Anxuttaasiti 20:32 - Kille Caaqo

³² Hatte Wontoy worguse basuna hinumba maroronike hi gisha Wonto oddeydiko ta shi'e. Esi axuse keenge maxo modhete ohe kato odde maxuwayte. Ha katoy hinumba dicheshaara Wontoy hayla mato axitaara wolko e inge tago nu eforonike mahesaarako.

Anxuttaasiti 20:32 ပူးပေါင်းရင်းမြစ်များ

Marqoose 10:17

Yesuusay yahafa kessi hame e ayto. Yenniyawo bidzi axi esuko woxxhi yoodi e buro bocunti <> hidi e oycco.

Yohanise 15:3

Ha ta zeerdo zeeriyafa dendasuna hatte hinuni naquttese geeshitako.

Yohanise 17:17

Aade ogena uso haylonxuwa, aadeni ne katoko.

Anxuttaasiti 11:23

Esini handi Wontoy be maxo modhetena ususe hantosa be beedoniya maddi be uddina bidzi muxhurona Laaxuna miindi u yesorosa uso e osusso.

Anxuttaasiti 14:23

Be godowa godowa yese Wonto zawa axituse cimitani u maagesso. Xhoondi Wonto be shidho geede aadexiya u yese Wontoy ususe worguse basuna maroronike Wonto oddeydi u shidho.

Anxuttaasiti 14:26

Ye e geedeni markabiya utti Sooriya wudiya yese Anxhokiya u maaddho. Anxhokiyafa buro Wonto hanta hantese u kesusune yaha yecha aadexeesiti Wontoy be maxo modhetena uso marorosa u shidhecha.

Anxuttaasiti 14:3

Usini Laaxi gisha naassi zeerisine laga wonte yaha u dooddo. Wontoy axuse keenge maxo modhete ohe kato odusiya u yecha. Ye odusiya u yechoshi aade maaqesa Laaxi be osa ususe indi micusheshaara du'usesaara u hantoronike mati e addussicha.

Anxuttaasiti 15:40

Phawloseni Sillaase xhardo. Aadexeesiti Laaxi be maxo modhetena uso marorosa oddeydi Wonto u shidho geede dhaddi u kesso.

Anxuttaasiti 20:24

Gafiya ta yese gafani ye esini Laaxi Yesuusay ta hantoronike indo hanta ta alsoro aallo ta lubbose bidzoni hoodduwasso. Ye ta hantani Wontoy axuse keenge maxo modhete adduse modhe odo oheko.

Anxuttaasiti 26:18

U aafey beyorosa mati cenchaafa fo'iya ne garxorosa Humbaye adeto oomowafa Wontoko ne mahorosako nemba ta anxe. Yenniyani usi be cubbowafa u maarutte, taanna be aadesoosunako haylondeseesiti giddaani beese godo u degexe> yeydi e hido.

Anxuttaasiti 9:31

Yuuda wude, Galila wude Samariya wude yese Wonto zawa axiti modhena u yeso, u osaxho. Wonto jhashishiniyara Ayaana Geeshuna oseysiniyara hangisine u taafoy laddo.

Roomaxituse 8:17

Yoona, Wonto nayshe ni maaddho geede e ingesa ekkesako ni maaqe. Yeydi hiyoni Wontoy ingesako ni ekke, Kristosaara wolkoko ni ekke. Hatte Kristosaara wolko maddha nu ettoyna hannina esaara wolkoko ni kuxutte.

1Qorontoosaxituse 1:2

Qorontoose yese Wonto zawa axituse nu anxe woosso. Hinuni Yesuusi Kristosana haylondi uddi godowa yesine e sunxe xheygeesituseni nuuseni Laaxe maaqe nu Laaxi Yesuusi Kristosana wolko haylaxita maaqesuko hi xheyguttese.

1Qorontoosaxituse 6:10

kayseesiti, uddi abakose habbu habbu hineesiti, usshi goojheeshiti, axi sunxe bayseesiti, bonqeesiti Wonto kaatetowa godo keemuttuwasso.

1Qorontoosaxituse 6:11

Hinukafani bidzi bidziti yeenke yesesako hi maaqicha. Hattema Laaxi Yesuusi Kristosa sunxunaara nu Wonto Ayaananaara cubbowafa shohuttiko hi yese, Wontose shahuttese hayla axita maaddhiko hi yese, gizete degessiko hi yese.

1Qorontoosaxituse 6:9

Wonto buro gizo maaquwa axiti Wonto kaatetiya u geluwannike eruwaytuwa? Hallofita, bishuwa ogena maacho col'i ye be col'a kunxeesiti, Wonto maaquwasa wonto mati kuxeesiti, laggeteesiti, asanxaara wolko laggete asanxiti,

Efesoonaxituse 1:14

Ayaana Geeshe niise e indosunako Wontoy beese maaqeesita uddi wozzi be also geede nuuse be hidese tago e indesenike erese ni danda'e. Ye esini Wonto kuxa fuulay kedda kedda hiyoronikeko e mahe.

Efesoonaxituse 1:18

Yeydiwo hinumba xheydi aba bissheshesha hinumba e gobbusesesaara Wonto haylaxiti efese hine kuxuttese tagoy aba makko laga e maaqesaara hi eroronike hi muxhuro e do'orosako Wonto ta shi'e.

Efesoonaxituse 4:12

E indosi Kristosase e gara maaddhi yese Wonto haylaxita maaqe numba nu dichoronike Wonto zawa hanta nu hantoronike naddhiko.

Efesoonaxituse 4:16

Kristosanako be sunxuna sunxuna yese nu garay hanke wol gara e ayke. Gara kaatita hanke wol gara muhusesi esako. Garay be bidzi bidzina beese shahutti inguttese hanta hantisineko be kumena e dice, eehanani e oseyne.

Efesoonaxituse 5:5

Laggetesi, tuna hantesi, uddi abakose habbu habbu hineesiti Kristosasaara Wontosaara maaqe kaatetowaka tagoy ususe baassa modhussi eruwayte. <> yeydi hiyoy Wonto maaquwasa wonto mati kuxeko.

Qollasiyasaxituse 1:12

Assi fo'e maaqe kaateto giddaaka haylaxitaara wolko ade maaqe Wontoy ingesa hi shahoronike hinumba mata esako hi galate.

Qollasiyasaxituse 2:7

Esuna xhabho datti eedhi hi oseydesenike dicuwayte. Hi erdesenike hi aadexona miindi ee'uwayte. Lagussi esa galatisine yesuwayte.

Qollasiyasaxituse 3:24

Ye esini hinuse gaduttese tago wooma mati e ingenike erako hi ere. Esuse hi hantesini Laaxi Kristosasuko.

Ibraxituse 10:14

Ye esini haylongeesita bidzi kaashanawo koolo makkinase bidzoni facete keenguwasako e mato.

Ibraxituse 13:9

Lossutto baa be bishana bishana yese eray hinumba didhofe. Miyose gaduttese woga katti e geede hamekofa Wontoy axuse keenge maxo modhetena muxhuro oseyeko bishesha. Miyo woga katta axiti yahafa abani degexutto baasso.

Ibraxituse 2:11

Axe haylonxe Yesuusaara haylonge axaaray bidzi ade nayshe u maaqe gisha uso <> yeydi hiyey Yesuusa borsusuwasso.

Ibraxituse 9:15

Wontoy xheydeseesituse <> hidi e gobbusese koolo makkinase maaqe tago u eforonike Wontoseni axuseni feeqaa hantisine ha kille caaqoy ee'oronike e mato. Yeysi e matosi buro caaqona be durkutticho woggaaka u hanto cubbowafa shawo kessese hay'enako.

Yayqoobeyndo 1:1

Yesuusi Kristosa maalaara Yayqoobeyndo na'aara maaqe Yuudakofa. Ade maaqe Wontoy eeti xheydine Yesuusi Kristosana kafutteseesituse uddi anxutta woosso.

Yayqoobeyndo 1:20

Ta eehe ta badito! Hinunimay uddime gardi haylondese hi aadexona wola dicheshe oseywayte. Ayaana Geeshi osana shi'uwayte.