2Qorontoosaxituse 8:23 - Kille Caaqo

²³ Tito gisha oyceshi yesa'ayko esi taara wolla hantiya yese hantaxuko. Ha nu indo na'axhiti gisha oyceshi yesa'ayko usi seya haya yese Wonto zawaxiti ansositaara be hantana Kristosa kuxeesitaarako.

2Qorontoosaxituse 8:23 ပူးပေါင်းရင်းမြစ်များ

Luqaase 5:10

Yeydiwo Simooniyara hanticha Zabdoose na'axhey Yayqoobiyara Yohanisiyaray miciya u yecha. Yesuusay Simooneko <> hidi e hido.

Luqaase 5:7

Hinne fede zabhaafa usaara be hantichoshita e qan'o. Usini yoodine lam'i zabhay kundine bagadey oodhese hiyoro aallo gulxhe u kunso.

Yohanise 13:16

Hinuse ta ohesi fetto aadeko. Maalay laaxume garuwasso, woosuttesi wooseesume garuwasso.

1Qorontoosaxituse 11:7

Asanxi Wonto bishaara Wonto kuxa fuulaaray e garana e bente gisha be qino fashey esuse bishesha maaquwasso. Maachimay asanxi kuxa fuulay i garana bentesako.

2Qorontoosaxituse 12:18

Titoy hinuko hamorosako esa shidhi esaara indo na'eni ta anso. Hinne Titoy hinumba qaarusiya hi garafa e etto? E maxowara ta maxowaray bidzo maaquwadiya yecha? Nu hamoni bidzo maaquwadiya yecha?

2Qorontoosaxituse 7:6

Hidakoni higile axita minxe Wontoy Tito yoowenako numba e minso.

2Qorontoosaxituse 8:16

Tani hinuse maxenike Titoy hinuse maxoronike mata Wontoy galatuttuwaye.

2Qorontoosaxituse 8:18

Modhe odo ohena seya haya yese Wonto zawaxiti uddi <> hidi hine indo na'uko esaara nu ansese.

2Qorontoosaxituse 8:19

Ye eruttewoni e maaddho baanne ingo etti nu hangusune nuura e hamoronike seya haya yese Wonto zawaxiti esa xhardiko u yese. Ye ingoni etti nu hangesi Laaxi kuxuttorosaara fedita nu marenike nu maxo modhete beysesaarako.

2Qorontoosaxituse 8:22

Assi laga wogga laga bisha hanta e hantoronike u matine oseydi hantese naqutti bentese nu indo na'e usaara wolkoko hay nu anxe. Modhe hi hantenike e eezuwa gisha hatteni oseydi hantese e keenge maxoy burome gardesesako.

2Qorontoosaxituse 8:6

Ha hanta buro hantusichashi Tito maaqicho gisha hatte jherdi hi inge ingo bhikkilli e alsoronikeko esa nu shidho.

Filphisoosaxituse 2:25

Hattema taa worguse basuna uddi taa e maroronike hi ansecho Ephafroditose sekke hinuko anxey worgusesa maaqenike maxiyako ta yese. Esini aadexona nuuse indo na'e maaddhi tani modhe odose hantenikiyara tooraxuke darguttenikiyara hantisineni maaqqe darguttisine dooddiko e yese.

Filphisoosaxituse 4:3

Neno muxhuraxe maaqe taara wolko hantiya yeseyo! <> hidi hissineko niya ta shi'e. Ye esini ha indowaxhiti Qelemitosiyara u sunxini en'a yeseesiti sunxi essaaka diizutte yeso fissharowa diizuttese taara hantiya yecha fedeesitaaray ha modhe odo ellusese taara karduttiko u yecha.

Qollasiyasaxituse 1:7

Ha modhe odo nuura wolko hantiya yese eehuttese Ephafray hinuko otiko e yese. Esini hi gisha Kristosase bidzi muxhurona hante hantaxuko.

1Teselonqaxituse 2:2

Hi erenike zage Filphisoose katamaaka nu yechoniyaka maddhaara waayyaara nuu u beysakoni axiti numba orjena inxhadhakoni Wontokofa maaqe modhe odo hinuse ohese Wontonako nu oseydo.

2Xhimootoosese 4:10

Demaasey ha saha eetiko ta garafa dhaddi shahutti Teselonqe katamaa handese. Qarqisey Galatiya wude Titoy Dalmaxhiya wude hidiko u handese.

Titose 1:4

Tani aadexenike ne aadexeesuna aadena ta yele maaqe Tito neesuko ha woosso ta anxe. Ade maaqe Wontowara numba loolusase maaqe Yesuusi Kristosaaray axuse keenge modhe maxowara modhetiyaray neese maaquwaye.

Filmonase 1:17

Yoonase aadexoy nimba bidzo matosuna neyndo na'ukeysi taa beeta'ayko Anasimoose taa ne beenenike esa beedi ekkuwa.

Filmonase 1:24

Yeydiwo taara wolla hantiya yese Marqoosey, Aristrokosey, Demaasiyara Luqaasiyaray <> hidiko sawo neese u anxe.

3Yohanisey 1:8

Aadese hantese shahaxe ni maaqoronike ha e bisha mokkeko nimba e worguse.