Anxuttaasiti 16:25 - Kille Caaqo

²⁵ Qamaafa ekke wodhakka Phawlosiyara Sillaasiyaray Wonto shi'iyakaara zingaliyakaara u yesune yaha tufiya yecha feditini haysi u siicha.

Anxuttaasiti 16:25 ပူးပေါင်းရင်းမြစ်များ

Luqaase 22:44

Esini iitanawo hooddi maddhundi Wonto oseydi e shi'icha. E boyney hade sahaa xhokke suuxuke e xhokkicha.

Anxuttaasiti 15:22

Ye e geedeni anxuttaasitaara cimitaaray Wonto zawa axitaara uddi be giddaafa oddhe axita xhardi Phawlosiyara Barnabasiyara Anxhokiya anxese wolko u kundo. Aadexeesiti giddaa durkena eruttecha Barsabaase hiyutte Yuudaara Sillaasiyara u xhardo.

Anxuttaasiti 16:19

Ye i laaxiti i badena beese yoocha miijhey ususe attosa be beedo woggaa Phawlosiyara Sillaasiyara u ayto. Goosshini axiti essa bhikkilutticho godo aandi ahiya yecha afana maagiti buro u uqusso.

Anxuttaasiti 16:33

Ye qamani ye woggaawo kakkichashi usoni etti u mada e shoto. Esaara e zawa geritaaray yenniyawo be kumena u xhamaqutto.

Anxuttaasiti 5:41

Usini e sunxi gisha eeretey u gara yoodosi bishesha maaddhi taabutto gisha gaxxhi gate aheesiti burowafa maggisine u kesso.

Roomaxituse 12:12

Gobbiya hi yese gobbona magguwayte, maddha hi gele woggaa danda'uwayte, uddi woggaa Wonto shi'e dhaddofita!

Roomaxituse 5:3

Ye esawo e maaddho baanne maddhaafa danda'oy bentenike nu ere gisha nu gara yoone maddhana maggako nu magge, cee'uttoko nu cee'utte.

2Qorontoosaxituse 6:10

Higillakoni uddi woggako nu magge, nuuse jhi'o maaddhakoni lagitako Kristosa badena woduma nu mahe. Abani keenguwasa nu maaqusune nuuse face basi baasso.

Efesoonaxituse 5:19

Be bishana bishana yese zingalena wolla zingaluwayte zeeruwayte, Laaxuse hi muxhurowaka zingaluwayte.

Filphisoosaxituse 2:17

Wonto hi aadexe gisha hi yeso kumena hade kaashake mati hi uqusesi garaara esuse hi hante hanta garaara kahiney weyne daana kaasheshe gussenike ta yesoy guttako maggako ta magge, hinunaara uddi wolkoko ta magge.

Qollasiyasaxituse 1:24

Hatte hi gisha essa ta yese maddhana maggako ta magge. E gara maaddhi yese Wonto zawa axitume hissineko Kristosa maddhaafa facechashe ta acho maddhana kunsi ta alse.

Ibraxituse 5:7

Yesuusay axe maaddhi ha saha gara be yecho wogga haybowafa maarese danda'e Wonto buro keddaysi uwwisiniyara yeekisiniyara <> hidi keddaysi e shidho. Bemba ullaysi esuse e woosutto gisha Wontoy e shi'e e siido.

Yayqoobey 1:2

Nuundo nayshito! Be bishana bishana yese maddhay hi gara e yooneniyaka orjena magguwayte.

Yayqoobey 5:13

Hi giddaafa ooneni maddhay e gara ellosi yesa'ayko Wonto shi'uwaye. Maggiya yesesini yesa'ayko zingalena Wonto galatuwaye.

1Phexhrosey 4:14

Kristosa sunxi gisha cashuttesesa hi maaqo'ayko kuxa fuula keenge Wonto Ayaanay hi gara utte gisha modhussi magguwayte.