2Qorontoosaxituse 6:4 - Kille Caaqo

⁴ Ye esukofa Wontose modhe hantaxe nu maaqenikeko uddi badena nu adduse. Ye esini waayye, maddha, jheete orjenako nu danda'e.

2Qorontoosaxituse 6:4 ပူးပေါင်းရင်းမြစ်များ

Luqaase 21:19

Danda'ona ee'enako hi lubbo hi maare>> yeydi e hido.

Yohanise 16:33

Ha esa hinuse ta zeerdosi taara yesine modhete hi degexorosako. Ha saha gara yesine maddha giddaako hi yese. Bidzoni hooddofita, ha saha iisshiko ta yese>> yeydi e hido.

Anxuttaasiti 2:22

Isra'eele axito, ha ta ohesa siwwayte! Hinuni erenike Wontoy Nazrataxi Yesuusa badena micushe hantaara du'use abakowarako e hanto. Ye esuna Wontokofa e maaqenike e addusso.

Anxuttaasiti 20:34

Ta kuchena hantisine taaseni maaqqe taara yechashitani worgusesa degessi gadiya ta yechonike erako hi ere.

Anxuttaasiti 9:16

Tanini taameysine aanxhi maddha efe esa e worgusenike beysako ta beyse>> yeydi e hido.

Roomaxituse 14:18

Ye e bishana Kristosase hante axi Wonto maggusako e magguse. Axini esa galatako galate.

Roomaxituse 16:10

Kristosase e keenge aadexoy naa'utti beyutti hine galatuttese Afelesese ta sawo ohuwayte. Aristobolose zawa axituse ta sawo ohuwayte.

Roomaxituse 3:5

Ni cubboy Wonto gizete addussi beysesa e maaddho geede hinne abaydiw nu hiye? <> hidiya nu hine? Ha esa yeydi ta hinesi hade axi maxokeko.

Roomaxituse 5:8

Yeydi e maaddhakoni cubbache maaddhi nu yesune Kristosay nuume hissine e haydho. Ye esuna Wontoy numba keddaysi be eehesa e beyso.

1Qorontoosaxituse 3:5

Hinne Aphilosey abani? Phawloseni abani? Hi aadexoronike mata woosutteesita maaquttuwaye? Be bidzi bidzina u hantesi Laaxi u bidzi bidzise indo hantako.

1Qorontoosaxituse 4:1

Yoonase uddi axi numba Kristosa hantaxukiyara e aallicira erese axi danda'uwa Wonto maxo ohese adeto ettesesukiyara mati beewaye.

1Qorontoosaxituse 9:11

Wontose maaqe zeere hi giddaa nu ayllo geede achoshe maaqesa hi garafa nu go'uttako efese nuu e worgusichoshume garsiya nu etto?

2Qorontoosaxituse 11:23

Usi Kristosase hantaxituwa? Tanini usume gare Kristosa hantaxuko. Ha esani hade goojheshe axuke maaddhiko ta zeere. Tani usume gardiko hanti ta gatto, usume gardiko laga woggaaka ta tufutto, usume gardiko laga woggaaka ta durutto, usume gardiko laga woggaaka haybo nuunaafa ta atto.

2Qorontoosaxituse 11:27

Lagako ta kardutto, lagako ta gatto, laga woggako gehunxe ta dheeddo, ta naaydo, ta sazzo. Laga wogga kaxani ta dheeddo, toyyanani maa'o dheebenani ta maddhundo.

2Qorontoosaxituse 11:9

Hinunaara yesine miijhe taa e worgusoniya Maqadooniyafa yooda nuundo na'axhiti miijhena taa u mardo gisha ooneni maddhunso baasso. Hatte aalloni hinumba maddhunso baasso, buro garani hinumba maddhunxuwasso.

2Qorontoosaxituse 12:10

Osa ta degexesi gafaxe maaddhi ta benteniya e maaqe gisha Kristosame hissine gafaxe maaqisine, cashuttisine, maddhungisine, waayye beesine, jheete beesine maggako ta magge.

2Qorontoosaxituse 12:12

Aadena anxuttase ta maaqesa tamba beyse abakoy hinunaara yesine danda'ona ta hanto hantitako. Ye usitini Wonto osa beyseesitaara micushe abakitaarako.

2Qorontoosaxituse 2:17

Nuni hade abako zal'ese gadhesa gawwaanna sekke hanke woxhe laga axituke maaddhi Wonto kato oheesita maaquwanxhiko. Wontoy anso axuke maaddhi Kristosase hantisine aadaxe maaddhiko hade Wonto buro ee'e axuke Wonto kato nu ohe.

2Qorontoosaxituse 3:6

Esi kille caaqose nu hantoronike ellesesako numba e mato. Diizuttese wogay wodhe gishaara Ayaana Geeshi yeso inge gishaara ha kille caaqoy Ayaana Geeshi essaa yesesako baaka diizuttese wogay essaa yesesa maaquwasso.

2Qorontoosaxituse 4:17

Ye esini shawukaara woggasaara maaqe nu maddhay esa ellesi baa danda'uttuwa koolo makkina yese kuxako nuuse e inge.

2Qorontoosaxituse 4:2

Axi aasshi addaa kessuwa borsuse abako hantuwanxhiko hidiko nu hidese. Axeni qaarusuwanxhiko. Wonto katowafa shati etti doomusuwanxhiko. Yeysi mahekofa aade fetto tiddhiyannako nu ohe. Wonto buro yesine axi uddi be muxhurowanna <> hidi hiyorosa numba matiko axaara nu yese.

2Qorontoosaxituse 4:8

Se badefa ha badefa maddhay nu gara elli deexhakoni numba muulli usheshi baasso. Laga woggaa nu buro e baane, hidakoni nu gobbo bursuwanxhiko.

2Qorontoosaxituse 7:11

Wonto maxoke yese higilsay an bisha aafe hinumba e kassonike beewayte. Ye esini hi oseynesa hi beysoronike, ye cubbowa hi gello baannike hi addusoronike, iita zeere gara hi huuloronikeko e mato. Waydese jhashe, waydese saza, waydese modhe zeere gisha ee'e, waydese cubbaxe murew hinumba e kasso. Ha zeerese uddi badena geeshe hi maaqesa hinumba beysiko hi yese.

Qollasiyasaxituse 1:11

Yeydiwo uddi abakona maggana dandadhi hi miimoronikeko keddaydi kuxuttese e osana miimete degexese hi danda'e.

Qollasiyasaxituse 1:24

Hatte hi gisha essa ta yese maddhana maggako ta magge. E gara maaddhi yese Wonto zawa axitume hissineko Kristosa maddhaafa facechashe ta acho maddhana kunsi ta alse.

1Teselonqaxituse 3:7

Yoonase nuundo nayshito! Nuni fetto maxona megguttiyakaara haanxhi maddha giddaakaara yesesa nu maaddhakoni hi aadexowafa dendasuna hinuse nu keenge maxona oseydiko nu yese.

1Teselonqaxituse 5:14

Nuundo nayshito! Hanta hantuwasita gayluwayte, jhasheeshita <> hidi osusuwayte, gafaxitani maruwayte, axe uddina dandadhi aykuwayte hidiko hinumba nu minxe.

1Xhimootoosese 2:15

Yeydi e maaddhakoni aadexonani eehanani haylonte yesonani bemba yekke ullaysisine oseydi i yessako yele yelenako i loole.

1Xhimootoosese 4:6

Ha esa aadexeesituse ne erussako ni aadexo gisha eruse eraara modhe erunxaara muusine dicciko Yesuusi Kristosase modhe hantaxe ne maaqe.

1Xhimootoosese 6:11

Neno Wonto axe maaqe Xhimootoose! Neese haanxhi iita garafa uddi ba'uwa. Gizo maaqena, uddi wogga Wontosewo maxena, aadexona dicena, feda eehena, danda'ena, shenaxe maaqena neese bidzi muxhurona oseywa.

2Xhimootoosese 1:8

Yoonase Laaxi Yesuusi Kristosa gisha ohenani maaqqe Kristosame hissine taa u tuttese gisha ta tufuttenani borsofuna. Wontoy neese inge osa aallo modhe odo gisha ne gara yooda maddha taankeysi dandadhi garxuwa.

2Xhimootoosese 2:24

Laaxi hantaxi uddi axuse shenaxe, axe erusese era keengesa, danda'esa baaka koyse denxesa maaqe esa worgusuwasso.

2Xhimootoosese 4:5

Neesema neni uddi basi zeere e worgusenike hante toyya axe maaquwa, maddhani danda'uwa, modhe odo oheesiti hantenike nenini hantuwa, Wontoy neese indo hanta uddina hantuwa.

Ibraxituse 12:1

Yoonase nu googiya hade dhumake laddese be haydho aallo aadexona yessi ato maaddhaasita nu keenge gisha uddi nuuse hade iddake maaqe abakitaara nu buro gara nu woxhuwannike numba aytese cubbowara nu garafa oossi nu buro gara yese woxe danda'ona oseydi nu woxxheese.

Yohanise Haraje 1:9

Tani hinindo na'e maaqe Yohanisey Yesuusi Kristosa badena nu keenge bidzetona hinukeydi e kaatetowa yesine hinunaara wolko maddhaseni maaqqe Wontoy inge danda'ose shahaxe maaqqe tani Wonto kato ta oto gishaara Yesuusay otosa ta oto gishaara Fiixhmo sunge dhaanaaka tufuttiko ta yecha.

Yohanise Haraje 3:10

<> yeydi ta hidosa ne katto gisha tanini ha saha gara yeseesita uddi naadhi beyese ha saha gara yoone maddha woggaaka nemba kafako ta kakke.