2Qorontoosaxituse 3:18 - Kille Caaqo

¹⁸ Ha e gisha nu uddina fashutto baa aafushanako Laaxi kuxa fuula hade daw'atake faqiya nu yese. Esa nu bishoronike kuxa gara kuxa kosisine nu hange. Yeydini e maaqesi Laaxunako. Esini ayaanako.

2Qorontoosaxituse 3:18 ပူးပေါင်းရင်းမြစ်များ

Yohanise 1:14

Katoy axe e maaddho, nu giddani e yesso. Wontoy axuse keenge maxo modhetiyara aadiyaray essaaka kundine bidzi yeley biyade da'aa keenge kuxakewo e kuxa fuulani nu beedo.

Yohanise 12:41

Isayasey esume yeydi hiyese e dandadhosi Mesihe kuxa fuula be beedo gishako. Mesihesuko e zeerdo.

Yohanise 17:22

Nini bidzo maaqenike usini bidzo maaqorosa taase ne indecho kuxa fuula ususe indiko ta yese.

Yohanise 17:24

Nuwadde! Ha sahay meddhutto baanne tamba ne eeto gisha taase ne indo kuxa fuula ha taako ne indeseesiti beyoronike tani yese godo taara u yesorosako ta worge.

Roomaxituse 12:2

Modhiyara maggusesaara yeydiwo facete keenguwasa maaqe Wonto maxoy aba e maaqenike erese hi danda'oronike hi sorge killonxena hinumba arxuwayte baaka ha saha bisshi yessofita.

Roomaxituse 13:14

Yeysi mahekofa Laaxi Yesuusi Kristosa maa'uwayte baaka hinuse hi acho col'a alsi doojheshe wordofita.

Roomaxituse 8:29

Laga indo nayshi giddaa e yeley angusse maaqoronike uddi abako e maaqeesume buro be xhardechoshituko <> hidiko e hido.

Roomaxituse 8:4

Ha esa yeysi e matosi axi maxona e maaddho baane Wonto Ayaana maxoke yese nuuka wogay oyce gizetey kumena kafuttesesa e maaqoronikeko.

Roomaxituse 8:7

Ye esini beese be achoshe maxe axi Wonto wogase be woosuttuwa gishaara woosutteseni be danda'uwa gishaara ye axi Wonto iilaxuko e maaqe.

1Qorontoosaxituse 13:12

Hatte hade daw'atana nu beenenikeko jhemmi jhemmissi nu beene, yenniyama uddi abako tiddhissiko nu beene. Hatte ta ere eray faceko, yenniyaka Wontoy tamba erenikeko tanini facete keenguwasa ta ere.

1Qorontoosaxituse 15:49

Ye sahaafa meddhutta axe ni bishonike yeydiwo ye afaafa yooda axeni bishako ni bishe.

2Qorontoosaxituse 3:17

Laaxi ayaanako. Laaxi Ayaanay yese godowaka maaketoy baasso.

2Qorontoosaxituse 4:4

Ye aadexuwa geriti Kristosa kuxa fuula adduse modhe odo fo'e u beyoroome ha sahase wonto maaqe Humbayey gaxe u keenguwannike matiko e yese. Kristosay Wonto bisha beysesako.

2Qorontoosaxituse 4:6

Afani sahani be meddho wogga <> hidi hida Wontoko nu muxhurowa fo'e gadda. Ye fo'eni Kristosa aafushaafa faqe Wonto kuxa fuula nu eroronikeko e mahe.

2Qorontoosaxituse 5:17

Ha e gisha ooneni Kristosaara bidzo maaddhako kille meddhuttiko e yese. Cima abakoy baadinne killey meddhuttiko e yese.

Galatiya 6:15

Gada utteni maaqqe gada utte dheebey aban maruwasso. Maresi kille meddhutta axe maaqeko.

Qollasiyasaxituse 3:10

kille axe maaddhiko hi yese. Ye esa meddha Wonto bisha hi beysoronike era gara era hi kosoronike Wontoy ye kille axe uddi woggaako e killonxe.

1Xhimootoosese 1:11

Ha gizo erunxi kuxa fuula keenge modhe odowara wola efako ekke. Ye esini axiti esa kedda kedda hise Wontokofa axituse ta ohoronike taako odde hissine inguttesesako.

Titose 3:5

nuni hanto gizete hantana maaquwasa beese be maarowafa densiko numba haybowafa e maardo. Numba e maardosini kille yelutti shohuttenaara Ayaana Geeshi badena benta killonxenaarako.

Yayqoobey 1:23

Ye esini kato siidi e otonike hantuwa axi be aafusha daw'atana beeda axuko e bishe.

1Yohanisey 3:2

Ta eehe ta badito! Hatte nini Wonto nayshitako, buro gara aba ni bisheshi addaaka kesso baasso. Maaqe baa Kristosay yooneniyaka waakesesa e maaqenike ni beene gisha esa ni bishenike erako ni ere.