2Qorontoosaxituse 4:2 - Kille Caaqo

² Axi aasshi addaa kessuwa borsuse abako hantuwanxhiko hidiko nu hidese. Axeni qaarusuwanxhiko. Wonto katowafa shati etti doomusuwanxhiko. Yeysi mahekofa aade fetto tiddhiyannako nu ohe. Wonto buro yesine axi uddi be muxhurowanna <> hidi hiyorosa numba matiko axaara nu yese.

2Qorontoosaxituse 4:2 ပူးပေါင်းရင်းမြစ်များ

Roomaxituse 1:16

Modhe odona borsuwasso! Ye modhe odoni burona Ayhudaxiti giddaafa sekkeni Ayhuda maaquwasiti giddaafa Wonto aadexeesita uddi looluse Wonto osako.

Roomaxituse 6:21

Hine yenniya ye hi hanto hantaafa am hi go'utto? Hatte hinumba borsuse basume feda essaafa hi go'utto basi baasso. Ye hantase e aalliciray hayboko.

1Qorontoosaxituse 4:5

Ha e gisha Laaxi Yesuusay yaa'ese yoonesume burona oone garani yaadhofita. Be yooneniyani esi cenchaa aachuttechashe fo'iyako e kesse. Axiti be muxhurowa aashecho maxoko e adduse. Yenniyako Wontoy e bidzi bidzina e muxhuro maxo beedi e suuze.

2Qorontoosaxituse 1:12

Ha saha gara nu yesune fettoni hinunaara nu yesune Wontokofa nu degesso geejhetenaara aadaxe maaqenaarako durkutti nu yesso. Ye esini axi erana e maaddho baanne Wontoy axuse keenge maxo modhetenako. Ye ogena nu cee'uttesi nu muxhurowa <> yeydi hinesi baasunako.

2Qorontoosaxituse 11:3

Shooshi be fayanketena Hewaane qaarussonike haliya hi maxoy iitti Kristosase hi keenge gizo eehaara geejhetiyaara hi dhaggeni hidiko ta hoodde.

2Qorontoosaxituse 11:6

Modhe zeeraxe maaqe dheeddakoni fetto era dheegguwasso. Ye esani laga woggako laga ogena hinuse e gelenike nu otese.

2Qorontoosaxituse 2:17

Nuni hade abako zal'ese gadhesa gawwaanna sekke hanke woxhe laga axituke maaddhi Wonto kato oheesita maaquwanxhiko. Wontoy anso axuke maaddhi Kristosase hantisine aadaxe maaddhiko hade Wonto buro ee'e axuke Wonto kato nu ohe.

2Qorontoosaxituse 5:11

Wonto jhashey aba maaqesa nu ere gisha axiti nu ohesa eforonikeko mahese karduttiya nu yese. Wontoy nu oonunte kumenako e ere. Yeydiwo hinunini hi muxhurowanna numba hi erenike gobbako ta gobbe.

2Qorontoosaxituse 6:8

Kuxuttisineni oo'oyne ulla hissineni, haassuttisineni oo'oyne galatuttisineni yessiko nu yese. <> hidi nu hiyutte, nunimay aadaxitako.

2Qorontoosaxituse 7:14

Tito buroko hinumba ta nasshecha. Hinunini taa borsusobaytako. Uddi wogga aadewo hinuse nu otonike Titoko hinumba ta nasshoshi aade maaddhi bentiko e yese.

Efesoonaxituse 4:14

Ha e geede sekke axe halusenaara qaarusenaara zaadena naquttese haluxe erunxuna hade jhirahonaara agexunaara sekke hanke hine nayshe maaddhofunxhi.

Efesoonaxituse 5:12

Ye esini aachiyaanna u hante hanta beese zeereni fetto borsusesako.