Anxuttaasiti 2:4 - Kille Caaqo

⁴ Ayaana Geeshini u uddiyaka kundi ususe indonike fede fede wude nuunana zeere u ayto.

Anxuttaasiti 2:4 ပူးပေါင်းရင်းမြစ်များ

Matoose 10:19

Yaa'ase hinumba garsi u ingusune hi zeeresi ye wogga hinuse e ingutte gisha oo'oyne hidi massi maddhundofita.

Marqoose 16:17

Taanna aadexeesiti ta sunxuna xhooze u goodde, kille nuunanani u zeere, shooshita u aytakoni oo'oyne fetto wodhe dhale u usshakoni uso wodhuwasso. Be kucheni hargaxiti gara u gade, hargaxitini loole, yeenxhi micushe hanta u hante>> yeydi e hido.

Luqaase 1:15

Esume hi maggesini ye yeleni Wonto buro keddaydese mallako e maaqe. Weyne daanaara fede gooshe usshaara fettona ushuwassho. Haga beyndo gawwaa e yesune Ayaana Geeshi esuka kunge.

Luqaase 1:41

Maaramey haga iso sawusonikewo Elsabeexhe gawwaa yecha yeley kaadho. Isini Ayaana Geeshuna kundi

Luqaase 1:67

Ye yelutta yeliyade Zakaraasey Ayaana Geeshuna kundi kaayo zeerisine

Luqaase 12:12

Ye wogaaka aba zeerese hinumba e worgusesa Ayaana Geeshuko hinuse ohesa>> yeydi e hido.

Luqaase 21:15

Ye esini hi iilaxi uddi hinumba iicheshaara hinunaara bersesaara u danda'uwa zeeriyara eraarako hinuse ta inge.

Luqaase 4:1

Yesuusay Ayaana Geeshuna kundi Yordanose waassaafa dhaddi maaddhine ye Ayaana Geeshi saha melaaka durti etti hando.

Yohanise 14:26

Nuwadey ta sunxuna hinuse anxe hinumba minxe Ayaana Geeshuko hinumba uddi erusesa. Hinuse ta zeerdosa e uddina hinumba maxusako e maxuse.

Yohanise 20:22

Yeydi zeerdi <> beydo geede <

Anxuttaasiti 1:5

Yohanisey waaxunako xhamadhi yecha, hinunimay oddhe wonta geedeko Ayaana Geeshuna hi xhamaqutte>> yeydi hissine usuko e oto.

Anxuttaasiti 1:8

Maaquwaye baaka Ayaana Geeshi hi gara yooneniya osako hi degexe, Yerusaleeme katamaani Yuuda wudiyani Samariya wudiyani uddi sahay matoynani ta gisha oheesitako hi maaqe>> yeydi e hido.

Anxuttaasiti 10:47

<> yeydi beydo geede

Anxuttaasiti 11:15

Dendi zeere ta aytoniyani Ayaana Geeshi nu gara acha be hodhonike u garani e hodho.

Anxuttaasiti 11:24

Esini beese Ayaana Geeshi essaa kundese aadexona miindese modhe axe e maaqicha. Laga axiti Laaxuko u yoodo.

Anxuttaasiti 13:52

Laaxi oge hangeesiti orjena maddi Ayaana Geeshuna u kundo.

Anxuttaasiti 13:9

Phawlose sunge Sawley Ayaana Geeshi essaa kundine ye axi aafiya caddi beedi

Anxuttaasiti 15:8

Axi muxhuro ere Wontoy Ayaana Geeshe niise buro be indonike ususeni Ayaana Geeshe ingena uso be ekkenikeko e beyso.

Anxuttaasiti 19:6

Phawlosey be kuche u gara gaddo wogga Ayaana Geeshi u gara yoodine kille nuunana zeere u ayto, kaayoni u zeerdo.

Anxuttaasiti 2:11

Yeydiwo Qerxhesefani Arabiyafani yoodasiti nuni yesako nu yese. Hay, nuni nu uddina Wontoy hanto orje hantita nu nuunana nuunanako ha usiti zeerusune nu siine>> yeydi u hido.

Anxuttaasiti 2:3

Tama looxhe bisheshi ususe e bento. Ye esini be looxhena looxhena u bidzi bidzi gara e utto.

Anxuttaasiti 4:31

Wonto u shidhosi geede bhikkilutti u yecho godoy sekke hanke e en'o. U uddiyakani Ayaana Geeshi kundo. Wonto katoni jhashe baa naassi u oto.

Anxuttaasiti 4:8

Phexhroseni yenniya Ayaana Geeshi essa kundine ususe zeerisine <

Anxuttaasiti 6:3

Yebo, nuundo na'axhito, laappi axita hinukaafa xharuwayte. Axi uso modheko hidi hineesita Ayaana Geeshuna kundeseesita gaxe keengeesita maaqeko uso e worguse. Ha hantasuko uso nu maagexe.

Anxuttaasiti 6:5

Ye uddha maxo axi uddi maggana etti u xhardo. Ye usini aadexonaara, Ayaana Geeshunaara kundese Isxhifanoose, Filphoose, Prokorose, Niqanore, Xhimoone, Pharmeene, Ayhuda woga etti u Wonto kuxicha Anxhokiyaxe maaqe Niqoloose yeysi u xhardo.

Anxuttaasiti 6:8

Isxhifanooseni Wonto suusaara e osaaray essa kundinne axiti gidda micusheshaara orje du'usesaara hantiya e yecha.

Anxuttaasiti 7:55

Isxhifanooseni Ayaana Geeshi essa kundine wokke afaa tiddhissi e beesune Wonto kuxa fuulaara Wonto oshishaa eedhi yese Yesuusaara e beedo.

Anxuttaasiti 8:17

Yenniya be kuche u gara u gaddo, Ayaana Geesheni u etto.

Anxuttaasiti 9:17

Hanaaniyani dendi ye zawa handi gello. Be kucheni e gara gaddi <> yeydi e hido.

Roomaxituse 15:13

Hi gobbey Ayaana Geeshi osana dicishine hamoronike axe gobbuse Wontoy esa hi aadexe gisha maggaara modhetiyara uddi hinuse inguwaye.

1Qorontoosaxituse 12:10

Yeydiwo fedaseni micushe hanta e hantoronike osa e inge, fedaseni assi kaayo zeere e zeeroronike e mahe, fedaseni assi ingutta ingiti Ayaana Geeshukofa e maaqesani oo'oyne xhoozukofa e maaqesani shati e eroronike e mahe. Yeydiwo fedaseni kille nuunana e zeeroronike e mahe, fedaseni assi kille nuunana zeeruttesa bircheshe e danda'oronike e mahe.

1Qorontoosaxituse 13:1

Axi nuunanani maaqqe Wonto woosaxiti nuunana zeere ta erdako fetto eeha ta keenguwasa hade wol gara giire laakake yesesaara mikkidi koyse shaashatake yesesaarako tani.

1Qorontoosaxituse 13:8

Eehay koolo aalloko e yese. Kaayoni e maaddhako e ooxutte woggay yootako e yoone, kille nuuna zeereni e maaddhako e atte woggay yootako e yoone, erani e maaddhako e ooxutte woggay yootako e yoone.

1Qorontoosaxituse 14:18

Hi uddime garsi kille nuunana ta zeere gisha Wontoko ta galate.

1Qorontoosaxituse 14:5

Hi uddina kille nuuna hi zeerdako eehako ta eehicha, ye esume garsi kaayo hi zeerdakoko ta eehicha. Wonto zawa axiti dicoronike kille nuunana zeere axi e zeerdosi birchutteko e worguse. Birchutte e dheeba'ayko kille nuunana zeereesume kaayo zeere axuko garesa.

Efesoonaxituse 3:19

Kumena eruttese danda'uttuwa Kristosa eeha erese hi danda'oronike facete keenguwa Wontoy beese be modhete hinuka kunxoronikeko Wonto ta shi'e.

Efesoonaxituse 5:18

Weyne daana usshi goojhey axi yeso e iise gisha usshi goojhofita. Goojhekofa Ayaana Geeshuna kunguwayte.

Efesoonaxituse 6:18

Worguse abakose Wonto shi'isine Ayaana Geeshuna durkutti uddi wogga shi'uwayte. Shi'isine birti oseywayte. Wonto haylaxiti gisha uddi burse baaka shi'uwayte.

1Phexhrosey 1:12

Ye kaayaxiti u zeerdechoshi beese e maaddho baane hinuse e maaqenikeko ususe Wontoy addusecha. U zeerdechoshini afaafa anxutta Ayaana Geeshi osana modhe odo odusaasiti badena hinuse hatte ohuttiko e yese. Ye esa afaase woosaxitini aba e maaqenike erese col'iyako u yese.

2Phexhrosey 1:21

Ye esini kaayoy Wontoy anso axiti Ayaana Geeshuna durkutti u zeerdosa baaka fetto axi maxona zeeruttase maaquwasso.