eehaara modhetiyara inge Wontoy hinunaara wolko e yese.

2Qorontoosaxituse 4:4

Ye aadexuwa geriti Kristosa kuxa fuula adduse modhe odo fo'e u beyoroome ha sahase wonto maaqe Humbayey gaxe u keenguwannike matiko e yese. Kristosay Wonto bisha beysesako.

2Qorontoosaxituse 9:13

Miijhe ingena hi mare maroy Kristosa gisha ohe modhe odo etti woosutteesita hi maaqenikiyara ususaara fedeesitusaara ingesa hi maaqesaara e beyse gisha be uddinako Wonto u galate.

Galatiya 1:7

Hi buro bayseesitaara Kristosa gisha ohe modhe odo arxese worgeesitaaray bidzi bidzi axiti u yesesa baaka aadewo fede modhe odoy baasso.

Efesoonaxituse 1:13

Assi hinunini aade gisha ohe kato ye esini hi maaruttesenike hinuse ohe modhe odo hi siido woggaaka Kristosa aadessiko hi yese. Esuse hi maaqoronike addusese Wontoy hinumba be gobbusecho Ayaana Geeshe hinuse indiko yese.

Efesoonaxituse 1:15

Ye e gisha Laaxi Yesuusa hi aadexenikiyara haylaxita uddi waysi hi eehenikiyara ta siidese gisha

Efesoonaxituse 4:1

Yoonase, Laaxuse ta hante gisha tufuttese tani hi xheyguttese xheysuse bissheshesha maaddhi hi yesoronikeko hinumba ta shi'e.

Filphisoosaxituse 2:12

Ta eehe ta badito! Hinunaara ta yechoniya uddi wogga hi woosuttichonike hatteni hinunaara wolko ta yesunewo e maaddho baanne fetto hinunaara wolla ta baa woggaakani hi bidzi bidzina hi ettese loolo hanta gara feyssheshe Wonto jhashishiniyara kobursiniyara miindi hantuwayte.

Filphisoosaxituse 2:24

Fetto tanini taannani hinuko ta hangenike Wontoy taa marenike eezo keenguwasso.

Filphisoosaxituse 3:18

Ye esini ha esume buro laga wogga hinuse oti hatteni higilli yeekisine hinuse ta ohenike laga axiti be yesona Kristosay suxi mixi gara e haydhoosuse iilaxita maaddhiko u yese.

Filphisoosaxituse 3:20

Nuusema nu wudey afaako, yahafa yoonesako nuu loolusesa orje sazana nu kakke. Esini Laaxi Yesuusi Kristosako.

Filphisoosaxituse 4:1

Ta eeheesitaara ta sazzeesitaara maaqe nuundo nayshito! Tamba maggusako hi magguse, hinunnanako ta cee'utte. <> yeydiko hinumba ta hine.

Qollasiyasaxituse 1:10

Yeydi e maaqo'ayko Laaxuse yese e worgusenike yessiko uddi ogena Laaxe hi magguse, laga bisha modhe hanta hanti aafe beysenaara Wonto erenaara diceshe hi danda'e.

1Teselonqaxituse 3:6

Hattema Xhimootoosey hinukofa hanke nuuko yoodi hi aadexo gishaara hi eeha gishaara magguse odo e otinne siidiko nu yese. Yeydiwo numba keddaysi maxiya hi yesenikiyara nuni hinumba saziya yese makko hinunini numba saziya yesesaarako esukofa nu siido.

1Teselonqaxituse 4:1

Nuundo nayshito! Wonto maggusese waydi yese hinumba e worgusenike erusiko nu yese. Aadewo hinuni Wonto maggusisine yesiyako hi yese. Aalliciraaka Laaxi Yesuusana hinumba odde hidi nu hinesaara hinumba nu minxesaaray ha esume gardese ogena Wonto hi maggusorosako.

1Xhimootoosese 1:11

Ha gizo erunxi kuxa fuula keenge modhe odowara wola efako ekke. Ye esini axiti esa kedda kedda hise Wontokofa axituse ta ohoronike taako odde hissine inguttesesako.

1Xhimootoosese 1:19

Ne aadexo dattofuna, ne muxhurowa <> hidi hinesa keenguwasa yesuwa. Bidzi bidzi axiti be muxhurowa <> hidi hineesuse woosutte dheeddiko bidzi iita abakoy e gara ellese markabeke maaddhi be aadexo u woddusso.

2Xhimootoosese 4:7

Modhe kardoko ta kardutto, ta woxeni woxxhi alsiko ta yese, ta aadexoni kattiko ta yese.

Titose 2:10

u miijhe u kaysuwannike uso erusuwa. Ye esukofa feday u hanta uddi beedi numba maarda Wonto erunxe axi kuxoronike bidzoni zaade keenguwa aadaxe u maaqoronike uso erusuwa.

Yayqoobey 3:18

Naqowara modhetiyaray yesoronike hanteesiti modhete ayliko gizete aafe u bhikkille.

2Phexhrosey 3:11

Yoonase, uddi abakoy ha e bishana baanesa e maaddho geede hine hinuni haylontenaara Wonto jhashenaara yesey waanidi hinuse e bishuwaane?

2Phexhrosey 3:14

Yoonase, ta eehe ta badito, ha esi uddi maaqe wonta kakkisine modhetena haasse keenguwa geeshe maaddhi hi yesune Laaxi hinumba degexoronike oseydi hantuwayte.

Yayqoobeyndo 1:3

Ta eehe ta badito! Ni uddina haybowafa Wontoy nimba waakeysi e maardosa hinuse diizese orjena wordiko ta yecha. Worguwamba baaka haylaxituse sekke be lakkuwasa bidziyawo ingutta aadexose hi karduttoronike hinumba osusese hinuse ta diizoronike taase orjena worgusesa maaddhi bentiko e yese.