Anxuttaasiti 7:38 - Kille Caaqo

³⁸ Saha melaakani bhikkiluttese axiti lagaara yechashi Museko. Sinna bakkaa zeerdecha Wonto woosaxaara yeydiwo nuwadiyaxhitaara wolko yechashi Museko. Wontokofa yeso inge kato nuuse etti garsasi esako.

Anxuttaasiti 7:38 ပူးပေါင်းရင်းမြစ်များ

Yohanise 1:17

Wonto wogay Muse badenako e ingutto. Wontoy axuse keenge maxo modhetiyara aadiyaramay Yesuusi Kristosa badenako e bento.

Yohanise 6:63

Yeso ingesi Wonto Ayaanako. Axi osamay abani go'ese danda'uwasso. Tani hinuse zeerdo katoy Ayaana ingesako, yesoni ingesako.

Anxuttaasiti 7:30

Oyddi tammi bera geede Wonto woosaxi Sinna bakka da'aa yese saha melaa eexhiya yese mixi dushuraaka tama looxhena e bento.

Anxuttaasiti 7:35

Isra'eelaxiti buro Muse yeydi u hidecha. Esa u inxhadhechoyne Wontoy eexhiya yecha mixi dushuraaka esuse benta be woosaxi badena ahesaara maaketowafa kessesaara mati sekke usuko ye Museko e anso.

Anxuttaasiti 7:53

Wonto woosaxituna woga hi ettosa baaka ye woga katto baytako>> yeydi e hido.

Roomaxituse 3:2

Ayhudaxe maaqey laga ogenako e go'e. Bidzoydi hiyuttesi Wontoy be kato ususe <> hissine e indosako.

Roomaxituse 9:4

Ta iginiti Isra'eelaxitako, Wontoy xhardi uso be nayshe e mato, be kuxa fuulani ususe e addusso. Ususe abako be hantenike e caadho, esuna u yese be woga e indo, aade ogena bemba u kuxoronike beysi usoni e gobbusso.

Galatiya 3:19

Hine wogay inguttosi abasuwa? Wogay inguttosi Abrahaamekofa yeluttarasi Wontoy esa gobbusesesi bente aallo iita hantay aba maaqesa beysesuko. Wogay inguttosi woosaxi badena feeqaaka sekke hanke hante bidzi axunako.

Ibraxituse 2:2

Afaase woosaxi badena ohutta katoy artuwasa maaddhiko e yese. Ye katoy otonike yesso baasitusaara esuse woosutto baasitusaara ususe bishe yaa'ay u gara yaa'uttiko yese.

Ibraxituse 4:12

Wonto katoy en'aara hantesaarako. Lam'i bade nuuna keenge satatame gardese nuunaxuko. Satatay xhabhowara abbiyara bursi wol garafa shahenike Wonto katoy axi be axeto giddaa keengesa uddi base shati eresako. Muxhuro giddaa aachutti yese maxowara col'aara modhussi arsi beedi yaa'esako.

Ibraxituse 5:12

Galala wogga aallo modhe odo hi siidese gisha axe erusesa maaqe hinumba e worgusichoyne hatte hade acha hi siidecho Wontokofa maaqe erunxe sekke mati hinumba eruseko e worgusso. Hinuse e worgusesesi uuxha axi muune kaxa e maaddho baane maaxuko.

1Phexhrosey 4:11

Wonto kato ohesi ooneni Wontoy beese esukaana ohesa maaqenike gaxhisine ohuwaye. Wonto zawaa maresi ooneni beese e inge osana maruwaye. Wontoy Yesuusi Kristosa badena yenniya uddi basunako e galatutte. Kuxani adetoni koolo makkina esuse maaquwaye. Ameen.