2Qorontoosaxituse 6:6 - Kille Caaqo

⁶ Yeydiwo geejhetena nu yese, aade nu ere, nu danda'e, modhete nu beyse, Ayaana Geeshushe nu woosutte, awsha keenguwa eeha nu beyse,

2Qorontoosaxituse 6:6 ပူးပေါင်းရင်းမြစ်များ

Roomaxituse 12:9

Wola hi eehe eehay awsha keenguwasa maaquwaye, iita zeere darri hiwayte, modhe zeere ayti esuna yesuwayte!

Roomaxituse 15:19

Yeysi e matosini Wonto Ayaana osana, yeragitunaara micushe hantanaarako e maaqicha. Ye ogenani Yerusaleemefa Iliwariqoone googe aallo Kristosa modhe odo oti uddi alsiko ta yese.

1Qorontoosaxituse 12:8

Ayaana Geeshi bidzi axuse gaxuna e zeeroronikeko e mahe, ye Ayaanawoy assi fede axi erana zeeroronike e mahe.

1Qorontoosaxituse 13:4

Eehay danda'esako, jhergesako, eehay dhiiddhuwasso, nashuttuwasso, waaruwasso.

1Qorontoosaxituse 2:16

Ye esini <> yeydiko e diizuttese. Nunimay Kristosa muxhuroko nu keenge.

1Qorontoosaxituse 2:4

Yoonase hi aadexoy axi erana eedhesesa e maaddho baane Wonto osana eedhesesa e maaqoronike ta zeerdosani maaqqe ta eruso katoy Wonto Ayaana osana kiidhuttesesa baaka axi eranaara axuse sooqussi zeere uqusenaara maaquwadiko e yecha.

2Qorontoosaxituse 1:23

Hanke maaddhi Qorontoose hinuko yoowe ta dheeddosi hinumba ta higilseesumeko. Ye esuse Wontoko ta atoy.

2Qorontoosaxituse 11:11

<> yeydi taynesi abasuna? Hinumba ta eehuwa gisha? Hinumba ta eehesa Wontoko eresa.

2Qorontoosaxituse 11:4

Bidzi axi hinuko yoodi hinuse nu otechosha maaquwasa Yesuusa gisha feda e otako oo'oyne hi ettecho Ayaana maaquwasa fede ayaana hi eforonike e matako oo'oyne hi siidecho modhe odo e maaddho baane fede modhe odo e otako mikkidiko etti hi dhagge.

2Qorontoosaxituse 11:6

Modhe zeeraxe maaqe dheeddakoni fetto era dheegguwasso. Ye esani laga woggako laga ogena hinuse e gelenike nu otese.

2Qorontoosaxituse 12:15

Hinume hissine ta miijheni tambani garsi ta indako maggusako taa e magguse. Hinne tani hinumba ha e aallo modhussi eehusune hinuni abasuna taase hi gawwo hi xhunxe?

2Qorontoosaxituse 13:10

Zara yesine ha esa hinuse ta diizosi hinuko ta hangeniya ta keenge adeto osana ta go'utteesumeko. Laaxi taase adeto e indosi hinumba ta dichorosa baaka hinumba ta budorosa maaquwasso.

2Qorontoosaxituse 2:10

Hinuni esuse <> hidi hido axuse tanini <> hidiko ta hine. Aadewo <> hiyutte zeerey yesa'ayko Kristosa buro <> hidi ta hinesi hinume hissineko.

2Qorontoosaxituse 2:4

Yenniyani ta muxhurowa higilsiniyara orjena maddhungisiniyara iitana yeekisiniyarako ta diizo. Ta diizosini fetto orjena hinumba ta eehesa hi erorosako baaka hi higilorosa maaquwasso.

2Qorontoosaxituse 3:3

Hinuni nu hantana yooda Kristosay diizzo woosso hi maaqenike addako. Ye woossoni diizuttosi en'a maaqe Wonto Ayaananako baaka diize abakona maaquwasso. Axi muxhuro gara baaka naquttese shuchi gara diizuttesesa maaquwasso.

2Qorontoosaxituse 4:6

Afani sahani be meddho wogga <> hidi hida Wontoko nu muxhurowa fo'e gadda. Ye fo'eni Kristosa aafushaafa faqe Wonto kuxa fuula nu eroronikeko e mahe.

2Qorontoosaxituse 7:2

Hi muxhuro nuuse do'uwayte. Ooneni miidho baanxhiko, ooneni bayso baanxhiko, oone garafani qaarussi etti eruwanxhiko.

Galatiya 3:2

Hinukofa bidzi basuwoko erese ta worge. Ayaana Geeshe hi ettosi woga kafenani hinuse ohutta modhe odo siidi aadexenaara?

Galatiya 3:5

Wontoy hinuse be Ayaana e indosaara hi giddaa micushe hanta e hantosaaray woga hi kattosunani oo'oyne modhe odo siidi hi aadexesunaara?

Galatiya 5:22

Ayaana Geeshi axukaa kaxhe aafey eeha, magga, modhete, danda'o, jhergete, modhe hanta hante, be godofa arte dheebe,

Efesoonaxituse 3:4

Hinuse ta diizzesesa hi zeerussa'ayko Kristosa gisha aachiya yecha Wonto maxo taase gellase eresuko hi danda'e.

Efesoonaxituse 4:2

Eehana wola aykisine uddi wogga hinumba ullaysena, shenona, danda'ona yesuwayte.

Efesoonaxituse 4:32

Woluse jhergesaara higilesaara maaquwayte, Wontoy Kristosana hinuse <> hidi hidonike hinunini woluse <> hidi hiwayte.

Qollasiyasaxituse 1:27

Wonto maxoy ye eruttobadechine hatte eruttasi kuxaara woduntiyara Ayhuda maaquwasiti giddaaka an makko malla e maaqenike haylaxituse adduseko. Ye eruttobadechine hatte eruttasi Kristosako. Hatteni hinukaaka e yesesuna Wonto kuxa fuula shahaxe maaqese gobbe keemako hi keenge.

Qollasiyasaxituse 2:3

Gaxusaara erasaara e aaketey aachutti yesesi Kristosa da'aako.

Qollasiyasaxituse 3:12

Yoonase hayla maaqesaara eehuttesesaara yeydiwo Wontoy xhardesesa hi maaqe gisha higilsa keengesa, jhergaxe, hinumba ullaysesa, shenaxe, danda'axe maaquwayte.

1Teselonqaxituse 2:10

Wonto aadexiyaka yese hi giddaaka nu yecho woggaaka waakidese geejhetenaara, gizetenaara haasse keenguwa yeso nu yechonike hinumbako nuuse atoy, Wontoni atoko.

1Xhimootoosese 4:12

Mulla ne maaqe gisha ooneni nemba haassoppe. Wonto aadexe geriti niya beedi hantoronike yesiya ne yese yesona zeeriya ne yese zeerena yeydiwo ne eehanaara ne aadexonaara ne geejhetenani oseywa.

1Xhimootoosese 5:2

Cindese indowaxhitani neyndo ne beene aafena beewwa. Yeydiwo bunaycitani hade neyndo bunaycekeysi col'e baaka keddaydese geejhetena beewwa.

2Xhimootoosese 3:10

Xhimootoose, nenimay erusiya ta yecho era, yesiya ta yecho yesoni, maxiya ta yecho maxoni, ta aadexoni, ta danda'oni, ta eehani, ta miimeteni erako ne ere.

2Xhimootoosese 4:2

Wonto kato ohuwa, e bishe woggani maaqqe e bishuwa woggaa hantese naquttesesa maaquwa, keddaydese danda'onaara erusenaara gayluwa, kashuwa, osusuwa.

Titose 2:7

Be bishana bishana yese modhe maaqe abako hanti mulliti nemba beedi hantoronike mahuwa. Ooneni nimba iileesiti ni gara be zeere iita abako dheeddi u borsoronike gizo zeere zeeruwa. Yeydiwo ne eruse era aade ogenaara haassuttese danda'uttuwa ogenaara erusuwa.

Yayqoobey 3:17

Maaquwaye baaka Wontoy inge gaxuna yese eray burona geeshuko. Feday assi modhete eehesako, fedase maxesako, siinesako, uddi wogga axe maaresako, e hantay uddi modhe maaqesako, axe shati beewasako, awsha keenguwasako.

1Phexhrosey 1:12

Ye kaayaxiti u zeerdechoshi beese e maaddho baane hinuse e maaqenikeko ususe Wontoy addusecha. U zeerdechoshini afaafa anxutta Ayaana Geeshi osana modhe odo odusaasiti badena hinuse hatte ohuttiko e yese. Ye esa afaase woosaxitini aba e maaqenike erese col'iyako u yese.

1Phexhrosey 1:22

Indo nayshita awsha keenguwa ogena hi eehorosa aadese woosuttena hinumba geeshiko hi yese. Yoonase kume hi muxhurona hi bidzi bidzina modhussi wola eehuwayte.

1Yohanisey 3:18

Ta nayshito! Nuunanaara odonaara maaddho badi e yesune aadenaara hantana beysenaara wola nu eehheese.