Anxuttaasiti 5:16 - Kille Caaqo

¹⁶ Yeydiwo Yerusaleeme googe yecha katamaafa hargaxitaara xhoozi uso maddhunsi yecho axitaara oodi lagita u bhikkilicha, uddinani u loolicha.

Anxuttaasiti 5:16 ပူးပေါင်းရင်းမြစ်များ

Matoose 2:16

Herodisey xhoolinte eraxiti biya qaarusosa be erdo woggaaka iitana e huullo. Beeteleemiyakaara e googe yecha godowakaara uddi be tooraxita ansi u beray lam'i beraara lam'i berame yekkiyara maaddhese na'axhita uddi e wodhusso. Ye lam'i beraseni yeysi e matosi xhoolintey bentecho wogga xhoolinte eraxiti garafa oycci be siidechonikeko.

Matoose 4:24

Hargaxe e looluse odoy Sooriya wude aallo uddi e sintinne be bishana bishana hardi maddhundechaashita uddina Yesuusako u oodo. Ye hargaxitaafa xhoozi aytechoshiti jhiice harge keengeesitaara beenna hantese danda'uwa tokey doccesheeshitaaray usaaka yecha. Yeenxhita Yesuusay uddina e loolusso.

Matoose 8:16

Qamese e hisune axiti xhoozi aytecho laga axita esuko oodine u gara yecha xhoozeni e gooddo. Hargaxitani uddi e loolusso.

Luqaase 5:17

Bidzi wonte Yesuusay erusiya e yecha. Galilaafaara Yuuda gandaafaara uddi yeydiwo Yerusaleeme katamaafani yooda Farasaxitaara Muse woga eruseesitaaray yaha uttiya u yecha. Hargaxita esuna e looluse Wonto osay Yesuusaara yecha.

Luqaase 6:18

Usini e ohesa siyesaara be hargiyafa hargiyafa loolesaara wordi u yoodecha. Xhoozi aytechoshitini yoodi loolicha.

Luqaase 9:11

Axitini aya e yesesa be erdo woggaa e geede handine ye handa axita Wonto kaatetese e erusso. Hargiyafa loolese worda axita e loolusso.

Yohanise 14:12

Hinuse ta ohesi fetto aadeko. Tamba aadexesi tani hante hanta esini assi hantako e hante. Tani dhaddi nuwadeko hange gisha fetto ha esume garesani hantako e hante.

Anxuttaasiti 4:30

Hayla ne yele Yesuusa sunxuna hargaxiti looloronikiyara micushe hantaara du'use zeeriyaray maaqoronike ne osa anxuwa!>> yeydi u shidho.

Anxuttaasiti 5:15

Anxuttaasiti laga micushe hanta u hanticho gisha Phexhrosey garusune e leemoy fetto bidzi bidzi garana garorosa hargaxita ogiyaka kessi algakaara essa woyxuso abakowakara u woyxicha.

Anxuttaasiti 5:17

Yenniyani kahinituse afana adey esaara yecha Sodoqaxiti bade maaqeesiti uddi orjena uso dhiiddhi dendi

1Qorontoosaxituse 12:9

Ye Ayaanawoy bidzise orje aadexo e inge, ye bidzi Ayaanawoy feday fede axe loolusoronike ingo e inge.

Yayqoobey 5:16

Ha e gisha hi keenge cubbita wol buro bazzuwayte. Hargiyafa hi looloronikeni woluse shi'uwayte. Gizo axi shi'ey osako e keenge, orje abakoko e hante.