2Teselonqaxituse 2:17 - Kille Caaqo

¹⁷ hi muxhuro minxuwaye. Modhe maaqesa hi hantoronikiyara hi zeeroronikiyara osusuwaye.

2Teselonqaxituse 2:17 ပူးပေါင်းရင်းမြစ်များ

Roomaxituse 1:11

Hi aadexona hi oseyoronike Ayaana badena bente suuse hinuse shahesuko hinumba ta aafena beyese orjena ta worge.

Roomaxituse 15:13

Hi gobbey Ayaana Geeshi osana dicishine hamoronike axe gobbuse Wontoy esa hi aadexe gisha maggaara modhetiyara uddi hinuse inguwaye.

Roomaxituse 16:25

Yoonase Wontose kuxay maaquwaye. Esini Yesuusi Kristosa gisha ta odusso modhe odonaara olowafa ayti laga bera aallo addeydo badi yechine hatte addeyda aadenaara hi aadexona miindi hi ee'oronike hinumba mahesuko e danda'e.

1Qorontoosaxituse 1:8

Nu Laaxi Yesuusi Kristosay yekke yoone wonte haasse keenguwasa maaddhi hi bentoronike aallicira makko miindi hi yesorosako hinumba Wontoy e mahe.

2Qorontoosaxituse 1:21

Yoonase numbani hinumbani Kristosana miindi nu ee'orosa matasi Wontoko, nimbani tisshashini esako.

Qollasiyasaxituse 2:7

Esuna xhabho datti eedhi hi oseydesenike dicuwayte. Hi erdesenike hi aadexona miindi ee'uwayte. Lagussi esa galatisine yesuwayte.

1Teselonqaxituse 3:13

Laaxi Yesuusay haylaxitaara uddi yooneniyaka nuuse ade maaqe Wonto buro haasse keenguwasaara hayla maaddhiyara hi bentoronike hi muxhuro Laaxi osusuwaye.

1Teselonqaxituse 3:2

nuundo na'i Xhimootoose hinuko nu ansechoshi. Esini nuura wolko Wonto hantaxaara Kristosa gisha modhe odo ohesaarako. Hinneko hinumba e osusorosaara hi aadexose e minxorosaara esani hinuko nu anso.

2Teselonqaxituse 2:16

Beese nu Laaxi Yesuusi Kristosaara nimba eeti niise be keenge maxo modhetena koolo makki aallo nimba e minxoronike mati modhe gobboni niise inda nuuse ade maaqe Wontowaray

2Teselonqaxituse 3:3

Laaxi be zeerdo zeere garafa artuwasso. Esako hinumba osusesaara ye iita maaqe Humbaye garafani kakkesaaray.

Ibraxituse 13:9

Lossutto baa be bishana bishana yese eray hinumba didhofe. Miyose gaduttese woga katti e geede hamekofa Wontoy axuse keenge maxo modhetena muxhuro oseyeko bishesha. Miyo woga katta axiti yahafa abani degexutto baasso.

1Phexhrosey 5:10

Axuse fetto maxo modhete keenge Wontoy Kristosa badenako koolo makkina e kuxa fuula shahaxe hi maaqoronike hinumba e xheydo. Oddhe woggase maddhaa hi gello geede hinumba sekke mati e osuse, e gagguse, minsini e esse.

1Yohanisey 3:18

Ta nayshito! Nuunanaara odonaara maaddho badi e yesune aadenaara hantana beysenaara wola nu eehheese.

Yayqoobeyndo 1:24

Hi unguwannike hinumba kakkisine magganaara haasse keenguwasaara kuxa fuulana yese be buro hinumba uqusese e danda'e.