Efesoonaxituse 6:23 - Kille Caaqo

²³ Ade maaqe Wontokofaara Laaxi Yesuusi Kristosakofaara modhetiyara eehaaray aadexowaray wolko indo nayshe maaqe hinuse maaquwaye.

Efesoonaxituse 6:23 ပူးပေါင်းရင်းမြစ်များ

Yohanise 14:27

Modhetey hinukaaka yesoronikeko hinuse ta dhagge. Taakofa kese modheteko hinuse ta inge. Tani hinuse inge modhetey ha sahay hinuse inge modhete bisha maaquwasso. Hi muxhuroy hooddofe, yeydiwoni jhasshofita!

Roomaxituse 1:7

Rooma katamaa yese hinuse Wontoy eeteseesitusaara hayla axita hi maaqoronike e xheydeseesitusaara uddi ha woossoko ta anxe. Nuuse ade maaqe Wontowara Laaxi Yesuusi Kristosaaray axuse keenge modhe maxowara modhetiyaray hinuse maaquwaye.

Roomaxituse 15:33

Modhete inge Wontoy hi uddiyara wolko yesuwaye. Ameen.

1Qorontoosaxituse 1:3

Nuuse ade maaqe Wontowara Laaxi Yesuusi Kristosaaray axuse keenge modhe maxowara modhetiyaray hinuse maaquwaye.

2Qorontoosaxituse 13:11

Yoonase nuundo nayshito, modhena yesuwayte, facete keenguwasa maaqese karduttuwayte, ta otosani siwwayte, bidzi maxona yesuwayte, wolla modhetena yesuwayte. Hikketeko eehaara modhetiyara inge Wontoy hinunaara wolko e yese.

Galatiya 5:6

Yesuusi Kristosaara wolla bidzo nu maaqusune nu keenge eehaafa densi nu hante hantana nu beyse aadexo baaka gada utteni gada utte dheebeni wooma keenguwasso.

Galatiya 6:16

Ha ohuttaasuna yeseesitusaara Wontose maaqe Isra'eelaxitusaara modhetiyara maaruwaray maaquwaye.

Efesoonaxituse 6:24

Buruwa eehana nu Laaxi Yesuusi Kristosa eeheesituse uddi Wontoy axuse keenge maxo modhetey maaquwaye.

1Teselonqaxituse 5:8

Nunimay fo'e axita nu maaqe gisha gizo maxona nu yesseese, aadexowara eehaara hade toora maa'oke nu maa''eese. <> yeydi hine gobbo hade toora gulleke nu qinowa nu gaddeese.

2Teselonqaxituse 1:3

Nuundo nayshito! Wonto shi'isine uddi woggaa hinumba massi Wonto galatey nuuse worgusesako. Ye esini hi aadexoy diciya yese gishaara hi uddina wola eehiya hi yese gishaarako.

2Teselonqaxituse 3:16

Eehaara modhetiyara inge Laaxi beese uddi abakona uddi woggaa hinuse modhete inguwaye. Laaxi hi uddiyara wolko yesuwaye.

1Xhimootoosese 1:14

Wontoy be eehaafa dendasuna axuse e keenge maxo modhetey taase keddaydi e laddo. Yesuusi Kristosaara wolko ta keenge bidzetona maaddhasuna esa ta aadexoronikiyara ta eehoronikiyara e mato.

1Xhimootoosese 1:3

Maqadooniya hangisine neese odde hidi ta hidonike Efesooniyaka uttuwa. Yaaka bidzi bidzi axiti zaade era erusiyako u yese. <> hidi ususe minsi ohuwa.

1Xhimootoosese 5:8

Be iginituse fetto be zawa axituse worguse abako mahuwasi be aadexo dattiko e yese. Wonto aadexuwasitumeni gardese iitako.

1Phexhrosey 5:14

Indo nayshukeysi wola muuxxhi wola sawusuwayte. Kristosaara bidzo maaddhese hi uddise Wonto modhetey maaquwaye.

3Yohanisey 1:14

Ukkeko nemba ta beyeydi hiyaka ta yese gisha yenniyako deemona wola muti ni zeere.

Yohanise Haraje 1:4

Yohanisekofa Isiya wudiyaka laappi godowa yese Wonto zawaxituse anxutta woosso. Yesesa, yechashe, yoonesa maaqe Wontokofani kaatiya yese Wonto burowa yese laappi Ayaanitukofani yeydiwo be ettonikewo aade ohesaara haydhasitukaafa burona dendesaara saha gara yese kaataxhe gara kaatesaara maaqe Yesuusi Kristosakofani axuse keenge modhe maxowara modhetiyaray hinuse maaquwaye. Numba eetasusaara nu cubbowafa numba be suuxuna shawo kessa