2Xhimootoosese 2:10 - Kille Caaqo

¹⁰ Yesuusi Kristosana benta loolowara koolo makkina kuxa fuulaara u degexoronike Wontoy xhardese axitume hissineko uddi base ta danda'e.

2Xhimootoosese 2:10 ပူးပေါင်းရင်းမြစ်များ

Matoose 24:22

Ye wontita hatuse e dheeddako bidzi axini maaruttese danda'uwadiko yecha. Maaqe baaka xharutta axumeko ye wontita e hatuse.

Matoose 24:24

Mesihe maaquwasiti kaayaxita maaquwasiti hissineko zaadaxiti yoodi Wontoy xhardechoshita danda'a'ayko haluxese hissine hantuttese danda'uttuwa yeragowara micushe abakowara u hante.

Matoose 24:31

Keddaysi uwwe marachi katowara wolko Wonto woosaxitani e anxe. Usini hadursi badefani oshichi badefani afa badefani oomo badefani afa wosulaafa saha wosula aallo handi esuse xharuttese axita u bhikkile>> yeydi e hido.

Luqaase 18:7

Hinne Wontoy qamani maaqqe wonta uwwisine bemba shi'e xharuttese be axituse yaa'uwaye mee? Nooquttiya be marasheesha e doogge?

Luqaase 22:57

Phexhroseni <> hidi e zaaddo.

Yohanise 11:52

E hay'esi Ayhudasewo e maaddho baane be godowa godowa yese Wonto nayshita bhikkilli bidzi omma mahesuko e maaqicha.

Yohanise 17:24

Nuwadde! Ha sahay meddhutto baanne tamba ne eeto gisha taase ne indo kuxa fuula ha taako ne indeseesiti beyoronike tani yese godo taara u yesorosako ta worge.

Yohanise 17:9

Tani shi'esi ususuko, ha taako ne indoositi neese u maaqe gisha ususe baaka ha saha gara yese axi gisha shi'uwasso.

Roomaxituse 2:7

Modhe hanta miindi hanti Wontokofa bente kuxaara, e kuxa fuulaara, koolo makkina yesuwara worgeesituse koolo makkina u yesoronikeko e mahe.

Roomaxituse 9:23

Yeysi e matosi burussi kuxase be naddhoosita maaroy ususe maaqeesituse be kuxa lagetey addeyoronikeko.

1Qorontoosaxituse 1:21

Wontoy be eraafa densi ha saha gara yese axiti be keenge erana Wonto eruwannike matiko e yese. Yeysi mahena ha saha gara yese axituse hade muyoonteke bente nu eruse modhe odo siidi aadexeesita loolusese modhe e maxo maaddhiko e yese.

1Qorontoosaxituse 9:22

Be aadexona gatteseesita haybowafa maareme hissineko ye gafaxituke gafaxe ta maaddho. Uddi ogena bidzi bidzita haybowafa maarese hissineko uddiyadiyara uso ta bissho.

2Qorontoosaxituse 1:6

Maddhay nu gara yoosune hinuni minxowara loolowarako hi degexe. Wontoy numba <> hidi minxusuneko hinuni yahafa minxo hi degexe. Ye minxoni nu gara yooda maddhay hi gara yooneniya dandadhi hi garoronike e mahe.

2Qorontoosaxituse 12:15

Hinume hissine ta miijheni tambani garsi ta indako maggusako taa e magguse. Hinne tani hinumba ha e aallo modhussi eehusune hinuni abasuna taase hi gawwo hi xhunxe?

2Qorontoosaxituse 4:15

Yeenxhi uddi hinumba go'esuko e maaddho. Ye ogenako Wonto kuxa fuulay aatti Wontose galata uquseesiti lagorosa Wontoy axuse keenge maxo modhetey gardesesuna laga axituse e elloronike e maaqe.

2Qorontoosaxituse 4:17

Ye esini shawukaara woggasaara maaqe nu maddhay esa ellesi baa danda'uttuwa koolo makkina yese kuxako nuuse e inge.

Efesoonaxituse 3:13

Ye e gisha hinumeydi hissine essaaka ta yese maddhay hinuse kuxa e maaqenike erdi <> hidiko hinumba ta shi'e.

Qollasiyasaxituse 1:24

Hatte hi gisha essa ta yese maddhana maggako ta magge. E gara maaddhi yese Wonto zawa axitume hissineko Kristosa maddhaafa facechashe ta acho maddhana kunsi ta alse.

Qollasiyasaxituse 1:27

Wonto maxoy ye eruttobadechine hatte eruttasi kuxaara woduntiyara Ayhuda maaquwasiti giddaaka an makko malla e maaqenike haylaxituse adduseko. Ye eruttobadechine hatte eruttasi Kristosako. Hatteni hinukaaka e yesesuna Wonto kuxa fuula shahaxe maaqese gobbe keemako hi keenge.

1Teselonqaxituse 5:9

Wontoy nimba ni Laaxi Yesuusi Kristosana loolo ni degexoronike baaka ni gara huulese xhardo baasso.

2Teselonqaxituse 2:14

Nu Laaxi Yesuusi Kristosa kuxa fuula shahaxe hi maaqoronikeko nuukona hinuse ohutta modhe odo badena hinumba e xheydo.

2Xhimootoosese 1:1

Tani Phawlosey Wontoy <> hidi hido Yesuusi Kristosana benta yeso odusese Wonto maxoke anxuttase maaddhiko adeto ta etto. Yesuusi Kristosay ansosa maaddhi

2Xhimootoosese 2:1

Yebo ta na'e Xhimootoose! Yesuusi Kristosaara bidzo ne maaddhosuna Wontoy neese be keenge maxo modhetiyafa neese indo eehana oseywa.

2Xhimootoosese 2:3

Neeseni Yesuusi Kristosa modhe tooraxe maaddhi ne gara yoone maddha fedeesiti dandadhonike dandadhi garxuwa.

Titose 1:1

Wonto maalaara Yesuusi Kristosana anxuttasaara maaqe Phawlosekofa. Wontoy xhardoositi uddi aadexona dicoronikiyara Wontoy eehenike u yesorosa mahe aade modhussi u eroronikiyara uso marese anxuttiko ta yese.

1Phexhrosey 2:10

Hinuni olo Wonto axita maaquwadiko hi yecha, hattema Wonto axitako hi maaddho. Olo maarutto badiko hi yecha, hattema maaruttiko hi yese.

1Phexhrosey 5:10

Axuse fetto maxo modhete keenge Wontoy Kristosa badenako koolo makkina e kuxa fuula shahaxe hi maaqoronike hinumba e xheydo. Oddhe woggase maddhaa hi gello geede hinumba sekke mati e osuse, e gagguse, minsini e esse.