Filphisoosaxituse 1:26 - Kille Caaqo

²⁶ Tanini sekke hinunaara yesune ta gisha Yesuusi Kristosana keddaysiko hi magge.

Filphisoosaxituse 1:26 ပူးပေါင်းရင်းမြစ်များ

Yohanise 16:22

Ye esuke hattey hinuse maddhaara higilsaarako. Maaquwaye baaka sekkeko hinunaara ta muhe, yenniyani maggako hi magge, hi magga baysese danda'esi baasso.

Yohanise 16:24

Hatte aallo ta sunxuna abani shidhobaytako. Hi maggay facete keenguwasa maaqoronike Wonto shi'uwayte, efako hi ekke.

2Qorontoosaxituse 5:12

Modhe hantaxe nu maaqenike sekke hinuse ohe e maaddho baanne nuunna cee'uttese hi danda'oronikeko hinumba nu mahe. Yenniya muxhurowa yese abakona e maaddho baanne wudena bente abakona cee'utteesituse sekke e baliya mahesuko hi danda'e.

2Qorontoosaxituse 7:14

Tito buroko hinumba ta nasshecha. Hinunini taa borsusobaytako. Uddi wogga aadewo hinuse nu otonike Titoko hinumba ta nasshoshi aade maaddhi bentiko e yese.

2Qorontoosaxituse 7:4

Hi gara eezo keenguwasso, hinunnanako orjena ta cee'utte. Yeydiwo orjenako ta miindese, ta oseydese, maddhaakani yesineni orjenako ta magge.

2Qorontoosaxituse 7:6

Hidakoni higile axita minxe Wontoy Tito yoowenako numba e minso.

Galatiya 6:4

Be bidzi bidzina axi be hanta arsi beewaye. Yenniyani be hantaafako esuna be cee'uttesa e degexe. Fedaara wol badiya bemba gaddi beye worgusuwasso.

Filphisoosaxituse 3:1

Nuundo nayshito! Yoonase aalliciraaka hinuse ta hinesi Laaxuna magguwayte. Hi haluwannike hinumba e mahe gisha ye buro ta diizechosha sekke hinuse diizese belxheywasso.

Filphisoosaxituse 3:3

Aadena gada uttesesi numbako. Ayaana Geeshuna Wonto kuxesaara wude yese wogana e maaddho baane Yesuusi Kristosana cee'uttesaara maaqe nunini aadena gada utti yesesako.

Filphisoosaxituse 4:10

Laga wogga geede sekke ta maddhase maxe hi ayto gisha Laaxuna orjenako ta magge. Aadewo hantana beysese godo keenguwadi hi yechosha baaka maxema tamba maxiyako hi yecha.

Filphisoosaxituse 4:4

Uddi woggaa Laaxuna magguwayte! Assiko hinuse ta ohe, magguwayte.