2Xhimootoosese 1:14 - Kille Caaqo

¹⁴ Odde hissine neese inguttese ye modhe aadexo erunxe niika yese Ayaana Geeshi osana kakkuwa.

2Xhimootoosese 1:14 ပူးပေါင်းရင်းမြစ်များ

Luqaase 16:11

Hinne ha saha gara bente miijheshe muxhuraxe maaqe hi dheeddako ooni hinuse aadena wodunte ingesa?

Yohanise 14:17

Ye esini aade eruse Ayaana Geeshuko. Ha saha axiti esa be beewwa gishaara be eruwa gishaara esa efese danda'uwasso. Hinunimay hinunaara wolko e yese gishaara hinukaaka yeso e mahe gishaara esa erako hi ere.

Roomaxituse 3:2

Ayhudaxe maaqey laga ogenako e go'e. Bidzoydi hiyuttesi Wontoy be kato ususe <> hissine e indosako.

Roomaxituse 8:11

Yesuusa haybowafa densa Wonto Ayaanay hinukaaka yesa'ayko Kristosa haybowafa densa Wontoy hinuka yese be Ayaana badena hay'e hi achosheni yesoko e inge.

Roomaxituse 8:13

Hinuse cubbaxe maaqe hi oonuntekewo yesa'ayko hay'oko hi hay'e. Ayaana Geeshi osanama hantiya hi yese iita hanta wodha'ayko en'ako hi yese.

Roomaxituse 8:9

Hinunimay Wonto Ayaanay hinukaaka yese gisha Ayaana maxoke baaka hinuse hi acho maxoke yesuwaytako. Kristosa Ayaana keenguwa axi ooneni Kristosa bade maaquwasso.

1Qorontoosaxituse 3:16

Wonto Hayla Zawa hi maaqesaara Wonto Ayaanay hinuka yesesaara eruwaytuwa?

1Qorontoosaxituse 6:19

Hi garay Wontokofa hi ettosaara hinuka yesesaara maaqe Ayaana Geeshi essa yese hayla zawa e maaqesa eruwaytuwa? Yoonase hinuni Wontosuko baaka hinuse maaquwaytako.

1Qorontoosaxituse 9:17

Ta maxona ha modhe odo ta otako e wooma efako ta efaane. <> hidi e hinne handi ta oto geede ye ta woosutto woossowo ta hantosako e maaqe.

2Qorontoosaxituse 5:16

Ha e gisha sekke hade axi maxenike ooneseni yeysi maxuwanxhiko. Kristosa ha e buro axi maxoke beenesa nu maaddhakoni ha makkina sekke axi maxoke beewanxhiko.

Galatiya 2:7

Ta oto modhe odo gara kosekofa Wontoy Phexhrose Ayhudaxituse modhe odo e ohorosa oddeydi hissine be matonike tambani Ayhuda maaquwasituse ta ohoronike e matosa u gaxxho.

Efesoonaxituse 2:22

Hinunini usaara ye hayla zawa maaddhiko Laaxuna keexhuttiya hi yese. Wontoy be Ayaanana ye zawaakako e yese.

Efesoonaxituse 5:18

Weyne daana usshi goojhey axi yeso e iise gisha usshi goojhofita. Goojhekofa Ayaana Geeshuna kunguwayte.

Qollasiyasaxituse 4:11

Yostose sunda Yaasoy hinumba <> hidiko e sawuse. Wonto kaatetose wolko nu hante axiti giddaaka Ayhudaxiti ha usitawoko. Tambani modhussi minsiko u yese.

1Teselonqaxituse 5:19

Ayaana Geeshi hantesa oossofita.

1Xhimootoosese 1:11

Ha gizo erunxi kuxa fuula keenge modhe odowara wola efako ekke. Ye esini axiti esa kedda kedda hise Wontokofa axituse ta ohoronike taako odde hissine inguttesesako.

1Xhimootoosese 6:20

Xhimootoose! Neeko odde hidi ohuttesesa modhussi kakkuwa. Era maaquwasa <> hidi hiyutte zaade era maaqe bersa garafaara go'uwa odo garafaara dhaddi zaruwa.

2Xhimootoosese 1:12

Ha maddhani ta gara e yoodosi ye e gishako. Oone aadexiya ta yesesa ta ere gisha borsuwasso. <> hidi hissine esuse ta indesesa ye wontey yoone aallo kafese e danda'enike modhussi erako ta ere.

2Xhimootoosese 2:2

Laga axiti buro taakofa ne erdese era fedeesita erusese era keengeesitusaara muxhuro keengeesitusaara odde hissine garxuwa.

1Phexhrosey 1:22

Indo nayshita awsha keenguwa ogena hi eehorosa aadese woosuttena hinumba geeshiko hi yese. Yoonase kume hi muxhurona hi bidzi bidzina modhussi wola eehuwayte.