Anxuttaasiti 2:42 - Kille Caaqo

⁴² Usini anxuttaasiti erusicho erana, wolla bidzo maaqena, Laaxi qamete miyena, Wonto shi'ena u miingicha.

Anxuttaasiti 2:42 ပူးပေါင်းရင်းမြစ်များ

Luqaase 24:30

Hinne usaara wolko qamete miyese utti boora etti Wonto galatti meyssi ususe e indo.

Luqaase 24:35

Lam'i e erusichoshitini be badena ogiya beera muta zeeriyara Laaxi Yesuusay boora ususe meyssi indoniya esa waysi be erdonikiyara e bidzi bidzina ususe u oto.

Anxuttaasiti 1:14

Ye usiti be uddinawo bidzi muxhurona uddi wogga gafe baaka Wonto shi'ese u bhikkilutticha. Bidzi bidzi indowaxhitaara Yesuusayndo Maaramiyaray yeydiwo Yesuusayndo na'axhitaaray usaara u yecha.

Anxuttaasiti 11:23

Esini handi Wontoy be maxo modhetena ususe hantosa be beedoniya maddi be uddina bidzi muxhurona Laaxuna miindi u yesorosa uso e osusso.

Anxuttaasiti 14:22

Ye wudittaaka uddi Laaxi oge hangeesiti be aadexo gara miingorosa osusisiniyara minxisiniyara <> yeydi u hicha.

Anxuttaasiti 2:46

Uddi wonteni bidzi muxhurona Wonto Hayla Zawa qeyshi giddaa u bhikkilutticha, wol zawa hanti Laaxi qamete u muucha, maggisine geeshi muxhurona yesine be kaxa u muucha.

Anxuttaasiti 20:11

Phawlosey fooqe zawaa wokke kessi aadexichashitaara wolla boora meyssi Laaxi qamete be muudo geede e wonto aallo usaara wolla zeerisine e decco. Ye e geedeni dhaddi e hando.

Anxuttaasiti 20:7

Samintiyafa acha wonte Laaxi qamete miyese bidzi godo nu bhikkilutto. Phawlosey guta hamese beyne gisha bhikkiluttecha axuse zeere gelli ekke wodhakka aalloni e galalso.

Anxuttaasiti 4:23

Phexhrosiyara Yohanisiyaray dafutti be baditi gara yoodi Wonto zawa kahinituse afana maagitaara gate cimitaaray u gara zeerdosa uddi u oto.

Anxuttaasiti 4:31

Wonto u shidhosi geede bhikkilutti u yecho godoy sekke hanke e en'o. U uddiyakani Ayaana Geeshi kundo. Wonto katoni jhashe baa naassi u oto.

Anxuttaasiti 6:4

Nunimay shi'e garaara kato ohe garaarako nu oseyne>> yeydi u hido.

Roomaxituse 12:12

Gobbiya hi yese gobbona magguwayte, maddha hi gele woggaa danda'uwayte, uddi woggaa Wonto shi'e dhaddofita!

1Qorontoosaxituse 10:21

Laaxi qamete wogga e miijhiyafa ushishine xhoozi miijhiyafa usheshe danda'uwaytako. Laaxi tatowafa muussine xhoozi tatowafa miyese danda'uwaytako.

1Qorontoosaxituse 11:2

Uddi woggaaka taa hi maxe gishaara hinumba ta eruso erunxe minsi hi ayke gishaara <> hidiko ta hine.

1Qorontoosaxituse 14:6

Yoonase Nuundo nayshito! Hinuko ta hangeniya kille nuunana hinuse ta zeerdako am hinumba ta go'e? Gardesesa hinumba ta go'esi addeydo badechashe adduseni, erani, kaayoni, erunxeni etti ta handakoko.

Galatiya 1:6

Kristosa badena axuse be keenge maxo modhetiyafa densi hinumba xheydecha Wonto dhaddi fede modhe odo hidi hiinessaa alleydi artiya hi yesesi micushako taa e micushe.

Efesoonaxituse 2:20

Anxuttaasitaara kaayaxitaaray kaassho kaacho garako hi keexhuttese. Ye keexe esuna hanke ayti alsuso shuchi Yesuusi Kristosako.

Efesoonaxituse 6:18

Worguse abakose Wonto shi'isine Ayaana Geeshuna durkutti uddi wogga shi'uwayte. Shi'isine birti oseywayte. Wonto haylaxiti gisha uddi burse baaka shi'uwayte.

Qollasiyasaxituse 1:23

Esini uqusesi kaachuttiyara sekke hanke hiye baaka eedhesesaara maaddhi hi siidese modhe odoy gobbusesesi garafa arto badi hi aadexona oseydi hi yesa'aykoko. Ye modhe odoni ha saha gara yese meddhose uddi ohuttesesako. Tanini Phawlosey ye modhe odose e hantaxuko ta maaddhese.

Qollasiyasaxituse 4:2

Wonto galatisine uddi wogga birti oseydi esa shi'uwayte.

2Xhimootoosese 3:14

Nenimay neese ooniyaxhi nemba erusosa ne ere gisha ne erdese era garaara ne aytese aade garaara oseywa.

Ibraxituse 10:25

Uddi wogga wolko muti wola nu osusseese baaka bidzi bidziti be bhikkilo dhaddonike nunini nu bhikkilo dhaddofunxhi. Ye esukofa Laaxi yoowe wontay uddhosa gaxxhi burome garsi wola nu osusseese.

Ibraxituse 10:39

Nunimay Wonto aadessi loolowa hangeesiti bade baaka sekke be geede geede hidi baysowa hangeesiti bade maaquwanxhiko.

1Yohanisey 1:3

Nu siidosaara nu beedosaara hinuse nu odusesini nuura wol bade hi maaqorosako. Wol bade ni maaqesini adiyara e yele Yesuusi Kristosaara wolkoko.

1Yohanisey 1:7

Wontoy fo'iya yesenike ninini fo'iya sekke hanke hantako ni bidzi bidzina wol badeko ni maaqe. Yeydiwoni Wonto yele Yesuusa suuxi cubbowafa uddiko nii e geeshe.

1Yohanisey 2:19

Ha usitini nuukaafako u kesso. Nuukaafa kesuttose baaka nu bade maaquwadiko u yecha. Nu bade maaddhako nuurako oseydi u yesaane. Nuukaafa u kessosi ussaafa bidzini nu bade maaquwannike addusesuko.

Yayqoobeyndo 1:20

Ta eehe ta badito! Hinunimay uddime gardi haylondese hi aadexona wola dicheshe oseywayte. Ayaana Geeshi osana shi'uwayte.