Efesoonaxituse 4:12 - Kille Caaqo

¹² E indosi Kristosase e gara maaddhi yese Wonto haylaxita maaqe numba nu dichoronike Wonto zawa hanta nu hantoronike naddhiko.

Efesoonaxituse 4:12 ပူးပေါင်းရင်းမြစ်များ

Luqaase 22:32

Tani yenniyaka ne aadexoy baaneesume ne gisha Wonto shidhiko ta yese. Neni higilli hanke taako ne maaddho geede neyndo na'axhe minxuwa!>> hidi e hido.

Anxuttaasiti 1:17

Yuuday nuura bidzo maaddhi nu hante hantase shahaxuko e maaqicha>> hidi e hido.

Anxuttaasiti 11:23

Esini handi Wontoy be maxo modhetena ususe hantosa be beedoniya maddi be uddina bidzi muxhurona Laaxuna miindi u yesorosa uso e osusso.

Anxuttaasiti 20:24

Gafiya ta yese gafani ye esini Laaxi Yesuusay ta hantoronike indo hanta ta alsoro aallo ta lubbose bidzoni hoodduwasso. Ye ta hantani Wontoy axuse keenge maxo modhete adduse modhe odo oheko.

Anxuttaasiti 20:28

Ayaana Geeshi Wonto bade maaqeesita uddi hi kaforonike hinumba maagessiko e yese. Yoonase hinunaara axitaara modhussi kakkuwayte! Laaxi beese be garafa gutta suuxuna e wozzo Wonto zawa axita kakkuwayte.

Anxuttaasiti 9:31

Yuuda wude, Galila wude Samariya wude yese Wonto zawa axiti modhena u yeso, u osaxho. Wonto jhashishiniyara Ayaana Geeshuna oseysiniyara hangisine u taafoy laddo.

Roomaxituse 12:5

Ye esuke nini laga maaqisine Kristosana bidzi garako. Be sunxuna sunxuna yese nini wol gara sifuttiko ni yese.

Roomaxituse 12:7

feda mare e maaqo'aykoni maro gara oseywaye, erusesa maaqo'aykoni be eruse gara miinguwaye,

Roomaxituse 14:19

Yoonase wolko modhetena nu yesoronikiyara wola nu dichoronikiyara nu karduttoose.

Roomaxituse 15:14

Nuundo naysho! Hinuni hinuse orjena modhe axita hi maaqesa uddi erana kundesesaara wol maxo siidi efese danda'esaara hi maaqesani eezuwasso.

Roomaxituse 15:2

Nu bidzi bidzina fede axita u miimoronike uso go'ese magguse abako nu hantoose.

Roomaxituse 15:29

Hinuko ta hamoroniyaka Kristosay inge suuse e kumena hinuse etti ta hangenike erako ta ere.

1Qorontoosaxituse 12:27

Yoonase, hinunini Kristosa garako, hi bidzi bidzinani e gara shahitako.

1Qorontoosaxituse 12:7

Wontoy uddiyade go'esuko uddiyadiyaka Ayaana Geeshi hantenike beysesa e indo.

1Qorontoosaxituse 14:12

Hinunini Ayaana Geeshi ingita orjena hi worge gisha hinuse e lagorosa keddaysi col'e hinumba e worgusesi aadexeesita diche ingitako.

1Qorontoosaxituse 14:14

Ye esini kille nuunana Wonto ta shi'eniya Wonto Ayaanay ta muxhurowanna shi'oko e shi'e, ta sorgemay aykuwasso.

1Qorontoosaxituse 14:26

Nuundo nayshito! Yoonase am hante e worguse? Wonto kuxese hi bhikkilutteniya hinukafa bidzi zingale e zingale, feday erunxe e eruse, feday Wontoy esuse beyse abakoko e adduse, fedani kille nuunana e zeere, fedani assi ye kille nuunana zeeruttechashe e birche. Yebo, ha esiti uddi aadexeesita dichesha maaqeko e worguse.

2Qorontoosaxituse 12:19

Hatte aallo nu zeeresi nu gara yoone zeere tuceshe nu zeeresako hinumba e bishe? Yeydi maaquwasso. Nu eehe nu badito! Kristosa hantaxe nu maaqesuna Wonto buro hinuse nu hantesi hinumba dicheshe wordiko.

2Qorontoosaxituse 13:11

Yoonase nuundo nayshito, modhena yesuwayte, facete keenguwasa maaqese karduttuwayte, ta otosani siwwayte, bidzi maxona yesuwayte, wolla modhetena yesuwayte. Hikketeko eehaara modhetiyara inge Wontoy hinunaara wolko e yese.

2Qorontoosaxituse 13:9

Nuni gafaxe maaqusune hinuni osaxe maaddhako maggako nu magge. Assi Wonto nu shi'esini facete keenguwasa hi maaqorosako.

2Qorontoosaxituse 3:8

hinne Ayaana Geeshi indo kille caaqoy waydini gardese kuxa fuula e keenguwaane?

2Qorontoosaxituse 4:1

Yoonase Wontoy be modhetena ha hanta nu hantoronike e mato gisha gobbo bursuwanxhiko.

2Qorontoosaxituse 5:18

Ha esini uddi e maaddhosi Wontonako. Esini Kristosa badena numba beera wolko naddhi esaara wolko axe nu naqoronikeko e mato.

2Qorontoosaxituse 6:3

Wontose nu hante hantay haassutteesume ooneseni dhumo maaqe worguwanxhiko.

2Qorontoosaxituse 7:1

Yoonase ta eehe ta badito! Haanxhi uddi numba gobbusso gisha bente nu achowara bentuwa nu oonuntiyara tunuse uddi abako garafa numba nu geesshooshe. Wonto jhasshishine nu haylonte bidzoni facete keenguwasa nu mahheese.

Efesoonaxituse 1:23

Wonto zawaxiti Kristosa garako. E kumetey usukaanna bentesako, esini uddi abakowa kundesesako.

Efesoonaxituse 4:16

Kristosanako be sunxuna sunxuna yese nu garay hanke wol gara e ayke. Gara kaatita hanke wol gara muhusesi esako. Garay be bidzi bidzina beese shahutti inguttese hanta hantisineko be kumena e dice, eehanani e oseyne.

Efesoonaxituse 4:29

E worgusenike fedeesita dicheshaara siineesita go'e katowara baaka iita katoy fetto hi nuunaafa kessoppe.

Efesoonaxituse 4:4

Hi xheygutto wogga bidzi gobbose hi xheyguttesenike hinuni bidzi garako, bidzi Ayaanako hi keenge.

Qollasiyasaxituse 1:24

Hatte hi gisha essa ta yese maddhana maggako ta magge. E gara maaddhi yese Wonto zawa axitume hissineko Kristosa maddhaafa facechashe ta acho maddhana kunsi ta alse.

Qollasiyasaxituse 1:28

Axi be bidzi bidzina Kristosana uuxha axe maaqoronike mahese laga gaxuna uso shi'isiniyara erusisiniyarako Kristosay oone maaqenike nu eruse.

Qollasiyasaxituse 4:17

Arkiphaasekoni < hidiko e otese>> hidi ohuwayte.

1Xhimootoosese 1:12

Muxhuraxe taa mati esuse ta hantorosa tamba maagessi osa taase inda nu Laaxi Yesuusi Kristosay galatuttuwaye.

2Xhimootoosese 4:11

Luqaase goshewoko taara wolko yesa. Marqoosey tamba laga basuna marese e danda'e gisha ne yooworoniyaka neera etti yoowwa.

2Xhimootoosese 4:5

Neesema neni uddi basi zeere e worgusenike hante toyya axe maaquwa, maddhani danda'uwa, modhe odo oheesiti hantenike nenini hantuwa, Wontoy neese indo hanta uddina hantuwa.

Ibraxituse 13:17

Hinumba durkeesituse woosuttuwayte, u adeto oomo yesuwayte. Ye esini Wontoy hanta waydi u alsonike uso oyce gisha hi lubbo kafesuko u kardutte. Hinuni ususe woosutto'ayko usi be hantako maggana u hante. Yeydi maaqe e dheeba'ayko be hantesa higilsineko u hante. Ye esini hinumba maruwasso.

Ibraxituse 6:1

Yoonase Kristosa gisha erusutta acha erunxe yaha gaddi nu buro gara handi uuxhesesa nu maaqqeese! Haybowa aange cubbo hanta gishaara Wonto aadexe gishaara, yeydiwo xhinqate gisha, be kuche Wonto sunxuna axi gara gade gisha, haybo denxo gishaara koolo makkinase yaa'utte yaa'a gishaara sekke mati erusisine kaachuttese kaacho sekke mati kaache nu dheebbeese!