Efesoonaxituse 5:26 - Kille Caaqo

²⁶ Kristosay bemba garsi e indosi Wonto zawa axita be kato badena waaxuna shoti haylonxese wordiko.

Efesoonaxituse 5:26 ပူးပေါင်းရင်းမြစ်များ

Yohanise 13:10

Yesuusani <> yeydi e hido.

Yohanise 15:3

Ha ta zeerdo zeeriyafa dendasuna hatte hinuni naquttese geeshitako.

Yohanise 15:8

Laga aafe hi kaxhakowara taara yeseesita hi maaddhakowara ye esunako nuwadey e kuxutte.

Yohanise 17:7

Taako ne indosi uddi neekofa e maaqenike hatte erako u ere.

Yohanise 3:5

Yesuusani <

Anxuttaasiti 22:16

Hinne ame hatte ne doogge? Dendi e sunxe xheydi xhamaquttuwa! Ne cubbowafa shohuttuwa!> yeydi e hido.

Anxuttaasiti 26:18

U aafey beyorosa mati cenchaafa fo'iya ne garxorosa Humbaye adeto oomowafa Wontoko ne mahorosako nemba ta anxe. Yenniyani usi be cubbowafa u maarutte, taanna be aadesoosunako haylondeseesiti giddaani beese godo u degexe> yeydi e hido.

Roomaxituse 10:8

Maaqe baaka <> yeydiko dizzutti e yese. Ye katoni ohiyaka nu yese aadexo gisha zeere katoko.

1Qorontoosaxituse 6:11

Hinukafani bidzi bidziti yeenke yesesako hi maaqicha. Hattema Laaxi Yesuusi Kristosa sunxunaara nu Wonto Ayaananaara cubbowafa shohuttiko hi yese, Wontose shahuttese hayla axita maaddhiko hi yese, gizete degessiko hi yese.

2Qorontoosaxituse 11:2

Wontoy hinuse karduttenike tanini hinuse karduttoko kardutte. Hinuse ta karduttesini hade biya kattese woduroy bidzi na'use aykuttenike Kristosase hinumba ta aytese gisha e garafa hi atteesumeko.

Efesoonaxituse 6:17

Yeydiwo Wontoy hinuse matese loolo modhussi aykuwayte. Toorase qinowa gadusso gulley qino kakkenike ye looloy hinumba kafako e kakke. Ayaana Geeshi satata maaqe Wonto kato gixhuwayte.

Qollasiyasaxituse 3:16

Kristosa gisha zeere katoy be uddina hi muxhurowa yesuwaye. Gaxuna uddi wola erusuwayte, wolani muruwayte. Be bishana bishana yese zingalena Wonto hi muxhurowanna galatisine zingaluwayte.

Titose 2:14

Esini iitaafa uddi numba wozese modhe hanta hantese oseydesesaara esusewo maaddhese axitaara nu maaqoronikeko numba geesheme hissine nu gisha bemba garsi e indo.

Ibraxituse 10:10

Kristosay sekke be lakkuwannike bidziyawo be acho kaasha mati uqusese ye Wonto maxo e hantosuna nuni haylondiko yese.

Ibraxituse 10:14

Ye esini haylongeesita bidzi kaashanawo koolo makkinase bidzoni facete keenguwasako e mato.

Ibraxituse 10:22

nu geejhoronike <> yeydi nu muxhurowa hinesa ooxese suuxi kaashashe shakkuttenike nu muxhurowa shati ni gara modhe waaxuna shoti aadena kundese muxhuronaara bidzoni facete keenguwa aadexonaara Wontoko nu uqqeese.

Ibraxituse 10:29

Hine Wonto yele haassi e gara cuttaseni maaqqe esa hayla mahe caaqoy esuna ee'e suuxe acheysha abakokeysi beedasi yeydiwo Wontoy axuse be keenge maxo modhetiyafa densi axuse e indo Ayaana Geeshe casshashi waakeydi ye esume gardese yaa'ay e gara yoonesa ye esa eruwaytuwa?

Ibraxituse 13:12

Ye e gisha Yesuusay axita beese be suuxuna haylonxesuko katamame wude maddhundi e haydho.

Ibraxituse 4:12

Wonto katoy en'aara hantesaarako. Lam'i bade nuuna keenge satatame gardese nuunaxuko. Satatay xhabhowara abbiyara bursi wol garafa shahenike Wonto katoy axi be axeto giddaa keengesa uddi base shati eresako. Muxhuro giddaa aachutti yese maxowara col'aara modhussi arsi beedi yaa'esako.

Ibraxituse 9:14

Kristosa suuxi waanidini gardese ogena numba e geeshuwaane? Koolo makkina yese Ayaana Geeshi badena bemba dhoha keenguwa kaasha matiko Wontose e uqusso. En'a maaqe Wontose nu hantoronike nu muxhurowa yese haybowa aange hantaafani e suuxi numba geeshako e geeshe.

Yayqoobey 1:18

Meddhowafa angusse nu maaqoronikeko beese be maxoke aade ohiya yese be katona numba e yello.

1Phexhrosey 1:2

Ade maaqe Wontoy hinumba e xhardosi burowo <> hidi be hidechonikeko. Ayaana Geeshuna haylaxitako hinumba e mato. Yeysi e matosi Yesuusi Kristosase hi woosuttoronikiyara e suuxuna hi geejhoronikiyarako. Wontoy axuse keenge modhe maxowara modhetiyaray hinuse laguwaye.

1Phexhrosey 3:21

Ye waaxini hatte hinumba looluse xhinqate bishako. Xhinqatey axhuma be garafa shoti ooxe e maaddho baane Wontoy bemba maarete geejheshe be muxhurona yesese Wonto shi'eko. Xhinqatey e loolusesi Yesuusi Kristosay haybowafa dendosunako.

2Phexhrosey 1:9

Ha ohuttasuna yesuwa aximay zara yesesa beyese danda'uwasa oo'oyne bal'ako. Buro be keengicho cubbowafa be geejhoshani bottiko e yese.

1Yohanisey 5:6

Waaxunaara suuxunaara yoodasi Yesuusi Kristosako. E yoodosini waaxunaara suuxunaara baasa waaxunawo maaquwasso. Ayaana Geeshi aade be maaqe gisha ha esi aade maaqenikeko e ateyne.

Yayqoobeyndo 1:1

Yesuusi Kristosa maalaara Yayqoobeyndo na'aara maaqe Yuudakofa. Ade maaqe Wontoy eeti xheydine Yesuusi Kristosana kafutteseesituse uddi anxutta woosso.