2Qorontoosaxituse 5:9 - Kille Caaqo

⁹ Ha e gisha ha saha gara yessakoni oo'oyne haydhakoni Laaxe maggusesuko nu kardutte.

2Qorontoosaxituse 5:9 ပူးပေါင်းရင်းမြစ်များ

Yohanise 6:27

Baane kaxase hantofita! Koolo makkina yeso inge kaxase hantuwayte! Ye esani axi yele hidi hiyuttasi hinuse ingako e inge. Ade maaqe Wontoy axi yele hidi hiyuttesuna be maxo be hantenike addussiko e yese>> hidi e hido.

Roomaxituse 14:18

Ye e bishana Kristosase hante axi Wonto maggusako e magguse. Axini esa galatako galate.

Roomaxituse 14:8

Yesa'ayko Laaxusuko nu yese, hay'o'aykoni Laaxusuko nu hay'e. Ye e gisha yesa'aykoni hay'a'aykoni nuni Laaxusuko.

Roomaxituse 15:20

Uddi woggaa hantese ta worgesini axi kaacho gara keexe ta keexhuwannike Kristosa sunxi sinto baa godo modhe odo oheko.

1Qorontoosaxituse 15:58

Yoonase ta eehe nuundo nayshito! Miindi ee'uwayte, bidzi abakonani sekke hanke hidofita, Laaxi hantase hi gakkesi yaho e maaquwasa erdi uddi woggaa Laaxi hanta hantese oseywayte.

2Qorontoosaxituse 5:6

Ha e gishako uddi woggaa eezo keenguwasa gobbo burse baaka nu yese. Ha nu garay nuuso maaqe aallo Laaxuna nu degexe zawafa zardi nu yesenike erako nu ere.

2Qorontoosaxituse 5:8

Essaa nu yese nu gara dhaddi handi Laaxuso yesese orjena wordiko eezo keenguwasa gobbo burse baaka nu yese.

Efesoonaxituse 1:6

Yeysini e matosi axuse e keenge kuxuttese e maxo modhete gisha axi esa galatorosako. Ye modhete be maxoni eehuttese be yele badenako niise e adduso.

Qollasiyasaxituse 1:10

Yeydi e maaqo'ayko Laaxuse yese e worgusenike yessiko uddi ogena Laaxe hi magguse, laga bisha modhe hanta hanti aafe beysenaara Wonto erenaara diceshe hi danda'e.

Qollasiyasaxituse 1:29

Ye esusuko Wontoy orje be osana taaka e hantesuna ye e osa badena keddaysi karduttisine ta gakke.

1Teselonqaxituse 4:1

Nuundo nayshito! Wonto maggusese waydi yese hinumba e worgusenike erusiko nu yese. Aadewo hinuni Wonto maggusisine yesiyako hi yese. Aalliciraaka Laaxi Yesuusana hinumba odde hidi nu hinesaara hinumba nu minxesaaray ha esume gardese ogena Wonto hi maggusorosako.

1Teselonqaxituse 4:11

Koyse baaka yesese karduttuwayte, hinuse hinumba oyce zeere garawo maxo gaduwayte, yeydiwo ha esume buro hinuse nu otonike hinuse hi kuchena hanti yesuwayte.

1Xhimootoosese 4:10

Uddi axita fetto esa aadexeesita looluse en'a maaqe Wonto gobbe nu mahe gishako nu karduttesaara nu gakkesaaray.

Ibraxituse 12:28

Ye e gisha ninini en'ese danda'uwa kaateto esaara ni ekke gisha Wonto nu galatteese. E magguse ogena kedda keddaysisiniyara jhashenaara Wonto kuxuse hanta nu hantoose.

Ibraxituse 4:11

Yoonase ye usiti woosutte inxhadhonike woosutte inxhadhi nuukaafa ooneni unguwannike Wontoy inge kaxe ekkuso godowa gelese orjena nu oseyyeese.

2Phexhrosey 3:14

Yoonase, ta eehe ta badito, ha esi uddi maaqe wonta kakkisine modhetena haasse keenguwa geeshe maaddhi hi yesune Laaxi hinumba degexoronike oseydi hantuwayte.